ކައިވެންޏަކީ ދެމީހެއްގެ ދެމެދުގައި އުފެދޭ ވަރުގަދަ، އަދި މާތް ގުޅުމެކެވެ. އިސްލާމްދީނުގައި ކައިވެންޏަށް ބޮޑު އަހައްމިއްޔަތުކަމެއް ދީފައިވަނީ އެއީ އާއިލާއެއްގެ ބިންގާ ކަމަށްވާތީއެވެ. ނަމަވެސް، ހިތާމައަކީ މިއަދުގެ ދިވެހި މުޖުތަމައުގައި ކައިވެނި ރޫޅުމުގެ މައްސަލަ ނުވަތަ ވަރި ގިނަވަމުންދާ ކަމެވެ. ކައިވެނި ރޫޅެން މެދުވެރިވާ މައިގަނޑު ސަބަބުތަކަށް ބަލާއިރު، އިޖުތިމާޢީ، އިޤްތިޞާދީ އަދި ނަފްސާނީ ގިނަ ކަންތައްތަކެއް ފާހަގަކުރެވެއެވެ.
ކައިވެނި ރޫޅެން މެދުވެރިވާ އެންމެ ބޮޑު އެއް ސަބަބަކީ ދީނީ ހޭލުންތެރިކަން ކުޑަވުމާއި، އިސްލާމީ ރީތި އުސޫލުތަކާ ދުރުވުމެވެ. ކައިވެނީގެ މަތިވެރި މަގްސަދާއި، އަނބިފިރިން އެކަކު އަނެކަކަށް އަދާކުރަންޖެހޭ ހައްގުތަކާއި ވާޖިބުތައް ރަނގަޅަށް ނޭނގުމުގެ ނަތީޖާއަކީ ދެމީހުންގެ މެދުގައި އޮންނަންޖެހޭ އިޙްތިރާމާއި ލޯބި ކުޑަވުމެވެ. ކެތްތެރިކަމާއި އެކަކު އަނެކަކަށް މާފުކުރުމުގެ ސިފަ ނެތިދިއުމަކީ ކުދިކުދި މައްސަލަތައް ބޮޑުވެ، ކައިވެނި ރޫޅުމާ ހަމައަށްދާ ކަމެކެވެ.
ދެމަފިރިންގެ ދެމެދުގައި އޮންނަންޖެހޭ މުއާމަލާތު ކުރުމުގެ ގުޅުން ހީނަރުވުމަކީވެސް ކައިވެނި ރޫޅެން މެދުވެރިވާ މައިގަނޑު ސަބަބެކެވެ. ދިމާވާ މައްސަލަތަކާ ބެހޭގޮތުން ހާމަކަން ބޮޑު ގޮތެއްގައި މަޝްވަރާ ނުކުރެވުމާއި، އެކަކު އަނެކަކުގެ އިހްސާސްތައް ދެނެގަތުމަށް މަސައްކަތް ނުކުރުމުގެ ސަބަބުން ހިތްހަމަނުޖެހުންތައް އިތުރުވެއެވެ. ޒަމާނީ ވަސީލަތްތަކާއި ސޯޝަލް މީޑިއާގެ ބޭނުން ނުބައި ގޮތުގައި ހިފުމުގެ ސަބަބުން، ދެމަފިރިން އެކުގައި ހޭދަކުރާ ވަގުތު މަދުވެ، އެކަކު އަނެކަކަށް ދޭންޖެހޭ ސަމާލުކަން ނުދެވުމަކީ ގުޅުން ހީނަރުވާ ކަމެކެވެ.
މީގެ އިތުރުން އާއިލީ ނުފޫޒާއި ތިންވަނަ މީހެއްގެ ވަނުމަކީ ކައިވެނި ރޫޅުމުގެ ފަހަތުގައިވާ ނުރައްކާތެރި ސަބަބެކެވެ. ދެމަފިރިންގެ ދިރިއުޅުމުގެ ތެރެއަށް މައިންބަފައިން ނުވަތަ ގާތްތިމާގެ މީހުން މާބޮޑަށް އަތްބޭނުމަކީ ދެމަފިރިންގެ މެދުގައި އޮންނަންޖެހޭ މިނިވަންކަމާއި ސިއްރުވެރިކަން ގެއްލޭ ކަމެކެވެ. ހަމައެހެންމެ، އިތުބާރު ގެއްލުމާއި ބޭވަފާތެރިވުމަކީ ކައިވެނީގެ ބިންގާ ގުޑުވާލާ ކަމެކެވެ. އެކަކު އަނެކަކަށް އޮންނަ އިތުބާރު އެއްފަހަރު ގެއްލިއްޖެނަމަ، އެ ގުޅުން އަލުން އާލާކުރުމަކީ ވަރަށް އުނދަގޫ ކަމެކެވެ.
އިވެންޏަކީ ކެތްތެރިކަމާއި، ލޯތްބާއި، އިހްތިރާމާއި އަދި ދެފަރާތުގެ ދޫދިނުމާއެކު ދެމެހެއްޓޭނެ ގުޅުމެކެވެ. ކައިވެނި ރޫޅެން މެދުވެރިވާ ސަބަބުތައް ދެނެގަނެ، އެކަމާ މެދު ކޮންމެ މީހަކުވެސް ފުންކޮށް ވިސްނާލަން ޖެހެއެވެ. އާއިލާއަކީ މުޖުތަމައުގެ ބިންގާ ކަމަށްވާއިރު، އެ ބިންގާ ވަރުގަދަކުރުމަކީ މުޅި ގައުމުގެ ސަލާމަތަށްޓަކައި ކުރަންޖެހޭ މުހިންމު މަސައްކަތެކެވެ.
ދެމަފިރިންގެ ދެމެދުގައި އޮންނަންޖެހޭ މުއާމަލާތު ކުރުމުގެ ގުޅުން ހީނަރުވުމަކީވެސް ކައިވެނި ރޫޅެން މެދުވެރިވާ މައިގަނޑު ސަބަބެކެވެ. ދިމާވާ މައްސަލަތަކާ ބެހޭގޮތުން ހާމަކަން ބޮޑު ގޮތެއްގައި މަޝްވަރާ ނުކުރެވުމާއި، އެކަކު އަނެކަކުގެ އިހްސާސްތައް ދެނެގަތުމަށް މަސައްކަތް ނުކުރުމުގެ ސަބަބުން ހިތްހަމަނުޖެހުންތައް އިތުރުވެއެވެ. ޒަމާނީ ވަސީލަތްތަކާއި ސޯޝަލް މީޑިއާގެ ބޭނުން ނުބައި ގޮތުގައި ހިފުމުގެ ސަބަބުން، ދެމަފިރިން އެކުގައި ހޭދަކުރާ ވަގުތު މަދުވެ، އެކަކު އަނެކަކަށް ދޭންޖެހޭ ސަމާލުކަން ނުދެވުމަކީ ގުޅުން ހީނަރުވާ ކަމެކެވެ.
އިވެންޏަކީ ކެތްތެރިކަމާއި، ލޯތްބާއި، އިހްތިރާމާއި އަދި ދެފަރާތުގެ ދޫދިނުމާއެކު ދެމެހެއްޓޭނެ ގުޅުމެކެވެ. ކައިވެނި ރޫޅެން މެދުވެރިވާ ސަބަބުތައް ދެނެގަނެ، އެކަމާ މެދު ކޮންމެ މީހަކުވެސް ފުންކޮށް ވިސްނާލަން ޖެހެއެވެ. އާއިލާއަކީ މުޖުތަމައުގެ ބިންގާ ކަމަށްވާއިރު، އެ ބިންގާ ވަރުގަދަކުރުމަކީ މުޅި ގައުމުގެ ސަލާމަތަށްޓަކައި ކުރަންޖެހޭ މުހިންމު މަސައްކަތެކެވެ.
ކިޔުންތެރިންގެ ހިޔާލު