ވެލާނާ އިންޓަނޭޝަނަލް އެއާޕޯޓުގައި ބިދޭސީންގެ މެދުގައި ބޮޑު މާރާމާރީއެއް ހިނގައި ގިނަ ބަޔަކަށް އަނިޔާވެެއްޖެއެވެ.
އެ މާރާމާރީގައި އަނިޔާވި މީހުންނަށް ފަރުވާ ދިނުމަށް ހުޅުމާލެ ހޮސްޕިޓަލާއި ޓްރީޓޮޕް ހޮސްޕިޓަލަށް ވަނީ ގެންގޮސްފައެވެ.
މިމާރާމާރީގައި ބައެއް މީހުންގެ ބޯފަޅައިގެން ގޮސް އަދި ބައެއް މީހުންގެ އަތް ބިންދައިގެން ދިޔުންފަދަ އަނިޔާތައް ލިބިފައިވާ ކަމަށް މައުލޫމާތު ލިބެއެވެ.
މިކަމާ ގުޅިގެން ފުލުހުންގެ ޚިދުމަތުން ބުނީ ވެލާނާ އިންޓަނޭޝަނަލް އެއާޕޯޓްގައި މަސައްކަތް ކުރަމުންދާ ބިދޭސީންތަކެއްގެ މެދުގައި ހިނގި މާރާމާރީއަކާ ގުޅިގެން ފުލުހުން ހަރަކާތްތެރިވަމުންދާ ކަމަށެވެ. މާރާމާރީގައި އަނިޔާވި ބަޔަކަށް ހުޅުމާލެ ހޮސްޕިޓަލުގައި އާއި ޓްރީޓޮޕްގައި ފަރުވާދެމުންދާ ކަމަށް ފުލުހުން ބުންޏެވެ.
ހުޅުމާލޭ ހޮސްޕިޓަލުން ބުނީ މާރާމާރީގައި އެކި ވަރުގެ އަނިޔާލިބިގެން ގާތްގަނޑަކަށް 10 ވަރަކަށް މީހުންނަށް ފަރުވާ ދެމުންދާ ކަމަށެވެ. އަދި އެއްވެސް މީހަކަށް ސީރިއަސް އަނިޔާ އެއް ލިބިފައިނުވާ ކަމަށް ހުޅުމާލޭ ހޮސްޕިޓަލުން މައުލޫމާތުދެއެވެ. މިމާރާމާރީގައި އަނިޔާވެގެން ފަރުވާ ދެމުން އަންނަނީ ޗައިނާ އާއި އަރަބި ބަޔަކަށް އެނގިފައިވެއެވެ.
މި މާރާމާރީގައި ހުޅުމާލެ ހޮސްޕިޓަލްގެ އިތުރުން ޓްރީ ޓޮޕްގައި ފަރުވާ ދެމުން އަންނަނީ ކިތައް މީހުންނަށް ކަމެއް އަދި ސާފުވާގޮތެއް ނުވެއެވެ. މި މާރާމާރީ ހިނގަން މެދުވެރިވި ސަބަބެއް ވެސް އަދި ނޭނގެއެވެ. ފުލުހުން ގެންދަނީ މިމައްސަލަ ތަހުޤީޤު ކުރަމުންނެވެެ.
މިމާރާމާރީގައި ބައެއް މީހުންގެ ބޯފަޅައިގެން ގޮސް އަދި ބައެއް މީހުންގެ އަތް ބިންދައިގެން ދިޔުންފަދަ އަނިޔާތައް ލިބިފައިވާ ކަމަށް މައުލޫމާތު ލިބެއެވެ.
މިކަމާ ގުޅިގެން ފުލުހުންގެ ޚިދުމަތުން ބުނީ ވެލާނާ އިންޓަނޭޝަނަލް އެއާޕޯޓްގައި މަސައްކަތް ކުރަމުންދާ ބިދޭސީންތަކެއްގެ މެދުގައި ހިނގި މާރާމާރީއަކާ ގުޅިގެން ފުލުހުން ހަރަކާތްތެރިވަމުންދާ ކަމަށެވެ. މާރާމާރީގައި އަނިޔާވި ބަޔަކަށް ހުޅުމާލެ ހޮސްޕިޓަލުގައި އާއި ޓްރީޓޮޕްގައި ފަރުވާދެމުންދާ ކަމަށް ފުލުހުން ބުންޏެވެ.
މި މާރާމާރީގައި ހުޅުމާލެ ހޮސްޕިޓަލްގެ އިތުރުން ޓްރީ ޓޮޕްގައި ފަރުވާ ދެމުން އަންނަނީ ކިތައް މީހުންނަށް ކަމެއް އަދި ސާފުވާގޮތެއް ނުވެއެވެ. މި މާރާމާރީ ހިނގަން މެދުވެރިވި ސަބަބެއް ވެސް އަދި ނޭނގެއެވެ. ފުލުހުން ގެންދަނީ މިމައްސަލަ ތަހުޤީޤު ކުރަމުންނެވެެ.
ކިޔުންތެރިންގެ ހިޔާލު