މިރޭ އުތުރާއި، މެދުރާއްޖެތެރޭގެ އެކި ހިސާބުތަކަށް ބޯކޮށް ވާރޭވެހި އުދައިގެ އަސަރު ކޮށްފާނެ ކަމަށް ރާއްޖޭގެ މޫސުމާއި ބެހޭ ގައުމީ އިދާރާ (މެޓް) އިން ލަފާކޮށްފިއެވެ.

މެޓުން ބުނީ މި ސަރަހައްދުތަކަށް ވިއްސާރަ ކުރާނެ ކަމަށާއި، ބައެއް ރައްތަކަށް ބޯކޮށް ވާރޭވެހި ދިޔަވަރު ބޮޑުވާ ގަޑިތަކުގައި ބައެއް ރަށްތަކަށް އުދައިގެ އަސަރު ކުރުމަކީ އެކަށީގެންވާ ކަމެއް ކަމަަށެވެ.

ރާއްޖެއަށް މިހާރު ކުރަމުންދާ ވިއްސާރައިގައި ގިނަ ރަށްތަކެއްގައި ފެންބޮޑުވެ އެކި ވަރުގެ ގެންލުންތައް ލިބެމުންދާއިރު އިއްޔެ ކުރި ވިއްސާރައިގައި މާލެ އާއި ބައެއް ރަށްތަކަށް ފެންބޮޑުވެ، ގެއްލުންތައް ލިބިފައިވެއެވެ.

މެޓުން ބުނީ މިރޭގެ މޫސުން ކުރިއަށް ލަފާކުރާގޮތަށް ބަލާއިރު އުތުރާއި، މެދުރާއްޖެތެރޭގެ އެކި ހިސާބު ތަކަށް ވިއްސާރަ ކުރާނެ ކަމަށާއި، ބައެއް ރައްތަކަށް ބޯކޮށް ވާރޭވެހޭނެ ކަމަށެވެ. އަދި ދެކުނުގެ އެކި ހިސާބުތަކަށް ކެރީގެ އަސަރު ފޯރާނެ ކަމަށްވެސް މެޓުން ބުނެއެވެ.