އަލިފާނުގެ ހާދިސާއާ ގުޅިގެން ގެދޮރުވެރިކަމާއި ބިމާއި އުމްރާނީ ތަރައްގީއާބެހޭ ވުޒާރާގެ ސާވާ ސަލާމަތް ނުކުރެވުނު ކަމަށާއި އޭގައި ހުރި ހުރިހާ ޑޭޓާ އެއްކޮށް ގެއްލިފައިވާ ކަމަށް ހައުސިން މިނިސްޓަރު ޑރ. އަލީ ހައިދަރު އަހުމަދު މިއަދު ވިދާޅުވެއްޖެ އެވެ.
ދައުލަތުގެ މީޑިޔާ ޕީއެސްއެމަށް ދެއްވި އިންޓަވިއު އެއްގައި ވާހަކަ ދައްކަވަމުން ހައުސިން މިނިސްޓަރު ޑރ. އަލީ ހައިދަރު އަހުމަދު ވިދާޅުވީ އަލިފާނުގެ ހާދިސާއާ ގުޅިގެން ގެދޮރުވެރިކަމާއި ބިމާއި އުމްރާނީ ތަރައްގީއާބެހޭ ވުޒާރާގެ ސާވާ ސަލާމަތް ނުކުރެވުނު ކަމަށެވެ. އަލިފާނުގެ ހާދިސާގައި އެ ވުޒާރާގެ ސަރވާ ސަލާމަތް ނުކުރެވުމުން، އޭގައި ހުރި ހުރިހާ ލިޔެކިޔުމަކާއި ޑޭޓާއެއް އެއްކޮށް ގެއްލިފައިވާ ކަމަށް މިނިސްޓަރު ވިދާޅުވިއެވެ. އަދި އެ ސާވާގައި މުވައްޒަފުންގެ މައުލޫމާތާއި މިހާރު ކުރިއަށްދާ މަޝްރޫއުތަކުގެ މައުލޫމާތުތައްވެސް ހުންނާނެކަމަށް ވަޒީރު ހައިދަރު ވިދާޅުވިއެވެ.
މިނިސްޓަރު ހައިދަރު ވިދާޅުވީ، ގެދޮރުވެރިކަމާބެހޭ ވުޒާރާގެ މަސައްކަތްތައް ދަރުބާރުގެއަށް ވަގުތީގޮތުން ބަދަލުކުރުމުގެ މަސައްކަތް މިހާރު ކުރަމުންދާ ކަމަށެވެ. އެކަމުގައި ދައުލަތުގެ އެކި މުއައްސަސާތަކާއި ސަރުކާރުގެ ކުންފުނިތަކުގެ އެހީތެރިކަން ލިބެމުންދާކަން ފާހަގަކުރަށްވައި މިނިސްޓަރު ވިދާޅުވީ އެ މަސައްކަތް މިރޭ 10:00އަށް ނިންމާލެވޭނެ ކަމަށެވެ. އަދި އަންނަ އާދީއްތަ ދުވަހު ވުޒާރާގެ މަސައްކަތް ދަރުބާރުގޭގައި ފެށޭނެކަމަށްވެސް ވަޒީރު ވިދާޅުވިއެވެ.
މިނިސްޓަރު ހައިދަރު އިތުރަށް ވިދާޅުވީ ސަރވާ ރިކަވަރ ނުކުރެވުނު ނަމަވެސް ފްލެޓް ލިސްޓަށް އަސަރު ނުކުރާނެ ކަމަށެވެ. އެއީ ފްލެޓް ލިސްޓާއި މަޝްރޫއުތަކާ ގުޅޭ މުހިންމު މައުލޫމާތު ރައްކާ ކޮށްފައި ހުންނަނީ އިންޓަރނެޓްގައި ގާއިމްކޮށްފައިވާ ކްލައުޑެއްގައި ކަމަށްވާތީ ކަމަށް މިނިސްޓަރު ވިދާޅުވިއެވެ.
އިއްޔެ ހިނގި އަލިފާނުގެ ހާދިސާގައި ގެދޮރުވެރިކަމާބެހޭ ވުޒާރާގެ އިތުރުން އިމާރާތް ކުރުމާއި ބިނާރާބެހޭ ވުޒާރާ އަދި ތިމާވެއްޓާބެހޭ ވުޒާރާއަށްވެސް ވަނީ ބޮޑެތި ގެއްލުންތަކެއް ލިބި އިމާރަތް ވެސް ބޭނުންނުކުރެވޭ ވަރަށް ހަލާކުވެފައެެވެ.
މިނިސްޓަރު އިތުރަށް ވިދާޅުވީ އަލިފާނުގެ ބޮޑު ހާދިސާގައި ސަލާމަތްކުރެވުނީ ވަރަށް މަދު ލިޔުންތަކެއް ކަމަށެވެ. އަދި އޮފީހުގެ ސާވާގެ ޑިސްކު ނަގައިގެން މައުލޫމާތުތައް ހޯދޭތޯ ބަލަމުން އަންނަ ކަމަށް މިނިސްޓަރު ވިދާޅުވިއެވެ.
މިނިސްޓަރު ހައިދަރު ވިދާޅުވީ، ގެދޮރުވެރިކަމާބެހޭ ވުޒާރާގެ މަސައްކަތްތައް ދަރުބާރުގެއަށް ވަގުތީގޮތުން ބަދަލުކުރުމުގެ މަސައްކަތް މިހާރު ކުރަމުންދާ ކަމަށެވެ. އެކަމުގައި ދައުލަތުގެ އެކި މުއައްސަސާތަކާއި ސަރުކާރުގެ ކުންފުނިތަކުގެ އެހީތެރިކަން ލިބެމުންދާކަން ފާހަގަކުރަށްވައި މިނިސްޓަރު ވިދާޅުވީ އެ މަސައްކަތް މިރޭ 10:00އަށް ނިންމާލެވޭނެ ކަމަށެވެ. އަދި އަންނަ އާދީއްތަ ދުވަހު ވުޒާރާގެ މަސައްކަތް ދަރުބާރުގޭގައި ފެށޭނެކަމަށްވެސް ވަޒީރު ވިދާޅުވިއެވެ.
މިނިސްޓަރު ހައިދަރު އިތުރަށް ވިދާޅުވީ ސަރވާ ރިކަވަރ ނުކުރެވުނު ނަމަވެސް ފްލެޓް ލިސްޓަށް އަސަރު ނުކުރާނެ ކަމަށެވެ. އެއީ ފްލެޓް ލިސްޓާއި މަޝްރޫއުތަކާ ގުޅޭ މުހިންމު މައުލޫމާތު ރައްކާ ކޮށްފައި ހުންނަނީ އިންޓަރނެޓްގައި ގާއިމްކޮށްފައިވާ ކްލައުޑެއްގައި ކަމަށްވާތީ ކަމަށް މިނިސްޓަރު ވިދާޅުވިއެވެ.
މިނިސްޓަރު އިތުރަށް ވިދާޅުވީ އަލިފާނުގެ ބޮޑު ހާދިސާގައި ސަލާމަތްކުރެވުނީ ވަރަށް މަދު ލިޔުންތަކެއް ކަމަށެވެ. އަދި އޮފީހުގެ ސާވާގެ ޑިސްކު ނަގައިގެން މައުލޫމާތުތައް ހޯދޭތޯ ބަލަމުން އަންނަ ކަމަށް މިނިސްޓަރު ވިދާޅުވިއެވެ.
ކިޔުންތެރިންގެ ހިޔާލު