އިންޑިޔާ އައުޓް ކެމްޕޭނާއި ގުޅޭގޮތުން ސަރުކާރުން ދެއްކި ވާހަކަތަކާއި އެކު ހާމަވެގެންދިޔައީ ދިވެހި ހާރިޖީ ސިޔާސަތުގެ އެއްވެސް ހަރުދަނާކަމެއް ނެތްކަން ކަމުގައި ކުރީގެ ރައީސް ޔާމިން އަބުދުލްގައްޔޫމް ރޭ ވިދާޅުވެއްޖެއެވެ.
ރައީސް ޔާމީން މިހެން ވިދާޅުވީ އިންޑިއާ އައުޓު ހަރަކާތަކީ ޔާމީންގެ ވިސްނުންފުޅަށް އެމަނިކުފާނު ހިންގެވި ހަރަކާތެއް ކަމަށާއި އެއީ މި ސަރުކާރުގެ ސިޔާސަތެއް ނޫންކަމަށް ވިދާޅުވެ ޚާރިޖީ ވަޒީރު ޑރ. އަބުދު ﷲ ޚަލީލް ދެއްކެވި ވާހަކަފުޅާއި ގުޅިގެންނެވެ. ޕީއެންއެފްގެ ފްރޮންޓް އޮފީހުގައި ރޭ ބޭއްވި ޖަލްސާގައި ވާހަކަފުޅު ދައްކަވަމުން ކުރީގެ ރައީސް ޔާމީން ވިދާޅުވީ އިންޑިއާ އައުޓް ކެމްޕޭނަކީ އެމަނިކުފާނު އިސްވެ ހުންނަވައިގެން ފެށި ކެމްޕޭނެއް ކަމަށެވެ. އަދި އެ ކެމްޕޭނުގައި މި ސަރުކާރުގައި ތިބި އިސް ފަރާތްތަކުން އޭރު ބައިވެރިވީ މަޖުބޫރު ކަމެއް ނެތި ކަމަށް ޔާމިން ވިދާޅުވިއެވެ. އަދި މިއަދު މި ކަންކަމުން ފެޔަށް ޖެހިވަޑައިގަންނަވަން އެބޭފުޅުން މަސައްކަތް ކުރި ނަމަވެސް އިންޑިއާ ރައްޔިތުން ކަންކަން ހަނދާން ނުނެތޭނެ ކަމަށް އެމަނިކުފާނު ވިދާޅުވި އެވެ. މިފަދަ ކަންކަމުން ހާމަވެގެންދިޔައީ ދިވެހި ހާރިޖީ ސިޔާސަތުގެ އެއްވެސް ހަރުދަނާކަމެއް ނެތްކަން ކަމަށްވެސް ޔާމިން ވިދާޅުވިއެވެ.
މީގެ އިތުރުން ޔާމިން ވިދާޅުވީ ރާއްޖެއަކީ މިހާރު މިނިވަން ގައުމެއް ނޫން ކަމަށެވެ. އެގޮތުން ރާއްޖޭގެ ހާރިޖީ އަދި ދާހިލީ ސިޔާސަތު މިނިވަން ނޫން ކަމަށް ޔާމިން ވިދާޅުވިއެވެ. އަދި ރާއްޖެ އަކީ މިނިވަން ގައުމެއް ނަމަ ރާއްޖޭގައި އިންޑިއާގެ އަސްކަރިއްޔާ ނުތިބޭނެ ކަމަށް ޔާމިން ވިދާޅުވިއެވެ.
ޚާރިޖީ ވަޒީރު ޑރ. އަބުދު ﷲ ޚަލީލް އިންޑިއާއަށް ކުރެއްވި ރަސްމީ ދަތުރުފުޅުގައި އެ ގައުމުގެ "ވިއޯން" އަށް ދެއްވި ހާއްސަ އިންޓަވިއުއެއްގައި ވިދާޅުވެފައިވަނީ އިންޑިޔާ އައުޓް ހަރަކާތަކީ ޔާމިން އިސްނަންގަވައިގެން ފެއްޓެވި ހަރަކާތެއް ކަމަށާއި އެއީ މި ސަރުކާރުގެ ސިޔާސަތެއް ނޫން ކަމަށެވެ. ރައީސް ޑރ. މުޙައްމަދު މުޢިއްޒު ވަނީ އެމަނިކުފާނު ވަޑައިގަންނަވާނީ އިންޑިއާއާ އެކު ގުޅުން އިތުރަށް ވަރުގަދަ ކުރައްވަމުން، ކުރިއަށްކަމަށް ތަކުރާރުކޮށް ވިދާޅުވެފައިކަމަށް ޚަލީލް ވިދާޅުވިއެވެ. މިނިސްޓަރު ޚަލީލް ވިދާޅުވީ އިންޑިއާއާ އެކު ރާއްޖެއިން ވަނީ އިކޮނޮމިކް ގުޅުންތަކާއި ސެކިއުރިޓީ ގުޅުންތައް ވެސް ގާއިމު ކޮށްފައި ކަމަށެވެ. އަދި ރައީސްގެ ސިޔާސަތާއެކު އެ ގުޅުންތައް ދަނީ ބަދަހިވަމުން ކަމަށް ޚަލީލް ވިދާޅުވިއެވެ.
ޚާރިޖީ ވަޒީރު ޑރ. އަބުދު ﷲ ޚަލީލް އިންޑިއާއަށް ކުރެއްވި ރަސްމީ ދަތުރުފުޅުގައި އެ ގައުމުގެ "ވިއޯން" އަށް ދެއްވި ހާއްސަ އިންޓަވިއުއެއްގައި ވިދާޅުވެފައިވަނީ އިންޑިޔާ އައުޓް ހަރަކާތަކީ ޔާމިން އިސްނަންގަވައިގެން ފެއްޓެވި ހަރަކާތެއް ކަމަށާއި އެއީ މި ސަރުކާރުގެ ސިޔާސަތެއް ނޫން ކަމަށެވެ. ރައީސް ޑރ. މުޙައްމަދު މުޢިއްޒު ވަނީ އެމަނިކުފާނު ވަޑައިގަންނަވާނީ އިންޑިއާއާ އެކު ގުޅުން އިތުރަށް ވަރުގަދަ ކުރައްވަމުން، ކުރިއަށްކަމަށް ތަކުރާރުކޮށް ވިދާޅުވެފައިކަމަށް ޚަލީލް ވިދާޅުވިއެވެ. މިނިސްޓަރު ޚަލީލް ވިދާޅުވީ އިންޑިއާއާ އެކު ރާއްޖެއިން ވަނީ އިކޮނޮމިކް ގުޅުންތަކާއި ސެކިއުރިޓީ ގުޅުންތައް ވެސް ގާއިމު ކޮށްފައި ކަމަށެވެ. އަދި ރައީސްގެ ސިޔާސަތާއެކު އެ ގުޅުންތައް ދަނީ ބަދަހިވަމުން ކަމަށް ޚަލީލް ވިދާޅުވިއެވެ.
ކިޔުންތެރިންގެ ހިޔާލު