ލ. އިސްދޫގެ ފެނުގެ މަޝްރޫއުގެ ދަށުން އެ ރަށުގެ 246 ގެއެއްގައި ފެނުގެ ހިދުމަތް ގާއިމް ކުރެވިފައިވާ ކަމަށް މިނިސްޓްރީ އޮފް ކޮންސްޓްރަކްޝަން، ހައުސިން އެންޑް އިންފްރާސްޓްރަކްޗާ އިން ހާމަކޮށްފިއެވެ.

މިނިސްޓްރީން އެކްސްގައި ހިއްސާކުރި ޕޯސްޓެއްގައި ބުނީ މި މަޝްރޫއުގެ މަސައްކަތްތައް ނިންމުމަށްފަހު މިހާރު އޮޕަރޭޓަރާ ހަވާލު ކުރެވިފައިވާ ކަމަށާއި، އަދި މިހާރު ހިދުމަތް ފޯރުކޮށްދޭން ފަށާފައިވާ ކަމަށެވެ.

އެގޮތުން އެރަށުގައި 55 ޓަނުގެ އާރް އޯ ޕްލާންޓާއި، 60 ޓަނުގެ ވާރޭފެން ޕްލާންޓު ގާއިމް ކުރެވިފައި ވެއެވެ. އަދި 400 ޓަނުގެ ވާރޭފެން ރައްކާކުރާނެ ޓޭންކާއި، 415 ޓަނުގެ ބޯފެން ރައްކާކުރާނެ ޓޭންކުވެސް ގާއިމް ކޮށްފައި ވެއެވެ.

މީގެ އިތުރުން މި މަޝްރޫއުގެ ދަށުން 25 ކިލޯވޮޓުގެ ސޯލާ ޕެނެލް ވެސް ގާއިމް ކުރެވިފައި ވެއެވެ.

ލ. އިސްދޫ ފެނުގެ މަޝްރޫޢުގެ އަދާހަމަ:
މަސައްކަތްތައް ނިންމުމަށްފަހު އޮޕަރޭޓަރާ ޙަވާލުކުރެވި ޑިފެކްޓްސް ލައަބިލިޓީ ޕީރިއަޑްގެ ދަށުން ދަނީ ޚިދުމަތް ފޯރުކޮށްދެމުން

މި މަޝްރޫޢުގެ ދަށުން މުޅިއެކު 245 ގެދޮރުގައި ވަނީ ފެނުގެ ޚިދުމަތް ޤާއިމުކުރެވިފައި

އަދި މި މަޝްރޫޢު ކުރިއަށް… pic.twitter.com/NEcM7Ul4MY

— Ministry of Construction, Housing & Infrastructure (@MoCImv) February 9, 2025

މި މަޝްރޫއު ކުރިއަށް ގެންދިއުމަށް ފައިނޭންސު ކޮށްފައިވަނީ އިންޑިއަން އެގްޒިމް ބޭންކުންނެވެ. އަދި މި މަޝްރޫއު ކުރިއަށް ގެންގޮސްފައިވަނީ އެސް.އެމް.ސީ އިންފްރާސްޓްރަކްޗާސް ޕްރައިވެޓް ލިމިޓެޑްގެ ފަރާތުންނެވެ.