ތުރުކީ ވިލާތުގެ މަޝްހޫރު ހޮޓަލެއްގައި އަލިފާން ރޯވެގެން މަރުވި މީހުންގެ އަދަދު 76 އަށް އަރާފައިވާ ކަމަށް އޮފިޝަލުންނާ ހަވާލަދީ މީޑިޔާތަކުން ރިޕޯޓުކޮށްފިއެވެ.
އަލިފާނުގެ ހާދިސާ ހިނގާފައި ވަނީ ތުރުކީގެ މަޝްހޫރު ސްކައި ރިސޯޓް ހޮޓަލެއް ކަމަށްވާ ގްރޭންޑް ކާޓަލްގައެވެ. މިދިޔަ އަންގާރަ ދުވަހު ހިނގި އެ ހާދިސާގައި ގިނަ ބަޔަކަށް އަނިޔާވެގެން އަދިވެސް ފަރުވާ ދެމުން އަންނަ ކަމަށް އޮފިޝަލުން ބުނެއެވެ.
މި ހާދިސާ ހިނގި ވަގުތު ހޮޓަލުގައި 238 މީހުން ތިބި ކަމަށާއި އިމާރާތުގައި ރޯވި ވަގުތު އެތެރޭގައި ގިނަ ބަޔަކު ތާށިވުމުގެ އިތުރުން ސަލާމަތް ވުމަށް ކުޑަދޮރުތަކުން ގިނަ ބަޔަކު ފުންމާލާފައިވާ ކަމަށް ރިޕޯޓްތައް ބުނެއެވެ. މަރުވި މީހުންގެ އަދަދު އިތުރުވީ މިކަމުގެ ސަބަބުން ކަމަށްވެއެވެ.
މީހުން ހޯދުމުގައި ހަރަކާތްތެރިވާ ފަރާތްތަކުން ވަނީ މި ހާދިސާ ހިނގި އިމާރާތް ބަލައި އިތުރު މީހެއްގެ ހަށިގަނޑު ފެނޭތޯ ފާސް ކޮށްފައެވެ.
ކަމާބެހޭ އިދާރާތަކާ ގުޅިގެން މި ހާދިސާ ހިނގި ގޮތް ހޯދުމަށް ހާއްސަ ތަހުގީގެއް ފަށާފައިވާ ކަމަށް ތުރުކީގެ އިންޓީރިއާ މިނިސްޓަރު، އަލީ ޔާލިކަޔާ ވަނީ ވިދާޅުވެފައެވެ. އަދި މި ތަހުގީގުގައި މިހާތަނަށް ނުވަ މީހަކު ހައްޔަރުކޮށްފައިވާކަމަށް އޭނާ ވަނީ ވިދާޅުވެފައެވެ. ހައްޔަރު ކޮށްފައިވާ މީހުންގެ ތެރޭގައި އެ ހޮޓަލުގެ ވެރިޔާވެސް ހިމެނެއެވެ.
މި ހާދިސާ ހިނގި ވަގުތު ހޮޓަލުގައި 238 މީހުން ތިބި ކަމަށާއި އިމާރާތުގައި ރޯވި ވަގުތު އެތެރޭގައި ގިނަ ބަޔަކު ތާށިވުމުގެ އިތުރުން ސަލާމަތް ވުމަށް ކުޑަދޮރުތަކުން ގިނަ ބަޔަކު ފުންމާލާފައިވާ ކަމަށް ރިޕޯޓްތައް ބުނެއެވެ. މަރުވި މީހުންގެ އަދަދު އިތުރުވީ މިކަމުގެ ސަބަބުން ކަމަށްވެއެވެ.
ކަމާބެހޭ އިދާރާތަކާ ގުޅިގެން މި ހާދިސާ ހިނގި ގޮތް ހޯދުމަށް ހާއްސަ ތަހުގީގެއް ފަށާފައިވާ ކަމަށް ތުރުކީގެ އިންޓީރިއާ މިނިސްޓަރު، އަލީ ޔާލިކަޔާ ވަނީ ވިދާޅުވެފައެވެ. އަދި މި ތަހުގީގުގައި މިހާތަނަށް ނުވަ މީހަކު ހައްޔަރުކޮށްފައިވާކަމަށް އޭނާ ވަނީ ވިދާޅުވެފައެވެ. ހައްޔަރު ކޮށްފައިވާ މީހުންގެ ތެރޭގައި އެ ހޮޓަލުގެ ވެރިޔާވެސް ހިމެނެއެވެ.
ކިޔުންތެރިންގެ ހިޔާލު