އެމްޑީޕީ ސަރުކާރުގައި ފްލެޓުތައް ބަހައިލީ މޫކައި ހޮޓެލްގައި ތިބެގެން ކަމަށް 19ވަނަ މަޖިލީހުގައި އެމްޑީޕީ ތަމްސީލުކުރެއްވި ކުރީގެ މެންބަރު މުހައްމަދު ނިހާދު ރޭ ވިދާޅުވެއްޖެއެެވެ.
ޕީއެންސީގެ ފަރާތުން ރޭ ބޭއްވި ޖަލްސާއެއްގައި ވާހަކަ ދައްކަވަމުން ޓޫރިޒަމް މިނިސްޓްރީގެ ސްޓޭޓް މިނިސްޓަރު މުހައްމަދު ނިހާދު ވިދާޅުވީ އެމްޑީޕީ ސަރުކާރުގައި ފްލެޓުތަކާއި ބިންތައް ބަހައިލީ މޫކައި ތެރޭގައި ކަމަށެވެ. އަދި އެކަން ހިނގާދިޔަ ގޮތް ވަރަށް ރަނގަޅަށް އެނގިވަޑައިގަންނަވާ ކަމަށް ނިހާދު ވިދާޅުވިއެވެ. އެގޮތުން އޭގެ ތަފްސީލް ދެއްވަމުން ނިހާދު ވިދާޅުވީ އެމްޑީޕީ ސަރުކާރުގައި ފްލެޓުތަކާއި ބިންތައް ވެސް ބަހައިލީ، "އެލީޓް ގްރޫޕު"ގައި ހިމެނޭ މަޖިލިސް މެންބަރުންތަކަކާ އެކު، މޫކައި ހޮޓެލް ތެރޭގައި ކަމަށެވެ.
ނިހާދުގެ ވާހަކައިގައި އިޝާރަތް ކުރެއްވި ކަމަށް ބެލެވެނީ އޭރު އިކޮނޮމިކް މިނިސްޓަރުކަމުގައި ހުންނެވި އެމްޑީޕީގެ ޗެއާޕާސަން ފައްޔާޒު އިސްމާއީލަށެވެ. ނިހާދު ވިދާޅުވީ ކުރީގެ ސަރުކާރުގައި ހައްގުނުވާ އެތައް ބަޔަކަށް ފްލެޓު ދީފައިވާ ކަމަށެވެ.
"ރައްޔިތުންގެ މަޖިލީހުގެ، އެ ބްރޯ އުފައްދާފައި އޮންނަ އެލީޓު ގްރޫޕުގެ މީހުން އެ ތަނަށް ގެންގޮސްގެން، އެ މީހުން މެދުވެރިކޮށް ފްލެޓު ބެހީ،" މަޖިލީހުގެ ފޭދޫ ދާއިރާގެ ކުރީގެ މެމްބަރު ނިހާދު ވިދާޅުވިއެވެ.
މީގެ އިތުރުން ނިހާދު ވިދާޅުވީ، މިދިޔަ ސަރުކާރުގައި ކުންފުނިތަކުގެ ބޯޑުގައި ތިބި ބޭފުޅުންނަށް ވެސް ނުހައްގުން ފްލެޓު ދީފައިވާ ކަމަށެވެ. އަދި އަމިއްލަ ނަމުގައި ފްލެޓެއް ނުވަތަ ބިމެއް ނުވަތަ އިމާރާތެއް އޮތް ފަރާތްތަކަށް ވެސް ފްލެޓު ދިންކަމަށް ނިހާދު ވިދާޅުވިއެވެ. އެގޮތުން ހިޔާގައި ފްލެޓު ހުރި މީހާއަށްވެސް ވިނަރެސްއިން ފްލެޓު ދީފައިވާ ކަމަށް ނިހާދު ވިދާޅުވިއެވެ. އަދި ވިނަރެސްގެ ފްލެޓު ލިބިފައިހުރި މީހާއަށް ހުޅުމާލެއިން ދޫކުރި އަގުބޮޑު ބާރަ، ވިހި މިލިއަން ރުފިޔާގެ ބިން ދީފައި އެބަހުރިކަމަށް އޭނާ ވިދާޅުވިއެވެ.
ނިހާދު މިހެން ވިދާޅުވެފައިވާއިރު ކުރީ ސަރުކާރުގެ "ބިންވެރިޔާ ސްކީމް"ގެ ދަށުން ނުހައްގުން ގޯތިތަކެއް ދިން މައްސަލައިގެ ޖިނާޢީ ތަހުގީގެއް ފުލުހުން މިހާރު ވަނީ ފަށާފައެވެ. އެގޮތުން ގޯތި ދޫކޮށްފައިވާ ކަމަށް ބުނެ ސައްޙަ ނޫން ލިޔުންތަކެއް ދޫކޮށްފައިވަނީ ކުރީގެ ސަރުކާރުން ކަމަށް އެލިޔުންތައް ލިބުނު މީހުންނާއި ހަވާލާދީ ފުލުހުން ވެސް ވަނީ ބުނެފައެވެ.
ނިހާދުގެ ވާހަކައިގައި އިޝާރަތް ކުރެއްވި ކަމަށް ބެލެވެނީ އޭރު އިކޮނޮމިކް މިނިސްޓަރުކަމުގައި ހުންނެވި އެމްޑީޕީގެ ޗެއާޕާސަން ފައްޔާޒު އިސްމާއީލަށެވެ. ނިހާދު ވިދާޅުވީ ކުރީގެ ސަރުކާރުގައި ހައްގުނުވާ އެތައް ބަޔަކަށް ފްލެޓު ދީފައިވާ ކަމަށެވެ.
"ރައްޔިތުންގެ މަޖިލީހުގެ، އެ ބްރޯ އުފައްދާފައި އޮންނަ އެލީޓު ގްރޫޕުގެ މީހުން އެ ތަނަށް ގެންގޮސްގެން، އެ މީހުން މެދުވެރިކޮށް ފްލެޓު ބެހީ،" މަޖިލީހުގެ ފޭދޫ ދާއިރާގެ ކުރީގެ މެމްބަރު ނިހާދު ވިދާޅުވިއެވެ.
ނިހާދު މިހެން ވިދާޅުވެފައިވާއިރު ކުރީ ސަރުކާރުގެ "ބިންވެރިޔާ ސްކީމް"ގެ ދަށުން ނުހައްގުން ގޯތިތަކެއް ދިން މައްސަލައިގެ ޖިނާޢީ ތަހުގީގެއް ފުލުހުން މިހާރު ވަނީ ފަށާފައެވެ. އެގޮތުން ގޯތި ދޫކޮށްފައިވާ ކަމަށް ބުނެ ސައްޙަ ނޫން ލިޔުންތަކެއް ދޫކޮށްފައިވަނީ ކުރީގެ ސަރުކާރުން ކަމަށް އެލިޔުންތައް ލިބުނު މީހުންނާއި ހަވާލާދީ ފުލުހުން ވެސް ވަނީ ބުނެފައެވެ.
ކިޔުންތެރިންގެ ހިޔާލު