ސަލްމާން ޚާން އާއި ސަންޖޭ ދަތު- ގޫގުލް އިމޭޖެސް
ސަލްމާން ޚާން އާއި ސަންޖޭ ދަތު- ގޫގުލް އިމޭޖެސް
ބޮލީވުޑްގެ ސުޕަސްޓާރު ތަރިން ކަމަށްވާ ސަލްމާން ޚާން އާއި ސަންޖޭ ދަތު އެކުގައި މަސައްކަތް ކުރާ ޕްރޮޖެކްޓަށް ނަން ދީފައިވާކަން ހާމަކޮށްފިއެވެ.

ބޮލީވުޑް ހަންގާމާގެ ރިޕޯޓެއްގައި ބުނެފައިވަނީ މި ދެ ތަރިން އެކުގައި މަސައްކަތް ކުރަން އުޅެނީ ރަސްޓިކު އެކްޝަން ފިލްމެއްގައި ކަމަށެވެ. އަދި މި ފިލްމަށް ނަން ދެވިފައިވަނީ "ގަންގާ ރާމް" ގެ ނަމުން ކަމަަސް ރިޕޯޓުގައި ވެއެވެ.

ސަލްމާނު އާއި ސަންޖޭ އެކުގައި ފިލްމެއްގައި މަސައްކަތް ކުރަން އުޅޭ ކަން އިއުލާން ކުރީ މިދިޔަ ހަފްތާގައެވެ. ނަމަވެސް އޭރު ފިލްމާ ގުޅޭ އިތުރު މައުލޫމާތެއް ހިއްސާ ކޮށްފައެެއް ނުވެއެވެ.

މި ފިލްމު ޑައިރެކްޓު ކުރާނީ ކްރިޝް އާހިރުއެވެ. މިއީ އޭނާ ޑައިރެކްޝަނަށް ތައާރަފްވާ ފިލްމު ކަމަށް ރިޕޯޓުތަކުގައި ވެއެވެ.

މި ފިލްމުގައި ބޮލީވުޑްގެ މަޝްހޫރު ދެ ތަރިން ލީޑުން ފެނިގެންދާއިރު، މިއީ ވަރަށްވެސް ތަފާތު އަދި އެކްޝަން ސީކުއެންސުތަކުން ފުރިފައިވާ ފިލްމަކަށް ވާނެ ކަމަށް ރިޕޯޓުތަކުގައި ވެއެވެ. ފިލްމުގައި ދެ ތަރިންވެސް ފެނިގެންދާނީ "އަލްފާ" ރޯލުތަކުންނެވެ.

"ގަންގާ ރާމް" ގެ ޝޫޓުތައް ފެށުމަށް ހަމަޖެހިފައިވަނީ މިއަހަރު ޖުލައި މަހުގައެވެ. މި ފިލްމު ޕްރޮޑިއުސް ކުރާނީ ސަލްމާންގެ އެސްކޭއެފްއިންނެވެ. އެހެންނަމަވެސް، އެކުގައި ކޮލަބޮރޭޓު ކުރާނެ ސްޓޫޑިއޯއެއް ހޯދަމުންދާ ކަމަށް ރިޕޯޓުތަކުގައި ވެއެވެ.



ކިޔުންތެރިންގެ ހިޔާލު



ޓްރެންޑިން