ސަރުކާރުގެ މަގާމުތަކަށް މީހުން އައްޔަންކުރައްވަނީ ވައްކަންކޮށް ކޮރަޕްޝަންގެ އަމަލު ހިންގަން ނޫން ކަމަށް ރައީސް ޑރ. މުޙައްމަދު މުޢިއްޒު ވިދާޅުވެއްޖެއެވެ.
ބިންވެރިޔާ ސްކީމުން ނުހައްގުން ގޯތިތަކެއް ދިން މައްސަލައިގައި އެޗްޑީސީގެ ވެރިންނަށް ކޮރަޕްޝަންގެ ތުހުމަތުތަކެއް ވަނީ ކުރެވިފައެވެ. އެމައްސަލަ ފުލުހުންނާއި އޭސީސީން ވެސް ގެންދަނީ ބަލަމުންނެވެެ. އެމައްސަލައިގައި އެޗްޑީސީގެ ކުރީގެ މެނޭޖިން ޑިރެކްޓަރ ފަޒުލް ރަޝީދު ސަސްޕެންޑް ކޮށްފައިވަނިކޮށް އޭނާ ވަނީ މަގާމުން އިސްތިއުފާ ދެއްވާފައެވެ. އެޗްޑީސީ އަށް ކުރެވޭ ކޮރަޕްޝަންގެ ތުހުމަތުތަކާއި ގުޅިގެން އެ ކުންފުނީގެ ބޯޑު މިވަގުތު އޮތީ ސަސްޕެންޑްކޮށްފައެވެ.
ރައީސް އޮފީހުގެ ބޭރުގައި ހުންނަވައިގެން ނޫސްވެރިންނާއި ވާހަކަފުޅު ދައްކަވަމުން ރައީސް ޑރ. މުޙައްމަދު މުޢިއްޒު ވިދާޅުވީ އެމަނިކުފާނު ބޭނުންފުޅުވަނީ ކޮރަޕްޝަނާއި ފަސާދައާއި ނުގަވާއިދުން ހިންގާ ކަންކަމުން ދުރުވެފައި އޮތް ސަރުކާރެއް ގާއިމް ކުރުމަށް ކަމަށެވެ. އަދި އެއީ ރިޔާސީ އިންތިހާބުގެ ކެމްޕޭންގައި އެމަނިކުފާނު ވެވަޑައިގެންނެވި ވައުދެއްކަމަށް ރައީސް ވިދާޅުވިއެވެ.
ރައީސް ވިދާޅުވީ ސަރުކާރުގެ މަގާމުތަކަށް މީހުން އައްޔަންކުރައްވަނީ ވައްކަންކޮށް ކޮރަޕްޝަންގެ އަމަލުތައް ހިންގަން ނޫން ކަމަށެވެ. އަދި އެފަދަ ކަމަކަށް އެއްވެސް ހާލެއްގައި އެމަނިކުފާނު ޖާގަ ނުދެއްވާނެ ކަމަށް ރައީސް ވިދާޅުވިއެވެ. ރައީސް ވިދާޅުވީ ސަރުކާރުގެ މަގާމުތަކަށް ބޭފުޅުން އައްޔަންކުރަނީ ތެދުވެރިކަމާއި އަމާނަތްތެރިކަމާއެކު ރައްޔިތުންނަށް ޚިދުމަތް ކުރުމަށް ކަމަށެވެ.
"އަޅުގަނޑު މަގާމުތަކަށް މީހުން ލަނީ ވައްކަން ކުރާކަށް ނޫން. ކޮރަޕްޝަން ހިންގާކަށް ނޫން. ގަވައިދާ ޚިލާފު ކަމެއް ކުރާކަށް ވެސް ނޫން. އޭގެ ބަދަލުގައި ތެދުވެރިކަމާއި އަމާނާތްތެރިކަމާ އެކީގައި ރައްޔިތުންނަށް ޚިދުމަތް ދިނުމަށް. އެހެންވީމާ އެ ކަމަށް ހުރަސް އެޅޭ ގޮތަކަށް ނޫނިއްޔާ އެ ނޫން ގޮތަކަށް ކަމެއް ކުރާ ކަމަށް ގަބޫލުކުރެވޭ ނަމަ އަޅުގަނޑު އެ މީހަކު އެ ތަނުން ދުރުކުރާނަން. ނޫނިއްޔާ އެ ކަން ހުއްޓުވާނަން،" ވަރަށް ޔަގީން ކަމާއެކު ރައީސް މުޢިއްޒު ވިދާޅުވިއެވެ.
މީގެ އިތުރުން ރައީސް ވަނީ ދައުލަތުގެ އެއްވެސް މުއައްސަސާއެއްގައި ކޮރަޕްޝަން ހިންގާކަމުގެ މައުލޫމާތެއް ލިބޭނަމަ އެ ކަމެއް ބަލަން މިނިވަން މުއައްސަސާތަކަށް ގޮވާލައްވާފައެވެ. ރައީސް ވިދާޅުވީ ކުރީގެ ސަރުކާރުތަކުގައި ކޮރަޕްޝަންގެ މައްސަލަތަކުގައި ފިޔަވަޅު ނާޅައި ދޫކޮށް ލިޔަސް މި ސަރުކާރުން އެގޮތަށް ކަންތައްތައް ނުކުރާނެ ކަމަށެވެ. އަދި ކޮރަޕްޝަނަށް މަގުފަހިވާ ގޮތަށް އެއްވެސް ކަމެއް ކުރާ ނަމަ، ފިޔަވަޅު އަަޅާނެ ކަމުގެ ޔަގީންކަން ރައީސް ވަނީ ދެއްވާފައެވެ.
"މިސަރުކާރުގެ ތެރޭގައި ކޮރަޕްޝަނަކަށް އެއްވެސް ވަރަކަށް ޖާގަ އެއް ނޯންނާނެ، މިނިސްޓްރީއެއްގައި ވިޔަސް ކުންފުންޏެއްގައި ވިޔަސް ދައުލަތުގެ މުވައްސަސާއެއްގެ ތެރޭގައި ވިޔަސް އެކަހަލަ ކަމެއް ހިގަންޏާއި އަޅުގަނޑު ހަމަ އެދެން އޭސީސީ އާއި ދެން ހުރި ކަމާބެހޭ އިދާރާތަކުން އެކަމެއް ބަލަން، ބަލާފައި ފިޔަވަޅު އަޅަން، އެހެންވީމާ އެއީ އަޅުގަނޑު ގަބޫލުކުރާގޮތަކީ އަޅުގަނޑު އަމަލު ކުރާނެ ގޮތަކީ ވެސް، ކޮރަޕްޝަނަކަށް ނޯންނާނެ ޖާގައެއް. އެއީ ކޮންމެ މީހަކު ވިޔަސް ގަވާއިދަކާއި ގާނޫނަކާއި ހިލާފަށް ނުފޫޒު ބޭނުންކޮށްގެން އަމިއްލަ ފައިދާ އަށް އެއްވެސް ކަމެއް ކުރުމަކީ އަޅުގަނޑު ޖާގަ ދޭނެ ކަމެއް ނޫން،" ރައީސް ވިދާޅުވިއެވެ.
ރައީސް އޮފީހުގެ ބޭރުގައި ހުންނަވައިގެން ނޫސްވެރިންނާއި ވާހަކަފުޅު ދައްކަވަމުން ރައީސް ޑރ. މުޙައްމަދު މުޢިއްޒު ވިދާޅުވީ އެމަނިކުފާނު ބޭނުންފުޅުވަނީ ކޮރަޕްޝަނާއި ފަސާދައާއި ނުގަވާއިދުން ހިންގާ ކަންކަމުން ދުރުވެފައި އޮތް ސަރުކާރެއް ގާއިމް ކުރުމަށް ކަމަށެވެ. އަދި އެއީ ރިޔާސީ އިންތިހާބުގެ ކެމްޕޭންގައި އެމަނިކުފާނު ވެވަޑައިގެންނެވި ވައުދެއްކަމަށް ރައީސް ވިދާޅުވިއެވެ.
ރައީސް ވިދާޅުވީ ސަރުކާރުގެ މަގާމުތަކަށް މީހުން އައްޔަންކުރައްވަނީ ވައްކަންކޮށް ކޮރަޕްޝަންގެ އަމަލުތައް ހިންގަން ނޫން ކަމަށެވެ. އަދި އެފަދަ ކަމަކަށް އެއްވެސް ހާލެއްގައި އެމަނިކުފާނު ޖާގަ ނުދެއްވާނެ ކަމަށް ރައީސް ވިދާޅުވިއެވެ. ރައީސް ވިދާޅުވީ ސަރުކާރުގެ މަގާމުތަކަށް ބޭފުޅުން އައްޔަންކުރަނީ ތެދުވެރިކަމާއި އަމާނަތްތެރިކަމާއެކު ރައްޔިތުންނަށް ޚިދުމަތް ކުރުމަށް ކަމަށެވެ.
"އަޅުގަނޑު މަގާމުތަކަށް މީހުން ލަނީ ވައްކަން ކުރާކަށް ނޫން. ކޮރަޕްޝަން ހިންގާކަށް ނޫން. ގަވައިދާ ޚިލާފު ކަމެއް ކުރާކަށް ވެސް ނޫން. އޭގެ ބަދަލުގައި ތެދުވެރިކަމާއި އަމާނާތްތެރިކަމާ އެކީގައި ރައްޔިތުންނަށް ޚިދުމަތް ދިނުމަށް. އެހެންވީމާ އެ ކަމަށް ހުރަސް އެޅޭ ގޮތަކަށް ނޫނިއްޔާ އެ ނޫން ގޮތަކަށް ކަމެއް ކުރާ ކަމަށް ގަބޫލުކުރެވޭ ނަމަ އަޅުގަނޑު އެ މީހަކު އެ ތަނުން ދުރުކުރާނަން. ނޫނިއްޔާ އެ ކަން ހުއްޓުވާނަން،" ވަރަށް ޔަގީން ކަމާއެކު ރައީސް މުޢިއްޒު ވިދާޅުވިއެވެ.
"މިސަރުކާރުގެ ތެރޭގައި ކޮރަޕްޝަނަކަށް އެއްވެސް ވަރަކަށް ޖާގަ އެއް ނޯންނާނެ، މިނިސްޓްރީއެއްގައި ވިޔަސް ކުންފުންޏެއްގައި ވިޔަސް ދައުލަތުގެ މުވައްސަސާއެއްގެ ތެރޭގައި ވިޔަސް އެކަހަލަ ކަމެއް ހިގަންޏާއި އަޅުގަނޑު ހަމަ އެދެން އޭސީސީ އާއި ދެން ހުރި ކަމާބެހޭ އިދާރާތަކުން އެކަމެއް ބަލަން، ބަލާފައި ފިޔަވަޅު އަޅަން، އެހެންވީމާ އެއީ އަޅުގަނޑު ގަބޫލުކުރާގޮތަކީ އަޅުގަނޑު އަމަލު ކުރާނެ ގޮތަކީ ވެސް، ކޮރަޕްޝަނަކަށް ނޯންނާނެ ޖާގައެއް. އެއީ ކޮންމެ މީހަކު ވިޔަސް ގަވާއިދަކާއި ގާނޫނަކާއި ހިލާފަށް ނުފޫޒު ބޭނުންކޮށްގެން އަމިއްލަ ފައިދާ އަށް އެއްވެސް ކަމެއް ކުރުމަކީ އަޅުގަނޑު ޖާގަ ދޭނެ ކަމެއް ނޫން،" ރައީސް ވިދާޅުވިއެވެ.
ކިޔުންތެރިންގެ ހިޔާލު