މަރްޔަމް ނަހްދާ ވަޙީދު   5 އޭޕްރީލު 2025 - 7:41
ވަރަށް ގިނައިން ދާހިއްލާފައި ހުރި މީހެއް، ފޮޓޯ: އެވްރީޑޭހެލްތު
ވަރަށް ގިނައިން ދާހިއްލާފައި ހުރި މީހެއް، ފޮޓޯ: އެވްރީޑޭހެލްތު
ހަށިގަނޑުން މާ ގިނައިން ދާހިއްލާނަމަ އެކަމާ ގިނަ މީހުން އަމިއްލަ ނަފްސު ދެކެ ރުޅި އާދެއެވެ. ގިނަ މީހުން މިކަން ދެކެނީ ވަރަށް "ހަޑި" ކަމެއްގެ ގޮތުގައެވެ. ގިނައިން ދާހިއްލާ މީހުންނާ މެދު މުޖްތަމައުންވެސް ދެކޭނީ ވަރަށް ނުބައި ގޮތަކަށެވެ. ކަން މިގެން އޮތްނަމަވެސް، ދާހިއްލުމަކީ ހަށިގަނޑު ރަނގަޅަށް މަސައްކަތްކުރާކަމުގެ ހެއްކެކެވެ.

ދާހިއްލުމަކީ ހަށިގަނޑުގެ ފިނިހޫނުމިން ހަމަޖެއްސުމަށާއި، ހަށިގަނޑުން ވިހަ ތަކެތި ބޭރުކުރުމަށާއި، އަދި ޖަރާސީމާއި އެހެނިހެން މައިކްރޯބުތަކުން ނަފްސު ރައްކާތެރި ކުރުމަށްޓަކައި ހަށިގަނޑުން ކުރާ މުހިންމު މަސައްކަތެކެވެ. ތިރީގައި މި ހިމަނާލަނީ ގިނައިން ދާ ހިއްލުމުން ހަށިގަނޑަށް ލިބޭ ބައެއް ފައިދާތަކެވެ.

ހަށިގަނޑުގައި ހުންނަ ވިހަ މާއްދާތައް ބޭރުވުން

ދާ ހިއްލުމުން ލިބޭ އެންމެ ބޮޑު އެއް ފައިދާއަކީ ހަށިގަނޑުގައި ހުންނަ ވިހަ މާއްދާތައް ބޭރުވުމެވެ. ދަލަކީ ހަށިގަނޑުގައި ހުންނަ ފެނާއި، ވިހަ މާއްދާތަކާއި، ދަގަނޑުގެ ބާވަތްތަކާއި މިފަދަ ނުރައްކާތެރި އެތައް އެއްޗެއް އެކުލެވިގެން އުފެދޭ އެއްޗެކެވެ. އެހެންވެ، ގިނައިން ދާ ހިއްލާނަމަ ހަށިގަނޑުގައި ހުންނަ ވިހަ މާއްދާތައް ދަލުގެ ގޮތުގައިވެސް ބޭރުވެގެން ދެއެވެ. އެހެންވެ ދަލަކީ ގުދުރަތީ ގޮތުން ހަށިގަނޑު ސާފު ކޮށްދޭ އެއްޗެކެވެ.

ހޯމޯން ބެލެންސްވުން

ދާ ހިއްލުމަކީ ހޯމޯނުގެ މަސައްކަތްތައް ބެލެންސް ކުރުމުގައިވެސް އެހީވެދޭ ކަމެކެވެ. ހަަށިގަނޑުގެ ހޯމޯނުތައް އޭގެ އެންމެ ރަނގަޅު ގޮތުގައި މަސައްކަތް ކުރާނަމަ އޭގެ ސަބަބުން ހަށިގަނޑުގެ ފިނި ހޫނުމިން ރަނގަޅު ވަރެއްގައި ހިފަހައްޓައިދޭނެއެވެ. އެހެންވެ، ގިނައިން ދާ ހިއްލުމަކީ ހަށިގަނޑުގެ ހޯމޯނުތައް ރަނގަޅަށް މަސައްކަތް ކުރާ ކަމުގެ ހެއްކެކެވެ.

މިއީ ގުދުރަތީ ކަމެކެވެ. އަދި ގިނައިން ދާހިއްލުމަކީ ކުރިންވެސް ބުނި ފަދައިން ހަަށިގަނޑު ދުޅަހެޔޮ ކަމުގެ ނިޝާނެކެވެ. އެހެންނަމަވެސް ހައްދު ފަހަނައަޅައިދާ ވަރަށް ދާހިއްލުމަކީ ހަށިގަނޑުގައި ކޮންމެވެސް ކަހަލަ މައްސަލައެއް އުޅޭ ކަމުގެ ނިޝާނެކެވެ. ވީމާ ހަށިގަނޑަށް ސަމާލުކަން ދީ، އެއްވެސް ކަހަލަ އާދަޔާ ހިލާފު ކަމެއް ފާހަގަކުރެވޭނަމަ، ޑޮކްޓަރަކާ މަޝްވަރާކުރުމަކީ ވަރަށް މުހިންމު ކަމެކެވެ.



ކިޔުންތެރިންގެ ހިޔާލު



ޓްރެންޑިން