ބިންވެރިޔާ ސްކީމްގައި ނުހިމެނޭ ބަޔަކަށް ގޯތިތަކެއް ދީފައިވާ ކަމަށް ތުހުމަތުކުރެވޭ މައްސަލައިގެ ތަހުގީގާ ގުޅިގެން އެޗްޑީސީގެ މެނޭޖިން ޑިރެކްޓަރު ފަޒުލް ރަޝީދާއެކު ބޯޑު އެއްކޮށް މިއަދު ސަސްޕެންޑްކޮށްފި އެވެ.
ޕްރައިވަޓައިޒޭޝަން އެންޑް ކޯޕަރަޓައިޒޭޝަން ބޯޑު (ޕީސީބީ) އިން މިއަދު ނެރުނު ބަޔާނެއްގައި ބުނެފައިވަނީ އެޗްޑީސީގެ ބޯޑު މެންބަރުން މިއަދުން ފެށިގެން ސަސްޕެންޑުކޮށްފައިވާ ކަމަށެވެ. އަދި އެބޯޑް ސަސްޕެންޑްކުރީ އެ ކުންފުންޏާ ގުޅޭ ގޮތުން ފުލުހުން ކުރިއަށްގެންދާ ތަހުގީގަށް ޖާގަދީ، ފުރިހަމަ އެހީތެރިކަން ދިނުމުގެ ގޮތުން ކަމަށް އެ ބަޔާނުގައި ބުނެފައިވެއެވެ.
އެޗްޑީސީގެ ބޯޑުން ޗެއާމަން އަހުމަދު ނާސިފް ފިޔަވައި ޑިރެކްޓަރުންގެ ބޯޑުގެ ހުރިހާ މެންބަރުން ވަނީ ސަސްޕެންޑްކޮށްފައެވެ.
ޕީސީބީ އިން ބުނީ އެ ބޯޑުން ވަކި ގޮތެއް އަންގަންދެން ކުންފުނީގެ މެނޭޖިން ޑިރެކްޓަރު އިބްރާހީމް ފަޒުލް ރަޝީދު އޮފީހަށް ނުނުކުމެވޭ ގޮތަށް ސަސްޕެންޑުކޮށްފައިވާ ކަމަށެވެ.
"ބިންވެރިޔާ" ސްކީމްގެ ބޭރުން ހުޅުމާލެއިން ގޯތިތަކެއް ދޫކުރި ކަމަށް ދެކެވޭ ވާހަކަތައް އެޗްޑީސީގެ އެމްޑީ ފަޒުލް ރަޝީދު ރޭ ވަނީ ދޮގު ކުރަށްވާފައެވެ. ރޭ ބޭއްވި ނޫސްވެރިންގެ ބައްދަލުވުމެއްގައި ފަޒުލް ވިދާޅުވީ އެމައްސަލައިގައި ގާނޫނާއި ހިލާފަށް އެއްވެސް ކަމެއް ކޮށްފައިނުވާނެ ކަމަށާއި، އެޗްޑީސީން އެއްވެސް މީހަކަށް އުސޫލުން ބޭރުން ގޯއްޗެއް ދީފައިނުވާނެ ކަމަށެވެ. އެގޮތުން "ބިންވެރިޔާ" ސްކީމްގެ ދަށުން އެޗްޑީސީން އެއްވެސް ބިމެއް ނުދޭނެ ކަމަށާއި އެ ސްކީމްގެ ދަށުން ބިން ލިބޭ އެއްވެސް މީހަކު އިސްތިސްނާވާ ގޮތަކަށް އެޗްޑީސީން އެއްވެސް ކަމެއް ކޮށްފައި ނުވާނެ ކަމަށް ފަޒުލް ވިދާޅުވިއެވެ.
ހައުސިން މިނިސްޓްރީން ނާންގާ ފަރާތަކަށް ބިމެއް ދީފައި ނުވާނެ ކަމަށް ފަޒުލް ވިދާޅުވިއެވެ. އެކަމަކު، "ބިންވެރިޔާ" ސްކީމްގެ ދަށުން ވަކި ބަޔަކަށް ބިން ދިން ކަން އެނގިގެން އެކަން އިސްވެ، ހައުސިން މިނިސްޓްރީއަށް ހުށަހެޅީ ވެސް އެޗްޑީސީގެ ފަރާތުން ކަމަށް ވެސް ފަޒުލް ވިދާޅުވިއެވެ. ފަޒުލް އިތުރަށް ވިދާޅުވީ އެމައްސަލައިގައި ފުލުހުންނާއި ކަމާބެހޭ ފަރާތްތަކުން ހިންގާ ތަހުޤީޤަށް ފުރިހަމަ އެއްބާރުލުން ދެއްވާނެ ކަަމަށެވެ.
ބިންވެރިޔާ ސްކީމްގައި ނުހިމެނޭ ބަޔަކަަށް ގޯތި ދިންކަމަށް ބުނާ މައްސަލައިގައި ފުލުހުން ޖިނާޢީ ތަހުޤީޤެއް ފަށާފައިވާއިރު އެމައްސަލަ މިހާރު އޭސީސީން ވެސް ގެންދަނީ ބަލަމުންނެވެެ.
އެޗްޑީސީގެ ބޯޑުން ޗެއާމަން އަހުމަދު ނާސިފް ފިޔަވައި ޑިރެކްޓަރުންގެ ބޯޑުގެ ހުރިހާ މެންބަރުން ވަނީ ސަސްޕެންޑްކޮށްފައެވެ.
ޕީސީބީ އިން ބުނީ އެ ބޯޑުން ވަކި ގޮތެއް އަންގަންދެން ކުންފުނީގެ މެނޭޖިން ޑިރެކްޓަރު އިބްރާހީމް ފަޒުލް ރަޝީދު އޮފީހަށް ނުނުކުމެވޭ ގޮތަށް ސަސްޕެންޑުކޮށްފައިވާ ކަމަށެވެ.
"ބިންވެރިޔާ" ސްކީމްގެ ބޭރުން ހުޅުމާލެއިން ގޯތިތަކެއް ދޫކުރި ކަމަށް ދެކެވޭ ވާހަކަތައް އެޗްޑީސީގެ އެމްޑީ ފަޒުލް ރަޝީދު ރޭ ވަނީ ދޮގު ކުރަށްވާފައެވެ. ރޭ ބޭއްވި ނޫސްވެރިންގެ ބައްދަލުވުމެއްގައި ފަޒުލް ވިދާޅުވީ އެމައްސަލައިގައި ގާނޫނާއި ހިލާފަށް އެއްވެސް ކަމެއް ކޮށްފައިނުވާނެ ކަމަށާއި، އެޗްޑީސީން އެއްވެސް މީހަކަށް އުސޫލުން ބޭރުން ގޯއްޗެއް ދީފައިނުވާނެ ކަމަށެވެ. އެގޮތުން "ބިންވެރިޔާ" ސްކީމްގެ ދަށުން އެޗްޑީސީން އެއްވެސް ބިމެއް ނުދޭނެ ކަމަށާއި އެ ސްކީމްގެ ދަށުން ބިން ލިބޭ އެއްވެސް މީހަކު އިސްތިސްނާވާ ގޮތަކަށް އެޗްޑީސީން އެއްވެސް ކަމެއް ކޮށްފައި ނުވާނެ ކަމަށް ފަޒުލް ވިދާޅުވިއެވެ.
ބިންވެރިޔާ ސްކީމްގައި ނުހިމެނޭ ބަޔަކަަށް ގޯތި ދިންކަމަށް ބުނާ މައްސަލައިގައި ފުލުހުން ޖިނާޢީ ތަހުޤީޤެއް ފަށާފައިވާއިރު އެމައްސަލަ މިހާރު އޭސީސީން ވެސް ގެންދަނީ ބަލަމުންނެވެެ.
ކިޔުންތެރިންގެ ހިޔާލު