ގަވާއިދާ ހިލާފަށް އުޅޭ ބިދޭސީން ދެނެގަނެ އެފަދަ ފަރާތްތައް ގާނޫނީ އިމުގެ ތެރެއަށް ގެނައުމަށް ކުރަމުންދާ މަސައްކަތުގެ ތެރެއިން، އިތުރު ބިދޭސީންތަކެއް މޯލްޑިވްްސް އިމިގްރޭޝަންގެ ބެލުމުގެ ދަށަށް ގެންގޮސްފިއެވެ.

އިމިގްރޭޝަނުން ހާމަކޮށްފައިވާ ގޮތުގައި ރޭ ބިދޭސީންތަކެއް އަތުލައިގެންފައިވަނީ، ހުޅުމާލޭގެ އެކަމަޑޭޝަން ބްލޮކްތަކަކުންނެވެ.

އެގޮތުން، ހުޅުމާލޭގައި ބިދޭސީން ދިރިއުޅެމުންދާ ހަތަރު އެކަމަޑޭޝަން ބްލޮކެއް ބަލައި ފާސްކޮށް ގަވާއިދާއި ހިލާފަށް އުޅެމުންދިޔަ 8 މީހަކު އިމިގްރޭޝަންގެ ބެލުމުގެ ދަށަށް ގެންގޮސްފައިވާކަމަށް ވަނީ ބުނެފައެވެ.

ގަވާއިދާއި ހިލާފަށް އުޅޭ ބިދޭސީންގެ މައްސަލަ ހައްލުކުރުމަށް ސަރުކާރުން ފަށާފައިވާ މަސައްކަތުގެ ދަށުން މާލެ ސަރަހައްދުގެ އިތުރުން އަތޮޅުތަކުގައި ވެސް ދަނީ ބޮޑެތި އޮޕަރޭޝަންތައް ހިންގަމުންނެވެ.