ހައުސިން ޑިވެލޮޕްމަންޓް ކޯޕަރޭޝަން (އެޗްޑީސީ) އާއި ގުޅޭ ކޮރަޕްޝަންގެ މައްސަލައެއްގައި، ޖިނާއީ ތަހުގީގެއް ފަށާފައިވާކަމަށް ފުލުހުން ބުނެފިއެވެ.
މީޑިއާތަކަށް ފޮނުވި މެސެޖެއްގައި ފުލުހުން ބުނެފައިވަނީ ބިންވެރިޔާ ސްކީމްގެ ދަށުން ގޯތި ނުލިބޭ ބަޔަކަށް އެޗްޑީސީއިން ގޯތިތަކެއް ދީފައިވާކަމަށް ބެލެވޭ މައްސަލައެއް ފެންމަތިވުމާއި ގުޅިގެން އެ މައްސަލައިގެ ޖިނާއީ ތަހުގީގެއް ފުލުހުން މިހާރު ފަށާފައިވާކަމަށެވެ.
މި މައްސަލަ ފެންމަތިވެފައިވަނީ ބިންވެރިޔާ ސްކީމްގެ ދަށުން ގޯތި ލިބިފައިވާ ފަރާތްތަކެއް ކަމަށްބުނެ އެޗްޑީސީން ހައުސިން މިނިސްޓްރީއަށް ފޮނުވި ސިޓީއެއްގައި އެ ފަރާތްތަކަށް ގޯތީގެ އިންފާރު ރޭނުމުގެ ހުއްދައަށް އެދުމުން އެ ފަރާތްތަކަކީ ބިންވެރިޔާ ގޯތި ލިބިފައިވާ ފަރާތްތަކެއް ނޫންކަމަށް ހައުސިން މިނިސްޓްރީއިން އެޗްޑީސީއަށް އެންގުމުންނެެވެ.
އިތުރު ސިޓީއަކަށް ހައުސިން މިނިސްޓްރީން ދިން ޖަވާބުގައިވާ ގޮތުން އެޗްޑީސީގެ ސިޓީގައި ފާހަގަކޮށްފައިވާ މީހުންނަކީ އެ ސްކީމުން ގޯއްޗަށް އެދި އެޕްލިކޭޝަން ހުށަހަޅައިފައިވާ މީހުން ނޫންކަން ޑޭޓާބޭސްއިން ދައްކާ ކަމަށެވެ. އަދި ހުޅުމާލެ ލޮޓް ނަމްބަރު 20768 އިން ގޯތި ލިބިފައިވާ ކަމަށް ބުނެ ދެ ފަރާތަކުން ފޮނުވާފައިވާ ސިޓީގައި ބަޔާންކޮށްފައިވާ ގޯއްޗަކީ އެ މިނިސްޓްރީން އެހާތަނަށް އެއްވެސް ފަރާތަކާ ހަވާލުކޮށްފައިނުވާ ދެ ގޯތި ކަމަށް ވެސް ސިޓީގައި ބުނެފައިވެއެެވެ.
އެމައްސަލައާއި ގުޅޭ ބައެއް ލިޔެކިޔުންތައް ސޯޝަލް މީޑިއާގައި ވަނީ އާންމުވެފައެވެ. އެގޮތަށް އިންފާރު ރާނަން ހުއްދަ ދޭން އެދިފައިވާ އެއް ފަރާތަކީ އެޗްޑީސީގެ އެމްޑީ ފަޒުލް ރަޝީދުގެ ކޮއްކޮ ފަޒީލް ރަޝީދު ކަމަށް އާންމުވެފައިވާ ލިޔެކިޔުންތަކުން ވަނީ ހާމަވެފައެވެ.
ކުރީގެ ރައީސް އިބްރާހީމް މުޙައްމަދު ޞާލިޙްގެ ސަރުކާރުގެ ބިންވެރިޔާ ސްކީމްގެ ފުރަތަމަ ފިޔަވަހީގެ ދަށުން، ގޯއްޗަށް ޝަރުތު ހަމަވާ ކަމަށް އޮތީ 18،955 މީހުންނެެވެ. އޭގެ ތެރެއިން ޖުމުލަ 9،003 ގޯތި ދޫކުރަން އޭރު ނިންމާފައިވާއިރު އެ ގޯތިތައް ދޫކޮށްފައިވަނީ ހުޅުމާލެއާއި ގުޅީފަޅާއި ގިރާވަރުފަޅުންނެވެ.
މި މައްސަލަ ފެންމަތިވެފައިވަނީ ބިންވެރިޔާ ސްކީމްގެ ދަށުން ގޯތި ލިބިފައިވާ ފަރާތްތަކެއް ކަމަށްބުނެ އެޗްޑީސީން ހައުސިން މިނިސްޓްރީއަށް ފޮނުވި ސިޓީއެއްގައި އެ ފަރާތްތަކަށް ގޯތީގެ އިންފާރު ރޭނުމުގެ ހުއްދައަށް އެދުމުން އެ ފަރާތްތަކަކީ ބިންވެރިޔާ ގޯތި ލިބިފައިވާ ފަރާތްތަކެއް ނޫންކަމަށް ހައުސިން މިނިސްޓްރީއިން އެޗްޑީސީއަށް އެންގުމުންނެެވެ.
އިތުރު ސިޓީއަކަށް ހައުސިން މިނިސްޓްރީން ދިން ޖަވާބުގައިވާ ގޮތުން އެޗްޑީސީގެ ސިޓީގައި ފާހަގަކޮށްފައިވާ މީހުންނަކީ އެ ސްކީމުން ގޯއްޗަށް އެދި އެޕްލިކޭޝަން ހުށަހަޅައިފައިވާ މީހުން ނޫންކަން ޑޭޓާބޭސްއިން ދައްކާ ކަމަށެވެ. އަދި ހުޅުމާލެ ލޮޓް ނަމްބަރު 20768 އިން ގޯތި ލިބިފައިވާ ކަމަށް ބުނެ ދެ ފަރާތަކުން ފޮނުވާފައިވާ ސިޓީގައި ބަޔާންކޮށްފައިވާ ގޯއްޗަކީ އެ މިނިސްޓްރީން އެހާތަނަށް އެއްވެސް ފަރާތަކާ ހަވާލުކޮށްފައިނުވާ ދެ ގޯތި ކަމަށް ވެސް ސިޓީގައި ބުނެފައިވެއެެވެ.
ކުރީގެ ރައީސް އިބްރާހީމް މުޙައްމަދު ޞާލިޙްގެ ސަރުކާރުގެ ބިންވެރިޔާ ސްކީމްގެ ފުރަތަމަ ފިޔަވަހީގެ ދަށުން، ގޯއްޗަށް ޝަރުތު ހަމަވާ ކަމަށް އޮތީ 18،955 މީހުންނެެވެ. އޭގެ ތެރެއިން ޖުމުލަ 9،003 ގޯތި ދޫކުރަން އޭރު ނިންމާފައިވާއިރު އެ ގޯތިތައް ދޫކޮށްފައިވަނީ ހުޅުމާލެއާއި ގުޅީފަޅާއި ގިރާވަރުފަޅުންނެވެ.
ކިޔުންތެރިންގެ ހިޔާލު