ރައީސުލްޖުމުހޫރިއްޔާ ޑރ. މުޙައްމަދު މުއިއްޒު ނިންމަވަމުން ގެންދަވާ ނިންމެވުންތަކަކީ ޒަމާންތަކެއް ވަންދެން ދިވެހިންނަށް އޭގެ ލާބަޔާއި މަންފާ ލިބޭނެ ނިންމެވުންތަކެއްކަމަށް ރައްޔިތުންގެ މަޖިލީހުގެ މަހިބަދޫ ދާއިރާގެ މެމްބަރު އަހުމަދު ތާރިޤް (ޓޮމް) ވިދާޅުވެއްޖެއެވެ.
ރައީސް މުޢިއްޒު އދ. މަހިބަދޫ ރައްޔިތުންނާ ބައްދަލު ކުރެއްވުމަށް ބޭއްވި ޙަފްލާގައި ވާހަކަ ދައްކަވަމުން މަހިބަދޫ ދާއިރާގެ މެމްބަރު އަހުމަދު ތާރިޤް ވިދާޅުވީ، ރައީސް މުޢިއްޒުގެ ނިންމެވުންތަކުގެ ފައިދާ ޒަމާންތަކަށް ދެމިގެންދާނެ ކަމަށެވެ. އަދި ރައީސް މިއަދު ނިންމަވާ ނިންމުންތަކުގެ ސަބަބުން ޒަމާންތަކަށްފަހު އެމަނިކުފާނަށް ދިވެހި ރައްޔިތުން ޝުކުރު އަދާކުރާނެ ކަމަށް އޭނާ ވިދާޅުވިއެވެ. ތާރިޤް ވިދާޅުވީ ޒަމާންވީ މަައްސަލަތަކަށް ރައީސް ހައްލު ހޯއްދަވައިދެއްވަނީ ހިކުމަތްތެރިކަމާއި ހުޝިޔާރުކަމާއެކު ކަމަށެެވެ.
"ރައީސް ރާއްޖޭގެ އިޤްތިޞާދާއި ޒުވާނުންގެ ދުޅަހެޔޮ ކަމަށްޓަކައި ނިންމަވާފައިވާ ބޮޑެތި ސިޔާސަތުތަކަކީ ކުރިއަށް އޮތް ޖީލުތަކުގައި ދިވެހި ރައްޔިތުންނަށް އެކަމުން ފައިދާ ފެނިގެންދާނެ ކަންތައްތަކެއް ކަމުގައި އަޅުގަނޑު ފާހަގަކުރަން،" ތާރިޤް ވިދާޅުވިއެވެ.
މީގެ އިތުރުން ޓޮމް ވިދާޅުވީ ވެރިކަމުގެ ފުރަތަމަ އަހަރަކީ ސަރުކާރުތަކުގައި ތަރައްޤީގެ މާ ބޮޑު މަސައްކަތްތަކެއް ކުރިއަށްދާ އަހަރެއް ނޫންކަމަށެވެ. އެހެން ނަމަވެސް އަންނަ އަހަރު ތަރައްޤީގެ ބޮޑެތި މަޝްރޫޢު ތަކެއް ފެށިގެންދާނެ ކަމަށް އޭނާ ވިދާޅުވިއެެވެ. އަދި މި ފެށޭ އަހަރަކީ އެކި ސަރަޙައްދުތަކުގައި ހުރި ބޯހިޔާވަހިކަމުގެ މައްސަލަތަކަށް ޙައްލު ހޯއްދަވައިދެއްވުމުގެ އަމަލީ މަސައްކަތްތައް ފެށިގެންދާނެ އަހަރަކަށްވެގެންދާނެ ކަމަށްވެސް މެމްބަރު ތާރިޤް ވިދާޅުވިއެވެ.
"ދަރަނި ޖީޑީޕީގައި އެހެރީ 126 ބިލިއަން ރުފިޔާގެ ދަރަނީގައި މިހުރިހާ ދަރަންޏެއް ދައްކަމުން ރާއްޖޭގެ ރައްޔިތުންނަށް މުސާރަ އާއި އާސަންދަ އާއި ހުރިހާ ކަންކަމެއް ތަރުތީބު ކުރުމަކީ ފަސޭހަ ކަމެއް ނޫން، އެހެންވެގެން ކުޑަކޮށް ޕްރޮޖެކްޓްތައް ޑިލޭވެގެން ފުރަތަމަ އަހަރު މިދިޔައީ. ރައްޔިތުންނަށް ބޭނުންވާ އަސާސީ ޚިދުމަތްތައް ނުދީ ދެން އިތުރުކަމެއް ކުރުމުގެ ފުރުސަތެއް ނޯންނާނެ. އެކަމަށްޓަކައި ރައީސް ވަގުތުކޮޅެއް ނެންގެވީ އެކަމަށްޓަކައި އަޅުގަނޑުމެންގެ ބައެއް ކަންކަން އެންމެ ސްޕީޑްގައި ނުދިޔަޔަސް ކުރިއަށް އޮތް އަހަރަކީ އުއްމީދީ އަހަރެއް، އަޅުގަނޑުމެންގެ ރައްޔިތުން ބޭނުންވާ ތަރައްޤީޤެ ބޮޑެތި ޕްރޮޖެކްޓްތައް މާތް ﷲ ވާގިފުޅާއެކު ފެށިގެންދާނެ އަހަރެއް،" ތާރިޤް ވިދާޅުވިއެވެ.
"ރައީސް ރާއްޖޭގެ އިޤްތިޞާދާއި ޒުވާނުންގެ ދުޅަހެޔޮ ކަމަށްޓަކައި ނިންމަވާފައިވާ ބޮޑެތި ސިޔާސަތުތަކަކީ ކުރިއަށް އޮތް ޖީލުތަކުގައި ދިވެހި ރައްޔިތުންނަށް އެކަމުން ފައިދާ ފެނިގެންދާނެ ކަންތައްތަކެއް ކަމުގައި އަޅުގަނޑު ފާހަގަކުރަން،" ތާރިޤް ވިދާޅުވިއެވެ.
"ދަރަނި ޖީޑީޕީގައި އެހެރީ 126 ބިލިއަން ރުފިޔާގެ ދަރަނީގައި މިހުރިހާ ދަރަންޏެއް ދައްކަމުން ރާއްޖޭގެ ރައްޔިތުންނަށް މުސާރަ އާއި އާސަންދަ އާއި ހުރިހާ ކަންކަމެއް ތަރުތީބު ކުރުމަކީ ފަސޭހަ ކަމެއް ނޫން، އެހެންވެގެން ކުޑަކޮށް ޕްރޮޖެކްޓްތައް ޑިލޭވެގެން ފުރަތަމަ އަހަރު މިދިޔައީ. ރައްޔިތުންނަށް ބޭނުންވާ އަސާސީ ޚިދުމަތްތައް ނުދީ ދެން އިތުރުކަމެއް ކުރުމުގެ ފުރުސަތެއް ނޯންނާނެ. އެކަމަށްޓަކައި ރައީސް ވަގުތުކޮޅެއް ނެންގެވީ އެކަމަށްޓަކައި އަޅުގަނޑުމެންގެ ބައެއް ކަންކަން އެންމެ ސްޕީޑްގައި ނުދިޔަޔަސް ކުރިއަށް އޮތް އަހަރަކީ އުއްމީދީ އަހަރެއް، އަޅުގަނޑުމެންގެ ރައްޔިތުން ބޭނުންވާ ތަރައްޤީޤެ ބޮޑެތި ޕްރޮޖެކްޓްތައް މާތް ﷲ ވާގިފުޅާއެކު ފެށިގެންދާނެ އަހަރެއް،" ތާރިޤް ވިދާޅުވިއެވެ.
ކިޔުންތެރިންގެ ހިޔާލު