އިސްރާއީލުން ފަލަސްތީނުގައި ހިންގަމުންދާ ގަތުލުއާންމުގެ ތެރެއިން ޣައްޒާގައި ހުންނަ ކަމާލް އަދްވާން ހޮސްޕިޓަލަށް ދިން ހަމަލާ ދިވެހި ސަރުކާރުން ކުށްވެރިކޮށްފިއެވެ.
ފޮރިން މިނިސްޓްރީން މިއަދު ނެރުނު ބަޔާނެއްގައި ބުނެފައިވަނީ އަދްވާން ހޮސްޕިޓަލުގައި ހުޅުޖަހައި އަންދާލައި، ބަލިމީހުންނާއި މުވައްޒަފުން އެތަނުން ނެރުމަށް މަޖުބޫރުކުރުވި ޢަމަލު ދިވެހި ސަރުކާރުން އެންމެ ހަރުކަށި އިބާރާތުން ކުށްވެރިކުރާ ކަމަށެވެ. މި ލާއިންސާނީ އަމަލަކީ ބައިނަލްއަޤްވާމީ އިންސާނިއްޔަތާ ބެހޭ ޤާނޫނާއި ބައިނަލްއަޤްވާމީ އިންސާނީ ޙައްޤުތަކާބެހޭ ޤާނޫނާ މުޅިން ޚިލާފު އަމަލެއް ކަމަށް ފޮރިން މިނިސްޓްރީގެ ބަޔާނުގައި ފާހަަގަކޮށްފައިވެއެެވެ.
ފޮރިން މިނިސްޓްރީގެ ބަޔާނުގައި ވަނީ އިސްރާއީލުން ޣައްޒާގައި ހިންގަމުންދާ އަނިޔާވެރި ޢަމަލުތައް ހުއްޓުވައި، ފަލަސްޠީނުގެ ރައްޔިތުން ޙިމާޔަތްކޮށް، ޖަރީމާތަކަށް ޒިންމާވާ ފަރާތްތަކާމެދު ފިޔަވަޅު އެޅުމަށް ބައިނަލްއަޤްވާމީ މުޖުތަމަޢުއަށާއި ވަކިން ޚާއްޞަކޮށް، އދ. ގެ ސަލާމަތީ މަޖިލީހަށް ގޮވާލާފައެެވެ.
ފޮރިން މިނިސްޓްރީގެ ބަޔާނުގައި ބުނީ މި ހަމަނުޖެހުމަށް ދެމެހެއްޓެނިވި، ޞުލްޙަވެރި ޙައްލެއް ގެނެވޭނީ 1967 ވަނަ އަހަރުގެ ކުރިން އޮތް އިންތަކުގެ މައްޗަށް ބިނާކޮށް، އިރުމަތީ ޤުދުސްއަކީ ފަލަސްޠީނުގެ ވެރިކަންކުރާ ރަށްކަމުގައި ކަނޑައަޅައި، އެއީ މިނިވަން، މުސްތަޤިއްލު އަދި އަމިއްލަ ސިޔާދަތީ ބާރު ހިނގާ ދައުލަތެއްގެ ގޮތުގައި ފަލަސްޠީނުގެ ދައުލަތް ޤާއިމުކުރެވުމުން ކަމަށް ސަރުކާރުން ދެކޭކަމަށެވެ.
ޣައްޒާގެ އުތުރުގައި ޚިދުމަތް ދެވޭ ގޮތަށް ހުރި ހަމައެކަނި ހޮސްޕިޓަލް، ކަމަލް އަދްވާން ހޮސްޕިޓަލުން މީހުން ހުސްކުރުމަށް އިސްރާއީލުން އަންގައި، އެ ހޮސްޕިޓަލްގައި ވަނީ ހުޅުޖަހާފައެވެ.
އެ ހޮސްޕިޓަލުން މީހުން ހުސްކުރި ކަމަށް އިސްރާއީލުން ބުނި ނަމަވެސް އެ ހޮސްޕިޓަލުގައި ތިބި 75 ބަލިމީހުންނާއި 180 މުވައްޒަފުންގެ ތެރެއިން 25 ބަލިމީހުންނާއި 60 ސިއްޚި ޚިދުމަތްތެރިން އަލިފާން ރޯކޮށްލިއިރު ހޮސްޕިޓަލުގައި ތިބި ކަމަށް ޣައްޒާގެ ސިއްހަތާބެހޭ އިދާރާއިން ވަނީ ބުނެފައެެވެ. އެ އިދާރާއިން ބުނީ ހޮސްޕިޓަލްގައި ތިބި މީހުން ގަދަކަމުން ނެރެ، ހޮސްޕިޓަލްގެ ގޯތި ތެރޭގައި ބޭތިއްބުމަށްފަހު، އެމީހުން ލައިގެންތިބި އަންނައުނު ބޭލުމަށް އިސްރާއީލު ސިފައިން އަމުރުކުރި ކަމަށެވެ.
މިދިޔަ އަހަރު އޮކްޓޫބަރު ހަތް ވަނަ ދުވަހުން ފެށިގެން އިސްރާއީލުން ޣައްޒާއާ ދެކޮޅަށް ކުރާ ހަނގުރާމައިގައި މިހާތަނަށް ގާތްގަޑަކަށް 45،436 ފަލަސްތީނު މީހުން ޝަހީދުކޮށްލާފައިވާއިރު މި ހަމަލާތަކުގައި ޒަޚަމްވި މީހުންގެ އަދަދު 108،038 އަށް އަރާފައިވާ ކަަމަށް ރިޕޯޓް ތައް ބުނެއެެވެ.
ފޮރިން މިނިސްޓްރީގެ ބަޔާނުގައި ވަނީ އިސްރާއީލުން ޣައްޒާގައި ހިންގަމުންދާ އަނިޔާވެރި ޢަމަލުތައް ހުއްޓުވައި، ފަލަސްޠީނުގެ ރައްޔިތުން ޙިމާޔަތްކޮށް، ޖަރީމާތަކަށް ޒިންމާވާ ފަރާތްތަކާމެދު ފިޔަވަޅު އެޅުމަށް ބައިނަލްއަޤްވާމީ މުޖުތަމަޢުއަށާއި ވަކިން ޚާއްޞަކޮށް، އދ. ގެ ސަލާމަތީ މަޖިލީހަށް ގޮވާލާފައެެވެ.
ފޮރިން މިނިސްޓްރީގެ ބަޔާނުގައި ބުނީ މި ހަމަނުޖެހުމަށް ދެމެހެއްޓެނިވި، ޞުލްޙަވެރި ޙައްލެއް ގެނެވޭނީ 1967 ވަނަ އަހަރުގެ ކުރިން އޮތް އިންތަކުގެ މައްޗަށް ބިނާކޮށް، އިރުމަތީ ޤުދުސްއަކީ ފަލަސްޠީނުގެ ވެރިކަންކުރާ ރަށްކަމުގައި ކަނޑައަޅައި، އެއީ މިނިވަން، މުސްތަޤިއްލު އަދި އަމިއްލަ ސިޔާދަތީ ބާރު ހިނގާ ދައުލަތެއްގެ ގޮތުގައި ފަލަސްޠީނުގެ ދައުލަތް ޤާއިމުކުރެވުމުން ކަމަށް ސަރުކާރުން ދެކޭކަމަށެވެ.
ޣައްޒާގެ އުތުރުގައި ޚިދުމަތް ދެވޭ ގޮތަށް ހުރި ހަމައެކަނި ހޮސްޕިޓަލް، ކަމަލް އަދްވާން ހޮސްޕިޓަލުން މީހުން ހުސްކުރުމަށް އިސްރާއީލުން އަންގައި، އެ ހޮސްޕިޓަލްގައި ވަނީ ހުޅުޖަހާފައެވެ.
މިދިޔަ އަހަރު އޮކްޓޫބަރު ހަތް ވަނަ ދުވަހުން ފެށިގެން އިސްރާއީލުން ޣައްޒާއާ ދެކޮޅަށް ކުރާ ހަނގުރާމައިގައި މިހާތަނަށް ގާތްގަޑަކަށް 45،436 ފަލަސްތީނު މީހުން ޝަހީދުކޮށްލާފައިވާއިރު މި ހަމަލާތަކުގައި ޒަޚަމްވި މީހުންގެ އަދަދު 108،038 އަށް އަރާފައިވާ ކަަމަށް ރިޕޯޓް ތައް ބުނެއެެވެ.
ކިޔުންތެރިންގެ ހިޔާލު