ގއ. ނިލަންދޫ ފަރަށް ތެޔޮ ބޯޓެއް އަރައިފި އެވެ.

ނިލަންދޫ ކައުންސިލްގެ ރައީސް އިބްރާހިމް ނާސިހު ރަސް އަށް ވިދާޅުވީ ފަރަށް އެރީ ފިއުލް ސަޕްލައި އޮފް މޯލްޑިވްސް (އެފްއެސްއެމް)ގެ ބޯޓެއް ކަމަށެވެ.

އެ ބޯޓަކީ އެ އަތޮޅަށް ތެޔޮ ފޯރުކޮށްދޭ ބޯޓެއް ކަމަށް ވެސް ނާސިހު ވިދާޅުވި އެވެ.

ނާސިހު ވިދާޅުވީ ނިލަންދޫގެ ހުޅަނގު އުތުރުން އެ ބޯޓު ފަރަށް އެރީ މިއަދު ހެނދުނު ކަމަށެވެ.

އަދި އެ ބޯޓު ފުންކުރަން އެފްއެސްއެމުން ބޮޑޫ ބޯޓެއް އައިސްގެން ފުން ކުރަމުންދާ ކަަމަށް ވެސް އޭނާ ވިދާޅުވި އެވެ.

"އަދި ނެތް ތެޔޮ ލީކުވީކަމުގެ މައުލޫމާތު ލިބިފައެއް ނެތް،" ނާސިހު ވިދާލުވި އެވެ.