ހަންގަނޑު އުޖާލާކޮށް ރީތިކޮށް ހުރުމަކީ ކޮންމެ މީހަކުވެސް ބޭނުންވާ ކަމެކެވެ. މިކަން ހާސިލް ކުރުމަށް ތަފާތު އެކި ގޮތްތައް މީހުން ހިޔާރު ކުރެއެވެ. އެއް ބަޔަކު ސެލޫންތަކަށް ދާއިރު އަނެއް ބަޔަކު ގޭގައި ތަފާތު އެކި ކަންތައް ކުރެއެވެ.

ތިރީގައި މި ހިމަނާލަނީ ހަންގަނޑު އުޖާލާކުރަން ބޭނުންވާނަމަ ކުރަންވީ ބައެއް ކަންތަކެވެ.

ފެންބުއިން

ހަންގަނޑު އުޖާލާކޮށް ރީތިކުރަން ބޭނުންވާނަމަ އެންމެ ފުރަތަމަ ކުރަން ޖެހޭ ކަމަކީ ހަށިގަނޑު ރަނގަޅަށް ހައިޑްރޭޓު ކުރުމެވެ. ހަށިގަނޑަށް ބޭނުންވާ ވަރަށް ފެން ބޮވޭނަމަ ހަށިގަނޑުގައި ހުންނަ ވިހަ މާއްދާތައް ބޭރުވެ، އޭގެ ސަބަބުން ހަންގަނޑު ރީތިވެ އުޖާލާވެއެވެ.

ސަންސްކްރީން ބޭނުން ކުރުން

ހަންގަނޑު އުޖާލާ ކުރަން ބޭނުންވާނަމަ ދެން ކުރަން ޖެހޭ އެންމެ މުހިންމު ކަމަކީ ސަންސްކްރީނު ބޭނުން ކުރުމެވެ. މި ބޭނުން ކުރުމުން އިރުގެ ނުރައްކާތެރި ދޯދިތަކުން ހަންގަނޑު ރައްކާތެރިވެ ހަމުގެ ކުލަ އަލިވެއެވެ. އަދި ހަންގަނޑު އުޖާލާވެސް ވެއެވެ.

ފައިދާހުރި ކާނާ ކެއުން

ހަންގަނޑު ރީތިކުރުމަށްޓަކައި ހަށިގަނޑަށް ފައިދާހުރި ކާނަގެ ބާވަތްތައް ކެއުމަކީވެސް ވަރަށް މުހިންމު ކަމެކެވެ. އެގޮތުން ބަލާއިރު ކެއުމުގައި ތަފާތު އެކިކަހަލަ ވިޓަމިނާއި މިނަރަލްތަކާއި، އެންޓި އޮކްސިޑެންޓިތައް ހިމެނޭ އެއްޗެހި އެކުލަވާލަން ޖެހެއެވެ. މިހެން ހެދުމުން ހަށިގަނޑު އޮކްސިޑޭޓިވް ސްޓްރެސްއާ ދުރުވެ، ހަންގަނޑު އުޖާލާވާން އެހީވެއެވެ.

މަސްދަރު: ލައިވްމިންޓު