ކުރީގެ ސަރުކާރުގެ އެކި ވުޒާރާތަކާއި، ސަރުކާރު ހިއްސާވާ ކުންފުނިތަކާ، އެ ނޫންވެސް ގޮތްގޮތުން އެކި ފަރާތްތަކުން ހޯދާފައިވާ ޚިދުމަތްތަކަށް ދޭންޖެހިފައި ހުރި ފައިސާ މިއަހަރުގެ ފުރަތަމަ ދެ މަސް ތެރޭގައި ދޫކުރަން މަސައްކަތް ކުރައްވަމުން ގެންދަވާ ކަމަށް ރައީސް ޑރ. މުޙައްމަދު މުޢިއްޒު ވިދާޅުވެއްޖެއެވެ.
މާލެ އަތޮޅު ގުޅީގެ ރައްޔިތުންނާއި ބައްދަލު ކުރަށްވައި ވާހަކަފުޅު ދައްކަވަމުން ރައީސް ޑރ.މުޙައްމަދު މުޢިއްޒު ވިދާޅުވީ ކުރީގެ ސަރުކާރުން އެކި ވުޒާރާތަކާއި، ސަރުކާރު ހިއްސާވާ ކުންފުނިތަކާ، އެ ނޫންވެސް ގޮތްގޮތުން އެކި ފަރާތްތަކުން ހޯދާފައިވާ ޚިދުމަތްތަކަށް ދޭންޖެހޭ އުޖޫރަ ޚަލާސް ކުރުމުގެ މަސައްކަތްތައް ކުރަމުންދާ ކަމަށެވެ. އެގޮތުން މި އަހަރުގެ ފުރަތަމަ 2 މަސްދުވަހުގެ ތެރޭގައިވެސް އެމަސައްކަތް ކުރައްވާނެ ކަމުގައި ރައީސް ވިދާޅުވިއެވެ. އެމަނިކުފާނު ވިދާޅުވީ ސަރުކާރުން އަމިއްލަ ކޮންޓްރެކްޓަރުންނަށް ދޭންޖެހޭ ހުރިހާ ފައިސާއެއް ދައްކާ ޚަލާސްކުރުމަށް، ކުރިއަށް އޮތް ދެމަސްތެރޭ ފައިސާ ދޫކުރައްވާނެކަމަށެވެ. އަދި މިކަމުގެ ސަަބަބުން ކުންފުނިތަކުގެ މާލީ ޙާލަތު ރަނގަޅުވެ، ކުންފުނިތައް އަލުން ހިނގައިގަތުމަށް އެހީއަކަށް ވެގެންދާނެ ކަމަށްވެސް ރައީސް ވިދާޅުވިއެވެ.
"މިދިޔަ އަހަރު ތެރޭގައި ވެސް އަޅުގަނޑުމެން ވަރަށް ގިނަ ފަރާތްތަކަށް ފައިސާ ދޫކުރިން އަދި މި ފެށިގެން މިދިޔަ ބަޖެޓުގެ ތެރެއިން މި މަހާއި މި އަންނަ މަހާ ދެ މަސް ތެރޭގައި އިރާދަކުރެއްވިއްޔާ އަޅުގަނޑުމެން މި ބަލަނީ އެގޮތަށް ހުރި އެތައް ބަޔަކަށް އަދި މި ނިމިގެންދިޔަ ދެހާސް ސައްވީސް ގެ ތެރޭގައި ވެސް ޕެންޑިން ހުރި ބިލުތަކާ އެކީގައި ވީހާވެސް ގިނަ ބަޔަކަށް އެގޮތަށް ދޭން ހުރި ފައިސާތައް ދޭން އެއީ ސީދާ މިނިސްޓްރީތަކުން ކުރުވާފައި ހުރި މަސައްކަތަށް ސަރުކާރުގެ އެސްއޯއީތަކުން އާރުޑީސީ, ފެނަކަ, ވެމްކޯ އެމްޓީސީސީ ދެން މިހެން ގޮސް މިކަހަލަ އެކިއެކި ކުންފުނިތަކުން އެކިއެކި އާންމު ފަރާތްތަކުގެ ކުންފުނިތައް ލައްވައި ކުރުވާ ފައިސާ ނުދެވިފައި ހުރި ބިލުތަކަށް އިރާދަކުރެއްވިއްޔާ ފައިސާ ދިނުމަށް ޓަކައި މަސައްކަތްތަކެއް މި ކުރަނީ،" ރައީސް މުޢިއްޒު ވިދާޅުވިއެވެ.
"މިދިޔަ އަހަރު ތެރޭގައި ވެސް އަޅުގަނޑުމެން ވަރަށް ގިނަ ފަރާތްތަކަށް ފައިސާ ދޫކުރިން އަދި މި ފެށިގެން މިދިޔަ ބަޖެޓުގެ ތެރެއިން މި މަހާއި މި އަންނަ މަހާ ދެ މަސް ތެރޭގައި އިރާދަކުރެއްވިއްޔާ އަޅުގަނޑުމެން މި ބަލަނީ އެގޮތަށް ހުރި އެތައް ބަޔަކަށް އަދި މި ނިމިގެންދިޔަ ދެހާސް ސައްވީސް ގެ ތެރޭގައި ވެސް ޕެންޑިން ހުރި ބިލުތަކާ އެކީގައި ވީހާވެސް ގިނަ ބަޔަކަށް އެގޮތަށް ދޭން ހުރި ފައިސާތައް ދޭން އެއީ ސީދާ މިނިސްޓްރީތަކުން ކުރުވާފައި ހުރި މަސައްކަތަށް ސަރުކާރުގެ އެސްއޯއީތަކުން އާރުޑީސީ, ފެނަކަ, ވެމްކޯ އެމްޓީސީސީ ދެން މިހެން ގޮސް މިކަހަލަ އެކިއެކި ކުންފުނިތަކުން އެކިއެކި އާންމު ފަރާތްތަކުގެ ކުންފުނިތައް ލައްވައި ކުރުވާ ފައިސާ ނުދެވިފައި ހުރި ބިލުތަކަށް އިރާދަކުރެއްވިއްޔާ ފައިސާ ދިނުމަށް ޓަކައި މަސައްކަތްތަކެއް މި ކުރަނީ،" ރައީސް މުޢިއްޒު ވިދާޅުވިއެވެ.
ކިޔުންތެރިންގެ ހިޔާލު