ދީނީ ޢިލްމު ކުރިއެރުވުމަށް މަސައްކަތް ކުރައްވާ އަލީ ރަމީޒު ޖަމިއްޔަތުއްސަލަފުން މިއަދު އިސްތިއުފާ ދެއްވައިފިއެވެ.

އަލީ ރަމީޒު ސަލަފު ޖަމިއްޔާއިން ވަކިވިކަން ހާމަކުރެއްވީ އެކްސްގައި ކުރެއްވި ޕޯސްޓެއްގައެެވެ. ސަލަފު ޖަމިއްޔާއިން ވަކިވި ސަބަބާއި ގުޅޭގޮތުން އަލީ ވަކިއެއްޗެއް ވިދާޅެއްނުވެއެވެ.

އަލީ ރަމީޒަކީ ރާއްޖޭގެ އުފެދުނު މަޝްހޫރު ލަވަކިޔުންތެރިއެކެެވެ. އެހެން ނަމަވެސް، ފަހުން ލަވަކިޔުން ހުއްޓާލައި އަލީ ވަނީ ދީނީ ހޭލުންތެރިކަން އިތުރުކުރުމަށް މަސައްކަތް ފައްޓަވާފައެވެ.

ސަލަފަކީ ރާއްޖޭގައި ދީނީ ހޭލުންތެރިކަން އިތުރު ކުރުމަށް މަސައްކަތް ކުރަމުން އަންނަ ޖަމިއްޔާއެކެވެ. ސަލަފުން ހިންގާ އެކި ޕްރޮގުރާމްތައް ހުށައަޅުއްވައި ދެއްވުމުގައި އަލީ ރަމީޒު ވަނީ ވަރަށް އިސްރޯލެއް އަދާކުރަށްވާފައެވެ.