ފިތުރު ޒަކާތުގެ ގޮތުގައި ލިބުނު ފައިސާގެ ތެރެއިން ފަލަސްތީނުގެ ގާޒާގެ ކުޑަކުދިންނަށް ހަދިޔާ ކުރުމަށް ނިންމި 500،000 ރުފިޔާ އިސްރާ އެސޯސިއޭޝަނާ ޒަކާތު ހައުސް އިން ހަވާލުކޮށްފިއެވެ.

އިސްލާމިކް މިނިސްޓްރީން ބުނީ ފަލަސްތީނުގެ ގާޒާގެ ކުޑަކުދިންނަށް ހަދިޔާ ކުރުމަށް ނިންމި 500،000ރ. އިސްރާ އެސޯސިއޭޝަނާ ހަވާލުކޮށްފައިވަނީ މިދިޔަ އާދީއްތަ ދުވަހު ކަމަށެވެ.

މި އަހަރުގެ ފިތުރު ޒަކާތަށް 13.3 މިލިއަން ރުފިޔާ ވަނީ ލިބިފައެވެ. މިއީ އެންމެ ގިނައިން ފިތުރު ޒަކާތަށް ފައިސާ ލިބުނު އަހަރު ކަމުގައި އިސްލާމިކް މިނިސްޓްރީ އިން ވަނީ ބުނެފައެވެ. މިއަހަރުގެ ފިތުރު ޒަކާތުގެ ގޮތުގައި ލިބުނު ފައިސާ ފަޤީރުންގެ ދަފްތަރުގައި ރަޖިސްޓްރީވެފައި ތިބި ފަރާތްތަކަށް ބޮލަކަށް 4500ރ. މަގުން ވަނީ ދީފައެވެ.