2026 ވަނަ އަހަރު ބޭއްވުމަށް ހަމަޖެހިފައިވާ ލޯކަލް ކައުންސިލްތަކުގެ އިންތިޚާބުގައި ވާދަކުރުމަށް ފޯމު ހުށަހެޅި ފަރާތްތަކުގެ ތެރެއިން، މިހާތަނަށް 1556 ފަރާތެއްގެ ކެންޑިޑެސީ ބަލައިގެންފައިވާ ކަމަށް އިލެކްޝަންސް ކޮމިޝަން (އީސީ) އިން ހާމަކޮށްފިއެވެ.
ލޯކަލް ކައުންސިލްތަކުގެ އިންތިޚާބުގެ ޤާނޫނާއި، ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނުގެ ދަށުން ރަށު ކައުންސިލްތަކާއި ސިޓީ ކައުންސިލްތަކުގެ މަޤާމުތަކަށް ކުރިމަތިލުމުގެ ފުރުޞަތު އީސީން ހުޅުވާލީ މި މަހުގެ 17 ވަނަ ދުވަހުއެވެ. މި އިންތިޚާބަށް ކުރިމަތިލުމުގެ ސުންގަޑިއަކީ މާދަމާ މެންދުރުފަހު 15:30 އެވެ.
އީސީން މިއަދު އާންމުކުރި ތަފާސްހިސާބުތަކަށް ބަލާއިރު، ރޭގެ ނިޔަލަށް ލޯކަލް ކައުންސިލްތަކަށް ކުރިމަތިލުމަށް 1865 ފަރާތަކުން ފޯމު ހުށަހަޅާފައިވެއެވެ. އޭގެ ތެރޭގައި ހިމެނެނީ ސިޔާސީ ޕާޓީތަކުގެ ފަރާތުން ކުރިމަތިލީ 1366 ފަރާތަކާއި، އަމިއްލަ ގޮތުން ކުރިމަތިލީ 496 ފަރާތެކެވެ.
ސިޔާސީ ޕާޓީތަކުން ހުށަހެޅި ފަރާތްތަކުގެ ތެރެއިން 1197 ފަރާތެއްގެ ކެންޑިޑެސީ ބަލައިގެންފައިވާއިރު، 169 ފަރާތެއްގެ ފޯމު އެކި ސަބަބުތަކާ ހުރެ ބަލައިގެންފައެއް ނުވެއެވެ. ނަމަވެސް، މީގެ ތެރެއިން 163 ފަރާތަކުން ވަނީ އިސްލާހުތަކާއެކު އަލުން ފޯމު ހުށަހަޅާފައެވެ. އަމިއްލަ ގޮތުން ކުރިމަތިލީ ފަރާތްތަކުގެ ތެރެއިން 140 ފަރާތެއްގެ ކެންޑިޑެސީ ބަލައިނުގަތް ނަމަވެސް، އޭގެ ތެރެއިން 123 ފަރާތަކުން ވަނީ އަލުން ފޯމު ހުށަހަޅާފައެވެ.
އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބަށް ބަލާއިރު، ރޭގެ ނިޔަލަށް 1948 ފަރާތަކުން ވަނީ ފޯމު ހުށަހަޅާފައެވެ. މީގެ ތެރޭގައި ސިޔާސީ ޕާޓީތަކުން 1216 ފަރާތެއް އަދި އަމިއްލަ ގޮތުން 332 ފަރާތެއް ހިމެނެއެވެ. ޕާޓީތަކުން ހުށަހެޅި ފަރާތްތަކުގެ ތެރެއިން 1091 ފަރާތެއްގެ ކެންޑިޑެސީ ބަލައިގެންފައިވާއިރު، 125 ފަރާތެއްގެ ފޯމު ބަލައިގަނެފައެއް ނުވެއެވެ.
މީގެ ތެރެއިން 118 ފަރާތަކުން ވަނީ އަލުން ފޯމު ހުށަހަޅާފައެވެ. އަދި އަމިއްލަ ގޮތުން ކުރިމަތިލީ ފަރާތްތަކުގެ ތެރެއިން ބަލައިނުގަތް 91 ފަރާތުގެ ތެރެއިން 74 ފަރާތަކުން ވަނީ އަލުން ފޯމު ހުށަހަޅާފައެވެ.
އިލެކްޝަންސް ކޮމިޝަނުން ބުނީ، ކެންޑިޑެސީ ބަލައިނުގަތް މައިގަނޑު ސަބަބުތަކުގެ ތެރޭގައި ކުށާއި ދަރަނީގެ ރެކޯޑް ފޯމުތައް ފުރިހަމައަށް ހުށަހަޅާފައި ނުވުމާއި، ކުށެއް ނުވަތަ ދަރަންޏެއް އޮތް ނަމަ އެކަމުގެ ތަފްސީލު ހުށަހަޅާފައި ނުވުން ހިމެނޭ ކަމަށެވެ. މީގެ އިތުރުން މޯލްޑިވްސް ކަރެކްޝަނަލް ސާވިސްއިން ފުރިހަމަ ކުރަންޖެހޭ ކުށުގެ ރެކޯޑް ހުށަހަޅާފައި ނުވުމަކީވެސް ފޯމުތައް ބަލައިނުގަތް ސަބަބެއް ކަމަށް އީސީން ބުނެއެވެ.
2026 ވަނަ އަހަރު ބޭއްވުމަށް ހަމަޖެހިފައިވާ ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު އޮންނާނީ އެޕްރީލް މަހުގެ 4 ވަނަ ދުވަހުއެވެ.
އީސީން މިއަދު އާންމުކުރި ތަފާސްހިސާބުތަކަށް ބަލާއިރު، ރޭގެ ނިޔަލަށް ލޯކަލް ކައުންސިލްތަކަށް ކުރިމަތިލުމަށް 1865 ފަރާތަކުން ފޯމު ހުށަހަޅާފައިވެއެވެ. އޭގެ ތެރޭގައި ހިމެނެނީ ސިޔާސީ ޕާޓީތަކުގެ ފަރާތުން ކުރިމަތިލީ 1366 ފަރާތަކާއި، އަމިއްލަ ގޮތުން ކުރިމަތިލީ 496 ފަރާތެކެވެ.
ސިޔާސީ ޕާޓީތަކުން ހުށަހެޅި ފަރާތްތަކުގެ ތެރެއިން 1197 ފަރާތެއްގެ ކެންޑިޑެސީ ބަލައިގެންފައިވާއިރު، 169 ފަރާތެއްގެ ފޯމު އެކި ސަބަބުތަކާ ހުރެ ބަލައިގެންފައެއް ނުވެއެވެ. ނަމަވެސް، މީގެ ތެރެއިން 163 ފަރާތަކުން ވަނީ އިސްލާހުތަކާއެކު އަލުން ފޯމު ހުށަހަޅާފައެވެ. އަމިއްލަ ގޮތުން ކުރިމަތިލީ ފަރާތްތަކުގެ ތެރެއިން 140 ފަރާތެއްގެ ކެންޑިޑެސީ ބަލައިނުގަތް ނަމަވެސް، އޭގެ ތެރެއިން 123 ފަރާތަކުން ވަނީ އަލުން ފޯމު ހުށަހަޅާފައެވެ.
— Elections Commission (@ElectionsMv) January 31, 2026
އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބަށް ބަލާއިރު، ރޭގެ ނިޔަލަށް 1948 ފަރާތަކުން ވަނީ ފޯމު ހުށަހަޅާފައެވެ. މީގެ ތެރޭގައި ސިޔާސީ ޕާޓީތަކުން 1216 ފަރާތެއް އަދި އަމިއްލަ ގޮތުން 332 ފަރާތެއް ހިމެނެއެވެ. ޕާޓީތަކުން ހުށަހެޅި ފަރާތްތަކުގެ ތެރެއިން 1091 ފަރާތެއްގެ ކެންޑިޑެސީ ބަލައިގެންފައިވާއިރު، 125 ފަރާތެއްގެ ފޯމު ބަލައިގަނެފައެއް ނުވެއެވެ.
މީގެ ތެރެއިން 118 ފަރާތަކުން ވަނީ އަލުން ފޯމު ހުށަހަޅާފައެވެ. އަދި އަމިއްލަ ގޮތުން ކުރިމަތިލީ ފަރާތްތަކުގެ ތެރެއިން ބަލައިނުގަތް 91 ފަރާތުގެ ތެރެއިން 74 ފަރާތަކުން ވަނީ އަލުން ފޯމު ހުށަހަޅާފައެވެ.
2026 ވަނަ އަހަރު ބޭއްވުމަށް ހަމަޖެހިފައިވާ ލޯކަލް ކައުންސިލްތަކުގެ އިންތިޚާބާއި އަންހެނުންގެ ތަރައްޤީއަށް މަސައްކަތްކުރާ ކޮމިޓީގެ އިންތިޚާބު އޮންނާނީ އެޕްރީލް މަހުގެ 4 ވަނަ ދުވަހުއެވެ.
ކިޔުންތެރިންގެ ހިޔާލު