އީރާނުގެ ސަރުކާރު ހިއްސާވާ ޓީވީ ޗެނަލްތަކުގެ ސެޓެލައިޓް ސިގްނަލްތަކަށް ހެކަރުން ހުރަސްއަޅައި، އެގައުމުން އަރުވާލާފައިވާ ވަލީއަހުދު ރިޒާ ޕަހްލަވީއަށް ތާއީދުކުރާ ވީޑިއޯތަކެއް ދައްކައިފިއެވެ.
އާދީއްތަ ދުވަހުގެ ރޭ ހިންގި މި ހަރަކާތުގައި، އީރާނުގެ ސަލާމަތީ ބާރުތަކުން އާންމު ރައްޔިތުންނާ ދެކޮޅަށް ހަތިޔާރު ބޭނުންނުކުރުމަށް ގޮވާލާފައިވާ މަންޒަރުތައް ހިމެނެއެވެ. މިއީ މުޅި އީރާނުގައި ސަރުކާރާ ދެކޮޅަށް ކުރަމުންދާ މުޒާހަރާތަކާ ގުޅިގެން، ދައުލަތުގެ މީޑިއާއަށް އަމާޒުކޮށް ދެވުނު އެންމެ ފަހުގެ ހަމަލާއެވެ.
އީރާނުގެ ދައުލަތުގެ ބްރޯޑްކާސްޓަރު (އައި.އާރް.އައި.ބީ) އިން ދުރަށް ފޮނުވި މި ވީޑިއޯގައި ވަލީއަހުދު ރިޒާ ޕަހްލަވީގެ ދެ ކްލިޕެއްގެ އިތުރުން، ފުލުހުންގެ ޔުނީފޯމުގައި ތިބި ބައެއް ސަލާމަތީ ބާރުތަކުގެ މަންޒަރުތައް ދައްކާފައިވެއެވެ.
އަދި އެއްވެސް ހެއްކެއް ނެތި، ބައެއް ސިފައިން ހަތިޔާރު ބަހައްޓައި ރައްޔިތުންނަށް ވަފާތެރިވުމުގެ ހުވާކޮށްފައިވާ ކަމަށްވެސް އެ ވީޑިއޯގައި ބުނެފައިވެއެވެ. "މިއީ ސިފައިންނާއި ސަލާމަތީ ބާރުތަކަށްދޭ މެސެޖެއް: ރައްޔިތުންނާ ދެކޮޅަށް ހަތިޔާރު އުފުލުން ހުއްޓާލާ، އީރާނުގެ މިނިވަންކަމަށްޓަކައި ރައްޔިތުންނާ ގުޅިވަޑައިގަންނަވާ،" ވީޑިއޯގައި ފެންނަން އިން ގްރެފިކްސްއެއްގައި ލިޔެފައިވެއެވެ.
މި ހާދިސާއާ ގުޅިގެން އީރާނުގެ ފާރްސް ނިއުސް އެޖެންސީން ބުނެފައިވަނީ، ދައުލަތުގެ ބްރޯޑްކާސްޓަރުގެ ސިގްނަލަށް "ނޭނގޭ ފަރާތަކުން" ހުރަސްއެޅުމުގެ ސަބަބުން ގައުމުގެ ބައެއް ސަރަހައްދުތަކަށް ބްރޯޑްކާސްޓް ކުރުމުގައި މައްސަލަތަކެއް ދިމާވި ކަމަށެވެ. ނަމަވެސް، އެ ވަގުތު ޓީވީން ދެއްކީ ކޮން އެއްޗެއް ކަމެއް އެ އެޖެންސީން ހާމައެއް ނުކުރެއެވެ. ވަލީއަހުދު ޕަހްލަވީގެ އޮފީހުން ނެރުނު ބަޔާނެއްގައި، ޓީވީ މެދުވެރިކޮށް އޭނާގެ މެސެޖު ދެއްކިކަން ކަށަވަރުކޮށްދީފައިވެއެވެ.
ހެކްކޮށްގެން ދެއްކި މި ބްރޯޑްކާސްޓްގައި ޕަހްލަވީ ވިދާޅުވެފައިވަނީ، އީރާނުގެ ސިފައިންނަކީ "އިސްލާމީ ޖުމްހޫރިއްޔާގެ ސިފައިން ނޫން" ކަމަށާއި، އެއީ "އީރާނުގެ ގައުމީ ސިފައިން" ކަމަށެވެ. އަދި އަމިއްލަ ނަފްސު ރައްކާތެރިކުރުމުގެ ޒިންމާ އަދާކޮށް، ވަގުތު ފާއިތުވުމުގެ ކުރިން ވީހާވެސް އަވަހަކަށް ރައްޔިތުންނާ ގުޅުމަށް އޭނާ ސިފައިންނަށް ގޮވާލެއްވިއެވެ. މި ހާދިސާ ހިނގާފައިވަނީ އީރާނުގައި އިގްތިސާދީ ދަތިތަކާ ގުޅިގެން ފެށި މުޒާހަރާތައް ވަރުގަދަވެ، ގިނަ އަދަދެއްގެ ބަޔަކު މަރުވެފައިވާ ދަނޑިވަޅެއްގައެވެ.
އީރާނުގެ ދައުލަތުގެ ބްރޯޑްކާސްޓަރު (އައި.އާރް.އައި.ބީ) އިން ދުރަށް ފޮނުވި މި ވީޑިއޯގައި ވަލީއަހުދު ރިޒާ ޕަހްލަވީގެ ދެ ކްލިޕެއްގެ އިތުރުން، ފުލުހުންގެ ޔުނީފޯމުގައި ތިބި ބައެއް ސަލާމަތީ ބާރުތަކުގެ މަންޒަރުތައް ދައްކާފައިވެއެވެ.
އަދި އެއްވެސް ހެއްކެއް ނެތި، ބައެއް ސިފައިން ހަތިޔާރު ބަހައްޓައި ރައްޔިތުންނަށް ވަފާތެރިވުމުގެ ހުވާކޮށްފައިވާ ކަމަށްވެސް އެ ވީޑިއޯގައި ބުނެފައިވެއެވެ. "މިއީ ސިފައިންނާއި ސަލާމަތީ ބާރުތަކަށްދޭ މެސެޖެއް: ރައްޔިތުންނާ ދެކޮޅަށް ހަތިޔާރު އުފުލުން ހުއްޓާލާ، އީރާނުގެ މިނިވަންކަމަށްޓަކައި ރައްޔިތުންނާ ގުޅިވަޑައިގަންނަވާ،" ވީޑިއޯގައި ފެންނަން އިން ގްރެފިކްސްއެއްގައި ލިޔެފައިވެއެވެ.
ހެކްކޮށްގެން ދެއްކި މި ބްރޯޑްކާސްޓްގައި ޕަހްލަވީ ވިދާޅުވެފައިވަނީ، އީރާނުގެ ސިފައިންނަކީ "އިސްލާމީ ޖުމްހޫރިއްޔާގެ ސިފައިން ނޫން" ކަމަށާއި، އެއީ "އީރާނުގެ ގައުމީ ސިފައިން" ކަމަށެވެ. އަދި އަމިއްލަ ނަފްސު ރައްކާތެރިކުރުމުގެ ޒިންމާ އަދާކޮށް، ވަގުތު ފާއިތުވުމުގެ ކުރިން ވީހާވެސް އަވަހަކަށް ރައްޔިތުންނާ ގުޅުމަށް އޭނާ ސިފައިންނަށް ގޮވާލެއްވިއެވެ. މި ހާދިސާ ހިނގާފައިވަނީ އީރާނުގައި އިގްތިސާދީ ދަތިތަކާ ގުޅިގެން ފެށި މުޒާހަރާތައް ވަރުގަދަވެ، ގިނަ އަދަދެއްގެ ބަޔަކު މަރުވެފައިވާ ދަނޑިވަޅެއްގައެވެ.
ކިޔުންތެރިންގެ ހިޔާލު