ރަޝިއާ އިން ފުރަތަމަ ފަހަރަށް ރާއްޖެއަށް ކޮންސުލް ޖެނެރަލެއް އައްޔަނުކޮށްފިއެވެ.
ރަޝިއާ ސަރުކާރުން އެ މަގާމަށް އައްޔަން ކުރީ އަލެކްސީ އެމް އިޑަމްކިންއެވެ. މިއަދު ރާއްޖޭގެ ފޮރިން މިނިސްޓްރީގައި ބޭއްވި ރަސްމިއްޔާތެއްގައި އަލެކްސީ ވަނީ ފޮރިން މިނިސްޓަރު ޑރ. އަބްދުﷲ ޚަލީލްއާ ބައްދަލުކުރައްވައިފައެވެ. އޭގެކުރިން، އަލެކްސީ ވަނީ މަގާމުގެ ފަތްކޮޅު ފޮރިން މިނިސްޓަރު ހަލީލަށް އަރުވައިފައެވެ.
ފޮރިން މިނިސްޓަރު ޑރ. އަބްދުﷲ ޚަލީލް ވިދާޅުވީ ފުރަތަމަ ފަހަރަށް ރަޝިއާ އިން ރާއްޖެއަށް ކޮންސުލް ޖެނެރަލެއް އައްޔަން ކުރުމަކީ ތާރީހީ ކަމެއް ކަމަށެވެ.
މިނިސްޓްރ ހަލީލް ފާހަގަ ކުރެއްވި ގޮތުގައި ރަޝިއާއަކީ ރާއްޖޭގެ ފަތުރުވެރިކަމުގެ ދާއިރާގައި ދެވަނައަށް އެންމެ ބޮޑު މާކެޓެވެ. އެހެންކަމުން އިގްތިސާދީ ގުޅުންތައް ބަދަހިކުރުމަށާއި، ދެ ގައުމުގެ ގުޅުން ބަދަހިކުރުމުގައި ކޮންސުލް ޖެނެރަލްގެ ދައުރު ވަރަށް މުހިންމު ކަމަށް ހަލީލް ވިދާޅުވިއެވެ.
ރަޝިއާ އިން ރާއްޖެއަށް ޒިޔާރަތް ކުރި ފަތުރުވެރިންގެ އަދަދު މިއަހަރުގެ މި މުއްދަތަށް ވަނީ 261،000 އަށް އަރައިފައެވެ.
ފޮރިން މިނިސްޓަރު ޑރ. އަބްދުﷲ ޚަލީލް ވިދާޅުވީ ފުރަތަމަ ފަހަރަށް ރަޝިއާ އިން ރާއްޖެއަށް ކޮންސުލް ޖެނެރަލެއް އައްޔަން ކުރުމަކީ ތާރީހީ ކަމެއް ކަމަށެވެ.
ރަޝިއާ އިން ރާއްޖެއަށް ޒިޔާރަތް ކުރި ފަތުރުވެރިންގެ އަދަދު މިއަހަރުގެ މި މުއްދަތަށް ވަނީ 261،000 އަށް އަރައިފައެވެ.
ކިޔުންތެރިންގެ ހިޔާލު