މަރްޔަމް ނަހްދާ ވަޙީދު   26 ފެބްރުއަރީ 2025 - 5:19
ގޯވިންދާ އާއި ސުނީތާ- ގޫގުލް އިމޭޖެސް
ގޯވިންދާ އާއި ސުނީތާ- ގޫގުލް އިމޭޖެސް
ބޮލީވުޑްގެ މަޝްހޫރު ތަރި ގޯވިންދާ އާއި އޭނާގެ އަންހެނުން ސުނީތާ އަހޫޖާ ވަރިވާކަށް ނޫޅޭ ކަމަށް ގޯވިންދާގެ އާއިލާއިން ބުނެފިއެވެ.

ގޯވިންދާގެ އާއިލާގެ ފަރާތުން މިހެން ބުނެފައިވަނީ އޭނާއާއި ސުނީތާ ވަރިވާން ނިންމާފައިވާ ކަމަށްބުނެ މީޑިއާތަކުން ހަބަރު ފަތުރަން ފަށާފައިވަނިކޮށްނެވެ. މިކަމާ ގުޅޭ ގޮތުން ވާހަކަ ދައްކަމުން ގޯވިންދާގެ އާއިލާ މީހެއް ކަމަށްވާ އާރްތީ ސިންގު ބުނީ އެއީ ދޮގު ހަބަރުތަކެއް ކަމަށާއި، މީހުން އެފަދަ ވާހަކަތައް ފަތުރަނީ އެ ދެމެފިރިންގެ ދެމެދުގައިވާ ގުޅުން ވަރުގަދަ ކަމުން ކަމަށެވެ.

އާރްތީ އިތުރަށް ބުނީ މީހުން މިފަދަ ދޮގު މައުލޫމާތު ފަތުރާ ސަބަބެއް ނޭނގޭ ކަމަށާއި، އެހެން މީހުންގެ ދިރިއުޅުމާ ގުޅޭ ގޮތުން މިފަދަ ދޮގު މައުލޫމާތު ފެތުރުން ހުއްޓާލަން ޖެހޭ ކަމަށެވެ.

ގޯވިންދާއާއި ސުނީތާ ވަކިވާން އުޅޭ ކަމަށް ބުނެ މީޑިއާތަކުން ރިޕޯތު ކުރަން ފެށީ ބައެއް އިންޓަވިއުތަކުން ވައިރަލްވި ވީޑިއޯތަކެއްގެ ސަބަބުންނެވެ. އެގޮތުން އެ ދެ މީހުންގެ ވަކިވަކި އެޕާޓްމެންޓުތައް ތިބޭ ކަމަށް ބުނެފައިވާ ވީޑިއޯއަކާއި، ގޯވިންދާ ބޭވަފާތެރި ވެދާނެތީ ހިތް ނުތަނަވަސްވާ ކަމަށް ސުނީތާ ބުނާ ވީޑިއޯއެއްވެސް ވަނީ ވަރަށް ބޮޑަށް ވައިރަލް ވެފައެވެ.



ކިޔުންތެރިންގެ ހިޔާލު



ޓްރެންޑިން