ރާއްޖޭގައި އިންޑޮނޭޝިއާގެ އަންހެނަކު ރޭޕްކޮށް، މަރާލާފައިވާ ކަމަށް ބުނެ ސޯޝަލް މީޑިއާގައި ދައުރުވަމުންދާ ވާހަކަތައް ހޯމްލޭންޑް މިނިސްޓަރު އަލީ އިހުސާން ރޭ ދޮގު ކުރައްވައިފި އެވެ.

އިންޑޮނޭޝިއާގެ އަންހެނަކު ރޭޕްކޮށް، މަރާލާފައިވާ ކަމަށް ބުނެ ސޯޝަލް މީޑިއާގައި ވަނީ އަޑު ފެތުރިފައެވެ. އެ ވާހަކަތަށް އެކްސްގައި ދައުރު ދައުރުކޮށް، އެކަމުގެ ވީޑިއޯ ވެސް ހުރި ކަމަށް ވަނީ ބުނެފައެވެ. އެކަމާ ގުޅިގެން ހޯމް ލޭންޑް ސެކިއުރިޓީ މިނިސްޓަރު ވިދާޅުވީ ބިދޭސީ އަންހެނަކު ރޭޕްކޮށް މަރާލާފައިވާ ކަމަށް ބުނެ ވީޑިއޯއަކާ ހަވާލާދީ ދެކެވޭ ވާހަކަ އަކީ 2021، މޭ ގައި ބަންގަލްދޭޝް ނޫހަކުން ރިޕޯޓްކޮށްފައިވާ ހާދިސާއަކާ ގުޅޭ ވީޑިއޯއެއް ކަމަށެވެ. އަދި އެ ވާހަކަ ގެނެސްދީފައި އޮތް އާޓިކަލެއްގެ ލިންކުވެސް މިނިސްޓަރު އިހުސާން ވަނީ ހިއްސާކުރަށްވާފަ އެވެ.

ފުލުހުންގެ ޚިދުމަތުން ބުނީ މާލޭގަަަައި އެފަދަ މައްސަލަ އެއް ހިނގާފައިވާ ކަމަކަށް އެ އިދާރާ އަށް ހުށައެޅިފައިނުވާ ކަމަށާއި އެފަދަ ކަމެއް ހިނގާފައިވެސް ނުވާ ކަމަށެވެ.