އެމްޑީޕީން "ގާނޫނުއަސާސީގެ ދިފާއު" ގައި ޖެނުއަރީ 31، ގައި ކުރާ މުޒާހަރާ ރޭގަނޑަށް ބަދަލުކޮށްފައިވާ ކަަމަށް އެޕާޓީން ބުނެފި އެވެ.

އެމްޑީޕީން އެންމެ ފުރަތަމަ ނިންމީ އެ ދުވަހު ހަވީރު 16:00 ގައި އެ އެއްވުން ފަށާގޮތަށެވެ. އެމްޑީޕީގެ ރަސްމީ އެކްސް އެކައުންޓުން ކުރި ޕޯސްޓެއްގައި ބުނެފައިވަނީ ގަޑި ބަދަލުވީ އެ ރޭ 8:00 އަށް ކަމަށެވެ. އެއްވުން ފެށޭނެ ތަނަކީ ހެންވޭރު އާޓިފިޝަލް ބީޗު ސަރަހައްދު ކަމަށް އެމްޑީޕީން ބުނެއެވެ.

މިއީ ރައީސް ޑރ. މުހައްމަދު މުއިއްޒުގެ ވެރިކަމުގައި، އެމްޑީޕީން ދުރާލާ ރާވައިގެން މަގުމަތީގައި އިހުތިޖާޖުކުރަން ބާއްވާ ފުރަތަމަ ހަރަކާތް ކަން ފާހަގަކޮށްލެވެއެވެ.