ސަރުކާރުން ތަރައްގީ ކުރަން ނިންމާފައިވާ 20 އެއާޕޯޓްގެ ތެރެއިން ބައެއް އެއާޕޯޓްތަކަށް މިހާރު އިންވެސްޓަރުން ވެސް ހޯދާފައިވާ ކަމަށް ރީޖަނަލް އެއާޕޯޓްސް ކޮމްޕެނީ (އާރްއޭސީއެލް)ގެ މެނޭޖިން ޑިރެކްޓަރު އަހުމަދު މުބީން ވިދާޅުވެއްޖެއެވެ.
ދައުލަތުގެ މީޑިއާ، ޕީއެސްއެމްގައި ވާހަކަ ދައްކަވަމުން ރީޖަނަލް އެއާޕޯޓްސް ކޮމްޕެނީ (އާރްއޭސީއެލް)ގެ މެނޭޖިން ޑިރެކްޓަރު އަހުމަދު މުބީން ވިދާޅުވީ، ސަރުކާރުން ތަރައްގީ ކުރަން ނިންމާފައިވާ 20 އެއާޕޯޓުގެ ކޮންސެޕްޓްގެ މަސައްކަތް އެއްކޮށް ނިމިފައިވާ ކަމަށާއި ބައެއް އެއާޕޯޓްތަކަށް މިހާރު އިންވެސްޓަރުން ވެސް ހޯދާފައިވާ ކަމަށެވެ. އަދި އެއާޕޯޓް ތަރައްގީ ކުރަން ޝައުގުވެރިކަން ފާޅުކުރި އިންވެސްޓަރުންނާ ގުޅޭ ލިޔެކިޔުންތައް އިކޮނަމިކް ކައުންސިލަށް ފޮނުވުމަށް މިހާރު ތައްޔާރު ވަމުންދާކަމަށް މުބީން ވިދާޅުވިއެވެ.
ރާއްޖޭގައި މި ވަގުތު 19 އެއާޕޯޓެއް ހިންގާއިރު އޭގެ ތެރޭގައި ހިމެނެނީ އިންޓަރނޭޝަނަލް ފަސް އެއާޕޯޓާއި 14 ޑޮމެސްޓިކް އެއާޕޯޓެވެ.
މީގެ އިތުރުން ހަތަރު ޑޮމެސްޓިކް އެއާޕޯޓެއްގެ މަސައްކަތް ސަރުކާރު މިހާރު ވެސް އަންނަނީ ކުރަމުންނެވެ.
މީގެ އިތުރުން ހަތަރު ޑޮމެސްޓިކް އެއާޕޯޓެއްގެ މަސައްކަތް ސަރުކާރު މިހާރު ވެސް އަންނަނީ ކުރަމުންނެވެ.
ކިޔުންތެރިންގެ ހިޔާލު