މިއަދު ހެނދުނުން ފެށިގެން މެދުނުކެނޑި ވެހެމުންދާ ވާރޭގައި މުޅި މާލޭގައި ފެންބޮޑުވެ، ބައެއް ގެތަކާއި ފިހާރަތަކަށް ފެން ވަދެ ބޮޑެތި ގެއްލުންތަކެއް ލިބިއްޖެއެވެ.
މިއަދު ހެނދުނުން ފެށިގެން ހުއްޓާނުލައި މާލެއަށް އަންނަނީ ބޯކޮށް ވާރޭވެހެމުންނެވެ. ވިއްސާރައިގައި މަޖީދީ މަގާއި އަމީނީ މަގާ އެކު މާލޭގެ ހުރިހާ މަގެއްގައި ކަހަލަ ގޮތަކަށް ވަނީ ފެންބޮޑުވެފައެވެ.
އެގޮތުން އެންމެ ބޮޑަށް ފެންބޮޑުވެފައިވަނީ މާފަންނު ސަރަހައްދުގައެވެ. މާފަންނު ބައެއް ގެތަކަށާއި ފިހާރަ ތަކަށް ވަނީ ފެންވަދެ ގެއްލުންވެފައެވެ. ވިއްސާރައިގައި އާންމުކޮށް ފެންބޮޑުވާ ކަނބާއައިސާރަނި ހިނގުމާއި އިއްޒުންދީން މަގުގައި ވަރަށް ބޮޑަށް ފެންބޮޑުވެފައިވެއެވެ.
މާލޭގައި ގިނަ މަގުތަކެއްގައި ފެންބޮޑުވެ ހިނގާ މީހުންނާއި ދުއްވާ އެއްޗެއްސަށް ދަތިތަކަކާ ކުރިމަތިލާން ޖެހިފައިވާއިރު ފުލުހުންނާއި ސިފައިން މިހާރު ވަނީ މާލޭގެ މަގުތަކުން ފެންހިންދައި، އާއްމުންނަށް އެހީތެރިކަން ފޯރުކޮށްދޭން ފަށާފައެވެ. ފުލުހުންގެ ޚިދުމަތުން އެކްސްގައި ކުރި ޕޯސްޓެއްގައި ބުނީ ގޭގެ އާއި ފިހާރަތަކަށް ފެން ވަނުން ހުއްޓުވަން އެ ތަންތަނުގައި ވެލި ބަސްތާ ޖަހަމުން އަންނަ ކަމަށެވެ. އަދި ފެން ބޮޑުވެފައިވާ ތަންތަނުން ފެން ހިއްކުމުގެ މަސައްކަތް ވެސް ކުރަމުން އަންނަ ކަމަށް ފުލުހުން ބުނެއެވެ.
ގޭގެއަށް ފެން ވަދެގެން އެހީތެރިކަން ބޭނުންވާ ނަމަ އިމަޖެންސީ ހޮޓްލައިން، 911 އަށް ގުޅަން ފުލުހުން ވަނީ އެދިފައެވެ.
އެގޮތުން އެންމެ ބޮޑަށް ފެންބޮޑުވެފައިވަނީ މާފަންނު ސަރަހައްދުގައެވެ. މާފަންނު ބައެއް ގެތަކަށާއި ފިހާރަ ތަކަށް ވަނީ ފެންވަދެ ގެއްލުންވެފައެވެ. ވިއްސާރައިގައި އާންމުކޮށް ފެންބޮޑުވާ ކަނބާއައިސާރަނި ހިނގުމާއި އިއްޒުންދީން މަގުގައި ވަރަށް ބޮޑަށް ފެންބޮޑުވެފައިވެއެވެ.
ގޭގެއަށް ފެން ވަދެގެން އެހީތެރިކަން ބޭނުންވާ ނަމަ އިމަޖެންސީ ހޮޓްލައިން، 911 އަށް ގުޅަން ފުލުހުން ވަނީ އެދިފައެވެ.
ކިޔުންތެރިންގެ ހިޔާލު