ބޭރު ފައިސާ އާއި ބެހޭ ޤާނޫނެއް މީގެ 20 އަހަރު ކުރިން އޮތްނަމަ މިއަދު އިޤްތިސާދީ ހީނަރުކަމުގައި ރާއްޖެ އޮންނަން ނުޖެހޭނެ ކަމަށް ރައްޔިތުންގެ މަޖިލީހުގެ ރައީސް އަބުދުއްރަޙީމް އަބުދުﷲ ވިދާޅުވެއްޖެއެވެ.
ފަތުރުވެރިންނަށް ޚިދުމަތްދޭ ތަންތަނުން ދިވެހި ބޭންކެއްގައި ޑޮލަރު މާރުކުރަން އަންގައި ރައްޔިތުންގެ މަޖިލީހުން ފާސްކޮށްފައިވާ ބޭރު ފައިސާއާ ބެހޭ ބިލު ގާނޫނަކަށްވުމާއި ގުޅިގެން އެ ގާނޫނަށް މިހާރު ވަނީ އަމަލުކުރަން ފަށާފައެވެ. ދައުލަތުގެ މީޑިޔާ، ޕީއެސްއެމްގައި ވާހަކަފުޅު ދައްކަވަމުން ރައްޔިތުންގެ މަޖިލީހުގެ ރައީސް އަބުދުއްރަޙީމް ވިދާޅުވީ މަޖިލީހުން ފާސްކޮށް މިހާރު އަމަލުކުރަމުން ގެންދާ ބޭރު ފައިސާ އާއި ބެހޭ ޤާނޫނަކީ މަޖިލީހުން ކުރި ވަރަށް މުހިންމު މަސައްކަތެއް ކަމަށެވެ.
އަބުދުއްރަޙީމް ވިދާޅުވީ، އެ ގާނޫނު މީގެ 20 އަހަރު ކުރިން އޮތްނަމަ ރާއްޖެ މިއަދު އިގްތިސާދީ ދަތިކަމުގެ ތެރޭގައި އޮންނަން ނުޖެހޭނެ ކަމަށެެވެ. އަދި އޭރު ގާނޫނު ހެެދިފައި އޮތްނަމަ މިއަދު ޓޫރިޒަމް ދާއިރާގައި މަސައްކަތް ކުރާ ބޭފުޅުން ކަންބޮޑުވެގެން އެ ވާހަކަ ދައްކަންނުޖެހޭނެ ކަމަށް އަބުދުއްރަޙީމް ވިދާޅުވިއެވެ.
"ކުއްލިއަކަށް މި ޤާނޫނު އައީމަ ފަހަރެއްގައި ބައެއް ބޭފުޅުންނަށް މިވަގުތަށް ގަބޫލުކުރަން އެހާ ފަސޭހަކަމަކަަށް ނުވެ ހިގައިދާނެ، އެކަމަކު އަޅުގަނޑު ގަބޫލުކުރަނީ އެބޭފުޅުން ވެސް އިސްކަންދެއްވާނީ ޤައުމާއި ރައްޔިތުންނަށޭ، މިއީ އެބޭފުޅުންގެ ވެސް ޤައުމު، އެބޭފުޅުންގެ ދަރިން ވެސް ދިރިއުޅެން އޮތް ޤައުމު. އެބޭފުޅުން ވެސް ބޭނުމެއް ނުވާނެ އަަަޅުގަނޑުމެންގެ މި ޤައުމު މާދަމާ ބަނޑަށްޖެހި ބަނގުރޫޓްވެ އެހެން ބަޔެއްގެ އަތްމައްޗަށް މުޅި ހުރިހާ ކަމެއް ދާކަށް،" މަޖިލިސް ރައީސް ވިދާޅުވިއެވެ.
ބޭރު ފައިސާ އާއި ބެހޭ ގާނޫނުގައި ބުނާގޮތުން ކޮންމެ ރިސޯޓަކުން ވެސް ފަތުރުވެރިއަކަށް 500 ޑޮލަރު މާރުކުރަން ޖެހޭނެއެވެ. އަދި މީހުން ދިރިއުޅޭ ރަށްރަށުގައި ހިންގާ ހޮޓާތަކާއި ގެސްޓްހައުސްތަކާއި ޓޫރިސްޓު އުޅަނދުތަކުން ބޮލަކަށް 25 ޑޮލަރު މާރުކުރަން ޖެހޭނެ ކަމަށް އެ ގާނޫނުގައި ބުނެފައިވެއެވެ.
ބޭރު ފައިސާގެ ބިލު އެކުލަވައިލިއިރު ވަނީ ޑޮލަރު މާރުކުރުމުން އިސްތިސްނާވާ ފަރާތްތަކާއި ހާލަތްތަކެއް އެބިލްގައި ކަނޑައަޅާފައެވެ. ބޭރު ފައިސާ އާއި ބެހޭ ޤާނޫނުގެ މަގުސަދަކީ ރާއްޖޭގައި ބޭރު ފައިސާއިން ކުރެވޭ މުއާމަލާތްތައް ކަނޑައަޅައި، ބޭރު ފައިސާ ރާއްޖެއަށް އެތެރެކުރުމާއި، ބޭރުކުރުމާއި، ބޭރު ފައިސާ ރާއްޖޭގައި ގެންގުޅުމާއި، ޖަމާކުރުމާއި، މާރުކުރުމާ ބެހޭ އުސޫލުތައް ކަނޑައެޅުމެވެ. އެ ގާނޫނާ ގުޅޭ ގޮތުން ފަތުރުވެރިކަމުގެ ދާއިރާގައި ހަރަކާތްތެރިވާ ފަރާތްތަކުން މީގެ ކުރިން ވަނީ ކަންބޮޑުވުން ފާޅުކޮށްފައެވެ.
އަބުދުއްރަޙީމް ވިދާޅުވީ، އެ ގާނޫނު މީގެ 20 އަހަރު ކުރިން އޮތްނަމަ ރާއްޖެ މިއަދު އިގްތިސާދީ ދަތިކަމުގެ ތެރޭގައި އޮންނަން ނުޖެހޭނެ ކަމަށެެވެ. އަދި އޭރު ގާނޫނު ހެެދިފައި އޮތްނަމަ މިއަދު ޓޫރިޒަމް ދާއިރާގައި މަސައްކަތް ކުރާ ބޭފުޅުން ކަންބޮޑުވެގެން އެ ވާހަކަ ދައްކަންނުޖެހޭނެ ކަމަށް އަބުދުއްރަޙީމް ވިދާޅުވިއެވެ.
"ކުއްލިއަކަށް މި ޤާނޫނު އައީމަ ފަހަރެއްގައި ބައެއް ބޭފުޅުންނަށް މިވަގުތަށް ގަބޫލުކުރަން އެހާ ފަސޭހަކަމަކަަށް ނުވެ ހިގައިދާނެ، އެކަމަކު އަޅުގަނޑު ގަބޫލުކުރަނީ އެބޭފުޅުން ވެސް އިސްކަންދެއްވާނީ ޤައުމާއި ރައްޔިތުންނަށޭ، މިއީ އެބޭފުޅުންގެ ވެސް ޤައުމު، އެބޭފުޅުންގެ ދަރިން ވެސް ދިރިއުޅެން އޮތް ޤައުމު. އެބޭފުޅުން ވެސް ބޭނުމެއް ނުވާނެ އަަަޅުގަނޑުމެންގެ މި ޤައުމު މާދަމާ ބަނޑަށްޖެހި ބަނގުރޫޓްވެ އެހެން ބަޔެއްގެ އަތްމައްޗަށް މުޅި ހުރިހާ ކަމެއް ދާކަށް،" މަޖިލިސް ރައީސް ވިދާޅުވިއެވެ.
ބޭރު ފައިސާގެ ބިލު އެކުލަވައިލިއިރު ވަނީ ޑޮލަރު މާރުކުރުމުން އިސްތިސްނާވާ ފަރާތްތަކާއި ހާލަތްތަކެއް އެބިލްގައި ކަނޑައަޅާފައެވެ. ބޭރު ފައިސާ އާއި ބެހޭ ޤާނޫނުގެ މަގުސަދަކީ ރާއްޖޭގައި ބޭރު ފައިސާއިން ކުރެވޭ މުއާމަލާތްތައް ކަނޑައަޅައި، ބޭރު ފައިސާ ރާއްޖެއަށް އެތެރެކުރުމާއި، ބޭރުކުރުމާއި، ބޭރު ފައިސާ ރާއްޖޭގައި ގެންގުޅުމާއި، ޖަމާކުރުމާއި، މާރުކުރުމާ ބެހޭ އުސޫލުތައް ކަނޑައެޅުމެވެ. އެ ގާނޫނާ ގުޅޭ ގޮތުން ފަތުރުވެރިކަމުގެ ދާއިރާގައި ހަރަކާތްތެރިވާ ފަރާތްތަކުން މީގެ ކުރިން ވަނީ ކަންބޮޑުވުން ފާޅުކޮށްފައެވެ.
ކިޔުންތެރިންގެ ހިޔާލު