ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު، "ޕްރޮޖެކްޓް އައިލާ" ގެ ބިންގާ އަޅުއްވައިދެއްވައި، ރާއްޖޭގައި ތަރައްޤީކުރާ ފުރަތަމަ ދެމެހެއްޓެނިވި ޓައުންޝިޕްގެ މަސައްކަތް ރަސްމީކޮށް ފަށްޓަވައި ދެއްވައިފިއެވެ.
ރައީސް އޮފީހުން ބުނީ، މިއީ ނޫނު އަތޮޅުގެ ދިގުފަރު، ދެކެނަންފަރު އަދި ކުރަމާދޫ ފަޅު ހިމެނޭ ސަރަޙައްދުގައި ހިންގާ 790 މިލިއަން އެމެރިކާ ޑޮލަރުގެ މަޝްރޫޢެއް ކަމަށެވެ. އަދި މި ބިޔަ މަޝްރޫޢަކީ، ކްރިސްޓަލް ހޯލްޑިންގްސް ޕްރައިވެޓް ލިމިޓެޑާއި ބޯޑް އޮފް އިންވެސްޓްމަންޓާ ދެމެދު ވެވުނު އިންވެސްޓްމަންޓް އެއްބަސްވުމެއްގެ ދަށުން، 31 ޑިސެމްބަރު 2025 ގައި ރައީސުލްޖުމްހޫރިއްޔާގެ ޤަރާރަކުން "ޚާއްޞަ އިޤްތިޞާދީ ސަރަޙައްދު" (އެސް.އީ.ޒެޑް) އެއްގެ ގޮތުގައި ކަނޑައަޅުއްވާފައިވާ މަޝްރޫޢެއް ކަމަށް ރައީސް އޮފީހުން ބުނެފައިވެއެވެ.
ރައީސް އޮފީހުން ބުނީ، މި ރަސްމިއްޔާތުގައި ވާހަކަދައްކަވަމުން ޕްރޮޖެކްޓް އައިލާގެ ސީ.އީ.އޯ ޕީޓަރ ކްރިސްޓިކް ވަނީ، ރައީސް ޑރ. މުޢިއްޒުގެ ދުރުވިސްނުންފުޅާއި ހަރުދަނާ ލީޑަރޝިޕަށް ތަޢުރީފު ކުރައްވާފައި ކަމަށެވެ. އޭނާ ފާހަގަ ކުރެއްވީ، މި ދެމެހެއްޓެނިވި ޓައުންޝިޕްގެ ކޮންސެޕްޓަކީ ރާއްޖޭގެ ތަރައްޤީގެ މޮޑެލްއަށް ގެނެވުނު ފުރިހަމަ ބަދަލެއް ކަމަށެވެ. އަދި މި މަޝްރޫޢަށް އިންވެސްޓަރުންގެ އިތުބާރު ބޮޑުވެގެންދިޔައީ ސަރުކާރުގެ ހާމަކަން ބޮޑު ހުއްދަ ދިނުމުގެ ނިޒާމާއި، ވިޔަފާރިތަކަށް ފަހި އިންވެސްޓްމަންޓް މާޙައުލެއް އޮތުމުގެ ސަބަބުން ކަމަށްވެސް އޭނާ ވިދާޅުވިއެވެ.
މި ރަސްމިއްޔާތުގައި އިޤްތިޞާދީ ތަރައްޤީއާއި ވިޔަފާރިއާ ބެހޭ ވަޒީރު މުޙައްމަދު ސަޢީދު ދެއްކެވި ވާހަކަފުޅުގައި، އިޤްތިޞާދު ސިންދަފާތުކުރުމަށްޓަކައި އެސް.އީ.ޒެޑް އޮނިގަނޑުގެ ދަށުން މިފަދަ ބޮޑެތި މަޝްރޫޢުތައް ހިންގުމުގެ މުހިންމުކަން ފާހަގަކުރެއްވިއެވެ. އަދި "އައިލާ" ފަދަ މަޝްރޫޢުތަކުގެ ސަބަބުން، ދިވެހިރާއްޖެއަކީ ހަމައެކަނި ޗުއްޓީ ހޭދަކޮށްލަން އަންނަ މަންޒިލެއްގެ ބަދަލުގައި، ދިރިއުޅުމާއި އިންވެސްޓްކުރުމަށް އަދި ދިގު މުއްދަތުގެ ނަފާ ލިބޭނެ ތަނަކަށް ވެގެންދާނެ ކަމަށް ވަޒީރު ވިދާޅުވިއެވެ.
2028 ވަނަ އަހަރަށް ނިންމުމަށް ތާވަލުކޮށްފައިވާ މި މަޝްރޫޢުގައި، މަތީ ފަންތީގެ ދިރިއުޅޭ ތަންތަނާއި، މެރީނާއަކާއެކު ތަރައްޤީކުރާ ފެންވަރުމަތީ ރިޒޯޓެއްގެ އިތުރުން، ބައިނަލްއަޤްވާމީ ފެންވަރުގެ ޞިއްޙީ ޚިދުމަތްދޭ މަރުކަޒަކާއި، ދުނިޔޭގެ ފެންވަރުގެ ހޮސްޕިޓާލިޓީ އެންޑް ލީޑަރޝިޕް ސްކޫލެއް ހިމެނެއެވެ. މީގެއިތުރުން، މިއީ މަދުވެގެން 60 އިންސައްތަ އިއާދަކުރަނިވި ހަކަތައިން ހިންގާ، ދެމެހެއްޓެނިވި ގޮތެއްގައި ދަނޑުވެރިކަމާއި މަސްވެރިކަން ކުރެވޭނެ ނިޒާމުތައް ހިމެނޭ ތަނެކެވެ.
މި މަޝްރޫޢުގެ ބިންގާ ރައީސުލްޖުމްހޫރިއްޔާ އަޅުއްވައިދެއްވިއިރު، އެމަނިކުފާނުގެ އަރިހުގައި އިޤްތިޞާދީ ތަރައްޤީއާއި ވިޔަފާރިއާ ބެހޭ ވަޒީރާއި، އިމާރާތްކުރުމާއި ބިނާރާ ބެހޭ ވަޒީރުގެ އިތުރުން ޕްރޮޖެކްޓް އައިލާ، ކްރިސްޓަލް ހޯލްޑިންގްސް އަދި ބްލޫ ރޮކްގެ އިސްވެރިން ބައިވެރިވެވަޑައިގެންފައިވެއެވެ.
ރައީސް އޮފީހުން ބުނީ، މި ރަސްމިއްޔާތުގައި ވާހަކަދައްކަވަމުން ޕްރޮޖެކްޓް އައިލާގެ ސީ.އީ.އޯ ޕީޓަރ ކްރިސްޓިކް ވަނީ، ރައީސް ޑރ. މުޢިއްޒުގެ ދުރުވިސްނުންފުޅާއި ހަރުދަނާ ލީޑަރޝިޕަށް ތަޢުރީފު ކުރައްވާފައި ކަމަށެވެ. އޭނާ ފާހަގަ ކުރެއްވީ، މި ދެމެހެއްޓެނިވި ޓައުންޝިޕްގެ ކޮންސެޕްޓަކީ ރާއްޖޭގެ ތަރައްޤީގެ މޮޑެލްއަށް ގެނެވުނު ފުރިހަމަ ބަދަލެއް ކަމަށެވެ. އަދި މި މަޝްރޫޢަށް އިންވެސްޓަރުންގެ އިތުބާރު ބޮޑުވެގެންދިޔައީ ސަރުކާރުގެ ހާމަކަން ބޮޑު ހުއްދަ ދިނުމުގެ ނިޒާމާއި، ވިޔަފާރިތަކަށް ފަހި އިންވެސްޓްމަންޓް މާޙައުލެއް އޮތުމުގެ ސަބަބުން ކަމަށްވެސް އޭނާ ވިދާޅުވިއެވެ.
މި ރަސްމިއްޔާތުގައި އިޤްތިޞާދީ ތަރައްޤީއާއި ވިޔަފާރިއާ ބެހޭ ވަޒީރު މުޙައްމަދު ސަޢީދު ދެއްކެވި ވާހަކަފުޅުގައި، އިޤްތިޞާދު ސިންދަފާތުކުރުމަށްޓަކައި އެސް.އީ.ޒެޑް އޮނިގަނޑުގެ ދަށުން މިފަދަ ބޮޑެތި މަޝްރޫޢުތައް ހިންގުމުގެ މުހިންމުކަން ފާހަގަކުރެއްވިއެވެ. އަދި "އައިލާ" ފަދަ މަޝްރޫޢުތަކުގެ ސަބަބުން، ދިވެހިރާއްޖެއަކީ ހަމައެކަނި ޗުއްޓީ ހޭދަކޮށްލަން އަންނަ މަންޒިލެއްގެ ބަދަލުގައި، ދިރިއުޅުމާއި އިންވެސްޓްކުރުމަށް އަދި ދިގު މުއްދަތުގެ ނަފާ ލިބޭނެ ތަނަކަށް ވެގެންދާނެ ކަމަށް ވަޒީރު ވިދާޅުވިއެވެ.
މި މަޝްރޫޢުގެ ބިންގާ ރައީސުލްޖުމްހޫރިއްޔާ އަޅުއްވައިދެއްވިއިރު، އެމަނިކުފާނުގެ އަރިހުގައި އިޤްތިޞާދީ ތަރައްޤީއާއި ވިޔަފާރިއާ ބެހޭ ވަޒީރާއި، އިމާރާތްކުރުމާއި ބިނާރާ ބެހޭ ވަޒީރުގެ އިތުރުން ޕްރޮޖެކްޓް އައިލާ، ކްރިސްޓަލް ހޯލްޑިންގްސް އަދި ބްލޫ ރޮކްގެ އިސްވެރިން ބައިވެރިވެވަޑައިގެންފައިވެއެވެ.
ކިޔުންތެރިންގެ ހިޔާލު