ސަރުކާރުން އަލަށް އިއުލާނުކޮށްފައިވާ "އާއިލީ ބޯހިޔާވަހިކަން" ޕްރޮގްރާމަށް ޝަރުތު ކަނޑައަޅާފައިވާ ގޮތާ މެދު އާންމުންގެ މެދުގައި ހުރި ބައެއް ކަންބޮޑުވުންތަކަށް ހައުސިން މިނިސްޓަރު ޑރ. އަބްދުﷲ މުއްތަލިބު ތަފްސީލީ ޖަވާބުތަކެއް ދެއްވައިފި އެވެ.
މި ޕްރޮގްރާމްގެ ދަށުން، ކައިވެނިކޮށްގެން އުޅޭ މީހެއްގެ އަނބިމީހާ ނުވަތަ ފިރިމީހާގެ ނަމުގައި އެއްވެސް ބޯހިޔާވަހިކަމެއް އޮތް ނަމަ ޝަރުތު ހަމަނުވާތީ ގިނަ ބަޔަކު ދަނީ ޝަކުވާ ކުރަމުންނެވެ. ނަމަވެސް މިނިސްޓަރު ވިދާޅުވީ އެއްވެސް ގެއެއް ނުވަތަ ގޯއްޗެއް ނެތް މީހުންނަށް އިސްކަންދިނުމަކީ އެންމެ އިންސާފުވެރި ގޮތް ކަމަށެވެ.
މިނިސްޓަރު މުއްތަލިބު "ލިންކްޑިން" ގައި ކުރެއްވި ޕޯސްޓެއްގައި ވިދާޅުވީ، މި ޕްރޮގްރާމްގެ މައިގަނޑު މަގްސަދަކީ ހަރުމުދާ ގިނަކުރުމުގެ ފުރުސަތު ދިނުމުގެ ބަދަލުގައި، އާއިލާއެއް ބިނާކުރުމަށް ބޭނުންވާ އަސާސީ ބިންގާ އަޅައިދިނުން ކަމަށެވެ. ބޯހިޔާވަހިކަމަކީ އަބުރުވެރި ދިރިއުޅުމަކަށް ބޭނުންވާ އަސާސީ ބޭނުމެއްކަން ފާހަގަކުރައްވައި، މިނިސްޓަރު ވިދާޅުވީ އެންމެ ފުންމިނަށް ބޯހިޔާވަހިކަމުގެ މައްސަލަ ކުރިމަތިވެފައިވާ އާއިލާތަކަށް އިސްކަންދިނުމަކީ ކޮންމެހެން ކުރަންޖެހޭ ކަމެއް ކަމަށެވެ.
އެއްވެސް ތަނެއް ނެތް މީހުންނަށް އިސްކަންދޭން ޖެހޭ ސަބަބުތައް ހާމަކުރައްވަމުން މިނިސްޓަރު ވިދާޅުވީ، އެފަދަ އާއިލާތަކަށް އެހެން އެއްވެސް "ފޯލްބެކް އޮޕްޝަނެއް" ނުވަތަ ވަންނާނެ ބޯހިޔާވަހިކަމެއް ނޯންނަ ކަމަށެވެ. އަދި ދުރު މުސްތަގުބަލަށް ބަލާއިރު ވެސް އެއްވެސް ރައްކާތެރިކަމެއް ނެތުމާއި، ކުލި ބޮޑުވެގެން އުޅޭ ތަނުން ނުކުންނަން ޖެހިއްޖެ ހާލަތެއްގައި އެ މީހުންނަށް ކުރިމަތިވާނެ ނިކަމެތިކަން ބޮޑުވާނެ ކަމަށް މުއްތަލިބު ފާހަގަކުރެއްވި އެވެ.
ވަކިވަކި ފަރުދުންގެ ބަދަލުގައި އާއިލާތަކުގެ ހާލަތަށް ބަލަނީ ބޯހިޔާވަހިކަމުގެ ޑިމާންޑަކީ އާއިލާތަކުގެ ފަރާތުން އުފެދޭ އެއްޗަކަށް ވާތީ ކަމަށް ވެސް މިނިސްޓަރު ވިދާޅުވި އެވެ. އޭނާ ވިދާޅުވި ގޮތުގައި، ދައުލަތުގެ ބަޖެޓުން ހަރަދުކޮށްގެން ހަދާ ހައުސިން ޔުނިޓެއް، މިލްކިއްޔާތުގައި އެއްވެސް އެއްޗެއް ހުރި މީހަކަށް ދިނުމަކީ، އެއްވެސް ގޮތެއް ނެތް މީހުންނަށް ކުރެވޭ ބޭއިންސާފެކެވެ. އެހެންކަމުން، ގޭބިސީތަކުގެ ހާލަތަށް ބަލައިގެން ކުރިއަށްގެންދާ މި އުސޫލަކީ ހަމަހަމަކަން ގާއިމްކުރުމަށް އެޅި ފިޔަވަޅެއް ކަމަށް އޭނާ ވިދާޅުވި އެވެ.
މީގެ އިތުރުން، މިނިސްޓަރު ވިދާޅުވީ ބޯހިޔާވަހިކަން ލިބޭ މީހުންގެ އަދަދު އިތުރުވަމުންދާ ވަރަކަށް މި އުސޫލުތަކަށް ބަދަލު އައުމަކީ އެކަށީގެންވާ ކަމެއް ކަމަށެވެ. އަދި ކުރިން ސޯޝަލް ހައުސިން ލިބިފައިވާ މީހުންގެ ތެރެއިން މިހާރު ތަން ދަތިވެގެން އުޅޭ މީހުންނަށް، ކުރިން ލިބުނު ތަން ދޫކޮށްލުމަށް ފަހު އާ ޕްރޮގްރާމަށް ކުރިމަތިލެވޭނެ އިންތިޒާމުތަކެއް ވެސް އުސޫލުގެ ތެރެއިން ވަނީ ހަމަޖައްސާފަ އެވެ.
މިނިސްޓަރު މުއްތަލިބު "ލިންކްޑިން" ގައި ކުރެއްވި ޕޯސްޓެއްގައި ވިދާޅުވީ، މި ޕްރޮގްރާމްގެ މައިގަނޑު މަގްސަދަކީ ހަރުމުދާ ގިނަކުރުމުގެ ފުރުސަތު ދިނުމުގެ ބަދަލުގައި، އާއިލާއެއް ބިނާކުރުމަށް ބޭނުންވާ އަސާސީ ބިންގާ އަޅައިދިނުން ކަމަށެވެ. ބޯހިޔާވަހިކަމަކީ އަބުރުވެރި ދިރިއުޅުމަކަށް ބޭނުންވާ އަސާސީ ބޭނުމެއްކަން ފާހަގަކުރައްވައި، މިނިސްޓަރު ވިދާޅުވީ އެންމެ ފުންމިނަށް ބޯހިޔާވަހިކަމުގެ މައްސަލަ ކުރިމަތިވެފައިވާ އާއިލާތަކަށް އިސްކަންދިނުމަކީ ކޮންމެހެން ކުރަންޖެހޭ ކަމެއް ކަމަށެވެ.
އެއްވެސް ތަނެއް ނެތް މީހުންނަށް އިސްކަންދޭން ޖެހޭ ސަބަބުތައް ހާމަކުރައްވަމުން މިނިސްޓަރު ވިދާޅުވީ، އެފަދަ އާއިލާތަކަށް އެހެން އެއްވެސް "ފޯލްބެކް އޮޕްޝަނެއް" ނުވަތަ ވަންނާނެ ބޯހިޔާވަހިކަމެއް ނޯންނަ ކަމަށެވެ. އަދި ދުރު މުސްތަގުބަލަށް ބަލާއިރު ވެސް އެއްވެސް ރައްކާތެރިކަމެއް ނެތުމާއި، ކުލި ބޮޑުވެގެން އުޅޭ ތަނުން ނުކުންނަން ޖެހިއްޖެ ހާލަތެއްގައި އެ މީހުންނަށް ކުރިމަތިވާނެ ނިކަމެތިކަން ބޮޑުވާނެ ކަމަށް މުއްތަލިބު ފާހަގަކުރެއްވި އެވެ.
މީގެ އިތުރުން، މިނިސްޓަރު ވިދާޅުވީ ބޯހިޔާވަހިކަން ލިބޭ މީހުންގެ އަދަދު އިތުރުވަމުންދާ ވަރަކަށް މި އުސޫލުތަކަށް ބަދަލު އައުމަކީ އެކަށީގެންވާ ކަމެއް ކަމަށެވެ. އަދި ކުރިން ސޯޝަލް ހައުސިން ލިބިފައިވާ މީހުންގެ ތެރެއިން މިހާރު ތަން ދަތިވެގެން އުޅޭ މީހުންނަށް، ކުރިން ލިބުނު ތަން ދޫކޮށްލުމަށް ފަހު އާ ޕްރޮގްރާމަށް ކުރިމަތިލެވޭނެ އިންތިޒާމުތަކެއް ވެސް އުސޫލުގެ ތެރެއިން ވަނީ ހަމަޖައްސާފަ އެވެ.
ކިޔުންތެރިންގެ ހިޔާލު