މޭވާއާއި ތަރުކާރީ ރައްޔިތުންގެ އަތްފޯރާ ފަށަށް ގެނައުމަށް ޚާއްސަ މަސައްކަތްތަކެއް ކުރަން ނިންމަވާފައިވާ ކަމަށް ރައީސް ޑރ. މުޙައްމަދު މުޢިއްޒު ވިދާޅުވެއްޖެއެވެ.
ރައީސް މުޢިއްޒު މިހެން ވިދާޅުވީ “ރައްޔިތުންނާ އެކު” މި ނަމުގައި ރައީސުލްޖުމްހުރިއްޔާގެ އޮފީހުން މިއަދު ކުރިއަށްގެންދިޔަ ޕޮޑްކާސްޓްގައި ވާހަކަފުޅު ދައްކަވަމުންނެވެ. ރައީސް ޑރ. މުޙައްމަދު މުޢިއްޒު ވިދާޅުވީ، އިތުރު ސަބްސިޑީއެއް ދިނުމުގެ ބަދަލުގައި، މޭވާއާއި ތަރުކާރީއަށް މީހުން އިތުރަށް ކައިރިކޮށްދީ، އަގުހެޔޮކޮށްދީ، އަތްފޯރާފަށަށް އަގުތައް ތިރިކުރުމުގެ ކަންތައްތަކެއް ކުރުމަކީ ސަރުކާރުގެ ވިސްނުން ކަމަށެވެ. ރައީސް ވިދާޅުވީ، މި މަސައްކަތްތަކުގެ ސަބަބުން ރާއްޖޭގައި ފުޑް ސެކިއުރިޓީ ޤާއިމުކުރެވި، ރައްޔިތުންނަށް އަގުހެޔޮކޮށް މޭވާއާއި ތަރުކާރީ ލިބިގެންދާނެ ކަމަށް އުންމީދުކުރައްވާ ކަމަށެވެ.
މި މަޤްޞަދު ހާސިލުކުރުމަށްޓަކައި ސަރުކާރުން މައިގަނޑު ދެ ދާއިރާއަކުން މަސައްކަތްކުރާނެ ކަމަށް އެމަނިކުފާނު ވިދާޅުވިއެވެ. ރައީސް ވިދާޅުވީ ރާއްޖޭގައި ކާބޯތަކެތީގެ ރައްކާތެރިކަން ޤާއިމުކުރުމަށް ކުރެވޭ މަސައްކަތްތަކުގެ ތެރެއިން، ރާއްޖޭގައި އުފައްދާ މޭވާއާއި ތަރުކާރީގެ މިންވަރު އިތުރުކުރުމަކީ އަގު ހެޔޮވުމަށް މަގުފަހިވާނެ ކަމެއް ކަމަށެވެ. އަދި ހަމައެހެންމެ، އެސް.ޓީ.އޯ މެދުވެރިކޮށް ރާއްޖެއަށް އެތެރެކުރާ މޭވާއާއި ތަރުކާރީގެ އަގު ތިރިކޮށް، ރައްޔިތުންނަށް ފަސޭހައިން ލިބޭނެ ގޮތް ހެދުމަކީވެސް ކުރެވިދާނެ ކަމެއް ކަމަށް ރައީސް މުޢިއްޒު ވިދާޅުވިއެވެ.
"އަޅުގަނޑުމެންގެ މެއިން، އެންމެބޮޑު ކުންފުންޏަކަށް މި އޮންނަނީ، މިކަހަލަ ތަކެތި އެތެރެކޮށް ހަދާ، އެސް.ޓީ.އޯ. އެސް.ޓީ.އޯ. އިން ކުރިއަށް އޮތް ތަނުގައި އަޅުގަނޑުމެން ޚާއްޞަ ގޮތްތަކެއް ރާވައިގެން، އެންމެ ގިނައިން ރާއްޖޭގެ ރައްޔިތުން ބޭނުންކުރާ ތަރުކާރީއާއި މޭވާ، ތަންކޮޅެއް ލުއި އަގެއްގައި އެސް.ޓީ.އޯ. އިން އެތެރެކޮށް ރައްޔިތުންނަށް ލިބޭނެގޮތް ހެދުން މިއީވެސް ކުރެވިދާނެ ކަމެއް." ރައީސް މުޢިއްޒު ވިދާޅުވިއެވެ.
މީގެ އިތުރުން ރައީސް މުޢިއްޒު ވިދާޅުވީ ތަރުކާރީއާއި މޭވާގެ އަގު ތިރިކޮށް ވީހާވެސް ގިނަ ރައްޔިތުންނަށް ލިބޭގޮތް ހަދައިދީ، އެ ބޭނުންކުރުމަށް ފުރުޞަތު ހޯދައިދިނުމަކީ ވަރަށް މުހިންމު ކަމެއް ކަމަށެވެ. އެހެން ނަމަވެސް މޭވާ އާއި ތަރުކާރީ ރައްޔިތުންނަށް ނުގަނެވެނީ އަގުބޮޑުވެގެން ކަމަށް ރައީސް މުޢިއްޒު ވިދާޅުވިއެވެ.
"ތަރުކާރީއާއި މޭވާ ގިނަގިނައިން، ކޮންމެ ދުވަހަކުވެސް ހަމަ ފަސް ޕޯޝަން ދޮގެއްތޯ ބޭނުންކުރަން މި އޮންނަނީ. އަގުބޮޑުވީމާ ނުގަނެވެނީ ގިނަ މީހުންނަށް ޙަޤީޤަތުގައި. އެކަމަކު އަގުތިރިކުރުމަށް މި ދެންނެވި ކަހަލަ ފިޔަވަޅުތަކެއް އިރާދަކުރެއްވިއްޔާ އަޅުގަނޑުމެން އަޅަން ވިސްނާފައި އޮތީ." ރައީސް މުޢިއްޒު ވިދާޅުވިއެވެ.
މި މަޤްޞަދު ހާސިލުކުރުމަށްޓަކައި ސަރުކާރުން މައިގަނޑު ދެ ދާއިރާއަކުން މަސައްކަތްކުރާނެ ކަމަށް އެމަނިކުފާނު ވިދާޅުވިއެވެ. ރައީސް ވިދާޅުވީ ރާއްޖޭގައި ކާބޯތަކެތީގެ ރައްކާތެރިކަން ޤާއިމުކުރުމަށް ކުރެވޭ މަސައްކަތްތަކުގެ ތެރެއިން، ރާއްޖޭގައި އުފައްދާ މޭވާއާއި ތަރުކާރީގެ މިންވަރު އިތުރުކުރުމަކީ އަގު ހެޔޮވުމަށް މަގުފަހިވާނެ ކަމެއް ކަމަށެވެ. އަދި ހަމައެހެންމެ، އެސް.ޓީ.އޯ މެދުވެރިކޮށް ރާއްޖެއަށް އެތެރެކުރާ މޭވާއާއި ތަރުކާރީގެ އަގު ތިރިކޮށް، ރައްޔިތުންނަށް ފަސޭހައިން ލިބޭނެ ގޮތް ހެދުމަކީވެސް ކުރެވިދާނެ ކަމެއް ކަމަށް ރައީސް މުޢިއްޒު ވިދާޅުވިއެވެ.
"އަޅުގަނޑުމެންގެ މެއިން، އެންމެބޮޑު ކުންފުންޏަކަށް މި އޮންނަނީ، މިކަހަލަ ތަކެތި އެތެރެކޮށް ހަދާ، އެސް.ޓީ.އޯ. އެސް.ޓީ.އޯ. އިން ކުރިއަށް އޮތް ތަނުގައި އަޅުގަނޑުމެން ޚާއްޞަ ގޮތްތަކެއް ރާވައިގެން، އެންމެ ގިނައިން ރާއްޖޭގެ ރައްޔިތުން ބޭނުންކުރާ ތަރުކާރީއާއި މޭވާ، ތަންކޮޅެއް ލުއި އަގެއްގައި އެސް.ޓީ.އޯ. އިން އެތެރެކޮށް ރައްޔިތުންނަށް ލިބޭނެގޮތް ހެދުން މިއީވެސް ކުރެވިދާނެ ކަމެއް." ރައީސް މުޢިއްޒު ވިދާޅުވިއެވެ.
"ތަރުކާރީއާއި މޭވާ ގިނަގިނައިން، ކޮންމެ ދުވަހަކުވެސް ހަމަ ފަސް ޕޯޝަން ދޮގެއްތޯ ބޭނުންކުރަން މި އޮންނަނީ. އަގުބޮޑުވީމާ ނުގަނެވެނީ ގިނަ މީހުންނަށް ޙަޤީޤަތުގައި. އެކަމަކު އަގުތިރިކުރުމަށް މި ދެންނެވި ކަހަލަ ފިޔަވަޅުތަކެއް އިރާދަކުރެއްވިއްޔާ އަޅުގަނޑުމެން އަޅަން ވިސްނާފައި އޮތީ." ރައީސް މުޢިއްޒު ވިދާޅުވިއެވެ.
ކިޔުންތެރިންގެ ހިޔާލު