އިނގިރޭސި ލީގުގެ އެންމެ މަޝްހޫރު އެއް ކްލަބް، ލިވަޕޫލާއެކު ރާއްޖޭން ހެދި އެއްބަސްވުމަކީ ޓޫރިޒަމާއި ރާއްޖޭގެ އިގްތިސޯދަށް ކުރެވުނު މުހިންމު އިންވެސްޓްމަންޓެއް ކަމަށް ރައީސް ޑރ. މުހައްމަދު މުއިއްޒު ވިދާޅުވެއްޖެ އެވެ.
ރައީސް މުޢިއްޒު މިވަގުތު ހުންނެވީ އިނގިރޭސިވިލާތުގެ ލިވަޕޫލް ފުޓްބޯލް ކްލަބާއި އެމް.އެމް.ޕީ.އާރު.ސީ، ވިޒިޓް މޯލްޑިވްސްއާ ގުޅިގެން، ދިވެހިރާއްޖޭގެ ފަތުރުވެރިކަން އިސްތިހާރު ކުރުމަށް ކުރިއަށްގެންދާ ކޯ-ބްރޭންޑް ކެމްޕޭން ހަރަކާތް ފެށުމުގައި ބައިވެރިވެވަޑައިގަތުމަށް، އިނގިރޭސިވިލާތުގެ ލިވަޕޫލް ސިޓީގައެވެ. ރައީސް ޑރ. މުއިއްޒު އެ މެޗު ޝަރަފުވެރިކޮށްދެއްވަނީ ލިވަޕޫލްގެ ވައިސް ޗެއާ އަދި ސީއީއޯ ބިލީ ހޯގަންގެ ދައުވަތަކަށެވެ.
"ރައްޔިތުންނާ އެކު" ސިލްސިލާ ޕޮޑްކާސްޓްގެ 2 ވަނަ އެޕިސޯޑްގައި ވާހަކަފުޅުދައްކަވަމުން ރައީސް ޑރ. މުޙައްމަދު މުޢިއްޒު ވިދާޅުވީ އެންފީލްޑްގައި އޮންނަ މި ހަފުލާގައި ލިވަޕޫލް އެފްސީގެ އޯނަރުންނާއި ގިނަ އަދަދެއްގެ މަޝްހޫރު ތަރިން ވެސް ބައިވެރިވާ ގޮތަށް ހަމަޖެެހިފައިވާ ކަމަށެވެ.
ރައީސް ވިދާޅުވީ މިއީ އިގްތިސޯދާއި ޓޫރިޒަމަށް ކުރެވޭނެ އިންވެސްޓްމަންޓެއް ކަމަށެވެ. އަދި އެކަން ކުރަން ބޭނުންވަނީ ރާއްޖެއަށް ބޮޑު އެކްސްޕޯޝާއެއް ލިބޭ ގޮތަކަށް ކަމަށް ރައީސް މުޢިއްޒު ވިދާޅުވިއެވެ.
"އިނގިރޭސިވިލާތަކީ ރާއްޖެއަށް ވަރަށްގިނަ ޓޫރިސްޓުން އަންނަ ޤައުމަކަށްވީމައާއި އެކީގައި، އަދި މުޅި ޔޫރަޕަށްވެސް، އަދި ދުނިޔެއަށްވެސް މީގެ އެކްސްޕޯޝަރ އެބަލިބޭ. އެހެންވީމާ، މި ޕްރޮމޯޝަން އިޝްތިހާރު ދެއްކުން ފަށާ މެޗަށް އަޅުގަނޑަށް ލިވަރޕޫލް ފުޓްބޯލް ކްލަބުން ދަޢުވަތު ދިނީ. ދެން އަޅުގަނޑު ބޭނުންވަނީ، ރާއްޖެއަށް މީގެ އެންމެ ބޮޑު އެކްސްޕޯޝަރއެއް ލިބޭނެގޮތަށް މިކަން ކޮށްދޭން. އެއީ، ރާއްޖޭގެ ޓޫރިޒަމާއި އަދި އިޤްތިޞާދަށް ކުރެވޭ މުހިންމު އިންވެސްޓްމަންޓެއް ޙަޤީޤަތުގައި މިއީ. މިކަން ކުރިއަށް ގެންދިޔުމަކީ މިއީ، މި ޕާޓްނަރޝިޕްގެ ތެރެއިން ރާއްޖެއަށް މިކަން ފަހިކޮށްދިނުން. އެހެންވީމާ، އަޅުގަނޑު ދާން އެ ދަޢުވަތު ގަބޫލުކުރީ." ރައީސް މުޢިއްޒު ވިދާޅުވިއެވެ.
މީގެ އިތުރުން ރައީސް މުޢިއްޒު ވިދާޅުވީ އެމަނިކުފާނުގެ މި ދަތުރުފުޅުގެ ތެރެއިން ބްރެޑްފަރޑަށްވެސް ވަޑައިގަންނަވާ ކަމަށެވެ. މިއީ ފުޓުބޯޅައިގެ މުހިންމު މަޝްރޫއެއް ހިންގާތަނެއް ކަމަށް ރައީސް މުޢިއްޒު ވިދާޅުވިއެވެ. ރައީސް ވިދާޅުވީ މި ދަތުރުފުޅުގެ ތެރެއިން އިނގިރޭސިވިލާތުގައި ތިބި ކިޔަވާ ކުދިންނާ ބައްދަލުކުރަށްވާނެ ކަމަށެވެ.
"ރައްޔިތުންނާ އެކު" ސިލްސިލާ ޕޮޑްކާސްޓްގެ 2 ވަނަ އެޕިސޯޑްގައި ވާހަކަފުޅުދައްކަވަމުން ރައީސް ޑރ. މުޙައްމަދު މުޢިއްޒު ވިދާޅުވީ އެންފީލްޑްގައި އޮންނަ މި ހަފުލާގައި ލިވަޕޫލް އެފްސީގެ އޯނަރުންނާއި ގިނަ އަދަދެއްގެ މަޝްހޫރު ތަރިން ވެސް ބައިވެރިވާ ގޮތަށް ހަމަޖެެހިފައިވާ ކަމަށެވެ.
ރައީސް ވިދާޅުވީ މިއީ އިގްތިސޯދާއި ޓޫރިޒަމަށް ކުރެވޭނެ އިންވެސްޓްމަންޓެއް ކަމަށެވެ. އަދި އެކަން ކުރަން ބޭނުންވަނީ ރާއްޖެއަށް ބޮޑު އެކްސްޕޯޝާއެއް ލިބޭ ގޮތަކަށް ކަމަށް ރައީސް މުޢިއްޒު ވިދާޅުވިއެވެ.
މީގެ އިތުރުން ރައީސް މުޢިއްޒު ވިދާޅުވީ އެމަނިކުފާނުގެ މި ދަތުރުފުޅުގެ ތެރެއިން ބްރެޑްފަރޑަށްވެސް ވަޑައިގަންނަވާ ކަމަށެވެ. މިއީ ފުޓުބޯޅައިގެ މުހިންމު މަޝްރޫއެއް ހިންގާތަނެއް ކަމަށް ރައީސް މުޢިއްޒު ވިދާޅުވިއެވެ. ރައީސް ވިދާޅުވީ މި ދަތުރުފުޅުގެ ތެރެއިން އިނގިރޭސިވިލާތުގައި ތިބި ކިޔަވާ ކުދިންނާ ބައްދަލުކުރަށްވާނެ ކަމަށެވެ.
ކިޔުންތެރިންގެ ހިޔާލު