މިއަދަކީ ވެލާނާ އިންޓަނޭޝަނަލް އެއާޕޯޓުގައި ބާރުބޮޑު ދުވަހަކަށް ވާތީއާއި ވިއްސާރައިގެ ސަބަބުން އެއްގަމު ދަތުރުފަތުރަށް ބުރޫއަރާފައިވާތީ މިރޭގެ މެންދަމު 1:00 އާ ހަމައަށް އެއާޕޯޓުން މީހުން ގެނައުމަށް އެމްޓީސީސީ ބަހުގެ ހިދުމަތް ދޭން ނިންމާފައިވާކަމަށް އެ ކުންފުނިން ބުނެފިއެވެ.

އެ ކުންފުނިން މިރޭ ބުނީ އެއާޕޯޓުގެ ޓްރެފިކް ބޮޑު ދުވަހަކަށް ވެފައި މޫސުން ގޯސްވުމާ އެކު އަދިވެސް ގިނަ ބަޔަކު އެއާޕޯޓުގައި އެބަތިބި ކަމަށެވެ.

އެހެންކަމުން އެ މީހުންގެ ދަތުރު ފަސޭހަ ކޮށްދިނުމުގެ ގޮތުން އެ ކުންފުނީގެ ބަސްތައް މިރޭ 01:00 އާ ހަމައަށް ދަތުރުކުރާނެ ކަމަށާއި އެ ދަތުރުތައް ކުރާނީ އާރްޓީއެލް ބަހުގެ ހިދުމަތުގައި ހިމެނޭ އާރް3 އާރް4 އަދި އާރް9 ގެ ބަސްތައް ކަމަށް އެމްޓީސީސީން ބުނެއެވެ.

މިހާރު ރާއްޖެއަށް ކުރަމުންދާ ވިއްސާރައިގައި މާލޭގައި ވަނީ ވަރަށް ބޮޑަށް ފެންބޮޑުވެފައެވެ.