ބަންގްލަދޭޝްގައި މިމަހު ބޭއްވި އާންމު އިންތިޚާބުގައި ބޮޑު އަޣުލަބިއްޔަތެއް ހޯއްދަވައި، 35 އަހަރު ވީ ވެރިަކން ހުއްޓުމަކަށް ގެނެސް، ތާރީހުން ޖާގަ ހޯއްދަވައި ގައުމުގެ ބޮޑުވަޒީރުކަމާ ހަވާލުވެވަޑައިގަންނަވާ ފުރަތަމަ ފިރިހެން ބޭފުޅަކަށް ބަންގްލަދޭޝް ނޭޝަނަލިސްޓް ޕާޓީ (ބީ.އެން.ޕީ) ގެ ތާރިގު ރަހުމާން ވުމުގެ މަގު މިވަނީ ތަނަވަސްވެފައެވެ.

ބީ.އެން.ޕީ އިން މަޖިލީހުގެ ތިންބައިކުޅަ ދެބައި ގޮނޑި ކާމިޔާބުކޮށްފައިވާއިރު، މިއީ ގިނަ އަހަރުތަކެއް ވަންދެން އަންހެން ބޭފުޅުން ގައުމުގެ އިސް ލީޑަޝިޕް ބަލަހައްޓަމުން ދިޔަ ދިއުމަށް އައި ބޮޑު ބަދަލެއްގެ ގޮތުގައި ފާހަގަކުރެވެއެވެ.

މި އިންތިޚާބުގައި ލިބުނު ތިންބައިކުޅަ ދެބައިގެ ބޮޑު އަޣުލަބިއްޔަތުގެ ސަބަބުން، އުފެދިގެންދާ އާ ސަރުކާރަށް ގާނޫނުތަކަށް ބަދަލު ގެނައުމާއި، ގައުމުގެ ގާނޫނުއަސާސީއަށް އިސްލާހު ގެނައުމުގެ ފުރިހަމަ ބާރާއި އިޚްތިޔާރު ލިބިގެންދާނެއެވެ. މިއީ ބަންގްލަދޭޝްގެ ސިޔާސީ ކުރިމަގު ބައްޓަންކުރުމުގައި ލިބިގެންދާނެ ވަރުގަދަ ބާރެއް ކަމަށް މަސްރަހު ދިރާސާކުރާ ފަރާތްތަކުން ބުނެއެވެ.

އިންތިޚާބުގެ ރަސްމީ ނަތީޖާތަކާއި ތަފްސީލީ މައުލޫމާތުތައް ކަމާބެހޭ އިދާރާތަކުން އަދި މުޅިން ކަށަވަރުކޮށްދީފައި ނުވި ނަމަވެސް، މިހާތަނަށް ލިބިފައިވާ މައުލޫމާތުތަކުން ތާރިގު ރަހުމާންގެ ކާމިޔާބީ ވަނީ ވަރަށް ސާފުކޮށް ފެންނާށެވެ.

މި ބަދަލާއެކު ބަންގްލަދޭޝްގެ ވެރިކަމުގެ ނިޒާމަށާއި ސިޔާސަތުތަކަށް އަންނާނެ ބަދަލުތަކަށް މުޅި ދުނިޔެ މިހާރު ދަނީ އިންތިޒާރު ކުރަމުންނެވެ.