ރައްޔިތުންގެ ޙައްޤަކަށް އުނިކަމެއް އަންނާނެ ފަދަ ކަމެއް ރައީސް ޑރ މުޙައްމަދު މުއިއްޒަށް އެނގިވަޑައިގެން ހިނގިޔަނުދެއްވާނެކަމަށް ސިޓީސް އެންޑް ލޯކަލް ގަވަމަންޓް މިނިސްޓަރ އާދަމް ޝަރީފް ވިދާޅުވެއްޖެއެވެ.

ބިންވެރިޔާ ސްކީމުން ގޯތި ދިނުމުގައި އެޗްޑީސީ އިން ހިންގާފައިވާ ކަމަށް ތުހުމަތުކުރެވޭ ކޮރަޕްޝަން މައްސަލަ އެއް ވަނީ ފެންމަތިވެފައެވެ. އެކަމާ ގުޅިގެން  އާދަމް ޝަރީފް އެކްސްގައި ކުރެއްވި ޕޯސްޓެއްގައި ވިދާޅުވީ، ކޮރަޕްޝަނަށް އެއްވެސް ފުރުސަތެއް ރައީސް ޑރ. މުޙައްމަދު މުއިއްޒުގެ ސަރުކާރުން ނުދެއްވާނެ ކަމަށާއި، އެކަން މިހާރު ސާފުވެފައިވާ ކަމަށެވެ.

އޭގެ އިތުރުން، އާދަމް ޝަރީފް ވިދާޅުވީ ރައްޔިތުންގެ ޙައްޤަކަށް އުނިކަމެއް އަންނާނެ ފަދަ ކަމެއް ރައީސް ޑރ މުޙައްމަދު މުއިއްޒަށް އެނގިވަޑައިގެން ހިނގިޔަނުދެއްވާނެ ކަމަށެވެ. އެ ޔަޤީންކަންވެސް އެބައޮތްކަމަށް އާދަމް ޝަރީފް ވިދާޅުވިއެވެ.

އާދަމް ޝަރީފް ވިދާޅުވީ، ރާއްޖެއިން ކޮރަޕްޝަން މަދުކުރެވޭނީ ކޮރަޕްޝަނަށް މަގުފަހިވާ ކޮންމެ ކަމަކަށް ހުރިހާ މުއައްސަސާއަކުންވެސް އަދި އާންމު ރައްޔިތުންވެސް ނޫނެކޭ ބުނެގެން ކަމަށެވެ. އެ ހިތްވަރު ހުރިހާ އެންމެންގެވެސް ހުންނަންވާނެކަމަށް މިނިސްޓަރު ވިދާޅުވިއެވެ.