މާލެއަތޮޅު ގިރިފުށީގައި ކުރިޔަށް ދިޔަ 24 ވަނަ ޤައުމީ ކެޑޭޓް ކޭމްޕް ނިންމުމުގެ ރަސްމިއްޔާތު ބާއްވައިފިއެވެ.
އެމްއެންޑީއެފުން އިންތިޒާމުކޮށްގެން ބޭއްވި 24 ވަނަ ޤައުމީ ކެޑޭޓް ކޭމްޕްގެ ޕާސިންގ އައުޓް ޕެރޭޑް ރަސްމިއްޔާތު ބާއްވާފައި ވަނީ އިއްޔެއެވެ. މި ރަސްމިއްޔާތު ޝަރަފުވެރިކޮށްދެއްވީ ޗީފް އޮފް ޑިފެންސް ފޯސް، މޭޖަރ ޖެނެރަލް އިބްރާހީމް ޙިލްމީއެވެ.
2024 ޑިސެންބަރު 21 އިން 2025 ޖަނަވަރީ އެކެއްގެ ނިޔަލަށް ކުރިއަށްގެންދިޔަ މި ކޭމްޕުގައި ރާއްޖޭގެ 44 ސްކޫލަކުން ޖުމްލަ 120 ދަރިވަރުން ބައިވެރިވިއެވެ. މީގެ ތެރޭގައި 66 ފިރިހެން އަދި 54 އަންހެން ދަރިވަރުން ހިމެނެއެވެ.
އިންޓަނޭޝަނަލް ކެޑޭޓް އެކްސްޗޭންޖް ޕްރޮގްރާމުގެ ދަށުން އިންޑިއާ، ސްރީލަންކާ އަދި ނޭޕާލުން 12 ކެޑޭޓުންނާއި ތިން އޮފިސަރުން ވެސް މި ކޭމްޕަށް ޒިޔާރަތްކޮށްފައިވެއެވެ.
މި ކޭމްޕު ނިމުމުގެ ރަސްމިއްޔާތުގައި ކޭމްޕުން އެންމެ މޮޅު ފިރިހެން ދަރިވަރުގެ މަޤާމު އއ. މަތިވެރި ސްކޫލުގެ ކެޑޭޓް ކޯޕްރަލް މުޙައްމަދު ޒިމްޔާން ވަނީ ހާސިލްކޮށްފައެވެ. އެންމެ މޮޅު އަންހެން ދަރިވަރަކަށް ހޮވުނީ އަޙްމަދިއްޔާ އިންޓަނޭޝަނަލް ސްކޫލުގެ ކެޑޭޓް ކޯޕްރަލް ފާޠިމަތު މައިހާ މުޙައްމަދެވެ. އެކަޑެމިކް މާއްދާތަކުން އެންމެ މޮޅު ދަރިވަރުގެ މަޤާމު ހާސިލުކުރީ މާފުށީ ސްކޫލުގެ ކެޑޭޓް ސާޖަންޓް ޝައިމް ޝުވައިޒް އާދަމްއެވެ. އެންމެ މޮޅު ޕްލެޓޫންގެ ގޮތުގައި ހޮވުނީ މައިކް ޕްލެޓޫންއެވެ.
މި ކޭމްޕްގެ މައިގަނޑު މަޤްޞަދުތަކުގެ ތެރޭގައި ކެޑޭޓުން މުޖުތަމައަށް ފައިދާހުރި، ޒިންމާދާރު ރައްޔިތުންގެ ގޮތުގައި ބިނާކުރުމާއި، ދީނީ އަދި ޤައުމީ ރޫޙު އާލާކުރުމާއި، އަސްކަރީ އަސާސީ ހުނަރުތައް ދަސްކޮށްދިނުން ހިމެނެއެވެ.
މި ރަސްމިއްޔާތުގައި އެމްއެންޑީއެފްގެ އިސް އޮފިސަރުންނާއި، ގައުމީ ކެޑޭޓް ކޯޕްސްގެ އިންސްޓްރަކްޓަރުންނާއި، ކެޑޭޓް ދަރިވަރުންގެ ބެލެނިވެރިން ބައިވެރިވިއެވެ.
2024 ޑިސެންބަރު 21 އިން 2025 ޖަނަވަރީ އެކެއްގެ ނިޔަލަށް ކުރިއަށްގެންދިޔަ މި ކޭމްޕުގައި ރާއްޖޭގެ 44 ސްކޫލަކުން ޖުމްލަ 120 ދަރިވަރުން ބައިވެރިވިއެވެ. މީގެ ތެރޭގައި 66 ފިރިހެން އަދި 54 އަންހެން ދަރިވަރުން ހިމެނެއެވެ.
އިންޓަނޭޝަނަލް ކެޑޭޓް އެކްސްޗޭންޖް ޕްރޮގްރާމުގެ ދަށުން އިންޑިއާ، ސްރީލަންކާ އަދި ނޭޕާލުން 12 ކެޑޭޓުންނާއި ތިން އޮފިސަރުން ވެސް މި ކޭމްޕަށް ޒިޔާރަތްކޮށްފައިވެއެވެ.
މި ކޭމްޕު ނިމުމުގެ ރަސްމިއްޔާތުގައި ކޭމްޕުން އެންމެ މޮޅު ފިރިހެން ދަރިވަރުގެ މަޤާމު އއ. މަތިވެރި ސްކޫލުގެ ކެޑޭޓް ކޯޕްރަލް މުޙައްމަދު ޒިމްޔާން ވަނީ ހާސިލްކޮށްފައެވެ. އެންމެ މޮޅު އަންހެން ދަރިވަރަކަށް ހޮވުނީ އަޙްމަދިއްޔާ އިންޓަނޭޝަނަލް ސްކޫލުގެ ކެޑޭޓް ކޯޕްރަލް ފާޠިމަތު މައިހާ މުޙައްމަދެވެ. އެކަޑެމިކް މާއްދާތަކުން އެންމެ މޮޅު ދަރިވަރުގެ މަޤާމު ހާސިލުކުރީ މާފުށީ ސްކޫލުގެ ކެޑޭޓް ސާޖަންޓް ޝައިމް ޝުވައިޒް އާދަމްއެވެ. އެންމެ މޮޅު ޕްލެޓޫންގެ ގޮތުގައި ހޮވުނީ މައިކް ޕްލެޓޫންއެވެ.
މި ރަސްމިއްޔާތުގައި އެމްއެންޑީއެފްގެ އިސް އޮފިސަރުންނާއި، ގައުމީ ކެޑޭޓް ކޯޕްސްގެ އިންސްޓްރަކްޓަރުންނާއި، ކެޑޭޓް ދަރިވަރުންގެ ބެލެނިވެރިން ބައިވެރިވިއެވެ.
ކިޔުންތެރިންގެ ހިޔާލު