އީރާނުގެ އެންމެ މަތީ ލީޑަރު އާޔަތުالله އަލީ ޚާމަނާއީ ޝަހީދުކޮށްލި ޚަބަރު ފެތުރިގެން ދިޔުމާއެކު، މުޅި އޭޝިއާ އަދި މެދުއިރުމަތީގެ ސަރަހައްދުތަކުގައި އެމެރިކާއާ ދެކޮޅު ވަރުގަދަ އިހުތިޖާޖުތަކެއް ވަނީ ފެށިފައެވެ. މި ހާދިސާއާ ގުޅިގެން ޕާކިސްތާނުން ފެށިގެން އިރާގާ ހަމައަށް ފުޅާދާއިރާއެއްގައި މުޒާހަރާތައް ފެށި، ބައެއް ސިޓީތަކުގައި މި ހަރަކާތްތައް ވަނީ ނުރައްކާތެރި ހަމަނުޖެހުންތަކަކަށް ބަދަލުވެފައެވެ.
އެގޮތުން އެންމެ ސީރިއަސް ހަމަނުޖެހުންތައް ހިނގާފައިވަނީ ޕާކިސްތާނުގެ ކަރާޗީގައެވެ. މުޒާހަރާގެ ބައިވެރިން ކަރާޗީގައި ހުންނަ އެމެރިކާގެ ކޮންސިއުލޭޓަށް ވަދެގަންނަން މަސައްކަތް ކުރުމުގެ ތެރޭގައި ހިނގި ކުރިމަތިލުންތަކުގައި މަދުވެގެން އަށް މީހުން މަރުވެ، 20 އަށްވުރެ ގިނަ މީހުން ވަނީ ޒަހަމްވެފައެވެ. އޭޑީ ފައުންޑޭޝަންގެ ރެސްކިއު އޮފިޝަލުން މައުލޫމާތު ދޭ ގޮތުގައި، އަނިޔާވި މީހުންނަށް މިހާރު ދަނީ ސިވިލް ހޮސްޕިޓަލްތަކުގައި ފަރުވާ ދެމުންނެވެ. އޮންލައިންކޮށް ދައުރުވާ ވީޑިއޯތަކުން ފެންނަ ގޮތުގައި، އެއްވެ ތިބި މީހުން ކޮންސިއުލޭޓަށް ގައު އުކައި، އެތެރެއަށް ވަންނަން މަސައްކަތް ކުރުމުން ފުލުހުން ވަނީ ކަރުނަ ގޭސް ބޭނުންކޮށްފައެވެ. ސަލާމަތީ ބާރުތަކުން ކޮންޓްރޯލް ހޯދުމުގެ ކުރިން ކޮންސިއުލޭޓްގެ ބައެއް މުދަލަށް ގެއްލުންދީ، ބައެއް ތަންތަނުގައި އަލިފާން ރޯކޮށްފައިވެއެވެ.
އެމެރިކާގެ ޙަމަލާތައް ޕާކިސްތާނުގައި ހުންނަ އިރާނުގެ އެމްބަސީން ވަނީ މި ހަމަލާ "ނުލަފާ، ނަފްރަތު ބޮޑު އަދި ޓެރަރިސްޓް އަމަލެއް" ގެ ގޮތުގައި ސިފަކޮށް ހަރުކަށިކޮށް ކުށްވެރިކޮށްފައެވެ. އެމްބަސީގެ ބަޔާނުގައި ޚާމަނާއީ ސިފަކޮށްފައިވަނީ މިނިވަންކަމާއި އިސްތިއުމާރާ ދެކޮޅުވުމުގެ އުސޫލުތަކަށްޓަކައި ޝަހީދުވި ބަތަލެއްގެ ގޮތުގައެވެ.
އިރާގުގެ ބަޣްދާދުގައި ވެސް ހާލަތު އޮތީ ނުތަނަވަސްކޮށެވެ. މުޒާހަރާގެ ބައިވެރިން ވަނީ އެމެރިކާ އެމްބަސީ ހުންނަ ގްރީން ޒޯނަށް ވަންނަން މަސައްކަތް ކޮށްފައެވެ. އީރާނަށް ތާއީދުކުރާ ޖަމާއަތްތަކުގެ ދިދަތައް އުފުލައިގެން ތިބި މި މީހުން ފަހަތަށް ޖެއްސުމަށް އިރާގުގެ ސަލާމަތީ ބާރުތަކުން ވަނީ ކަރުނަ ގޭސް ބޭނުންކޮށްފައެވެ. މީގެ އިތުރުން އިންޑިއާގެ ޖަމްމޫ ކަޝްމީރާއި ލަކްނޯގައި ވެސް ވަނީ މުޒާހަރާތައް ބާއްވާފައެވެ. ޝިޔައީ ދީނީ އިލްމުވެރިޔާ މައުލާނާ ޔާސުބް އައްބާސް ވަނީ މި މަރާ ގުޅިގެން ތިން ދުވަހުގެ ހިތާމަ ފާޅުކުރުން އިއުލާން ކުރައްވާފައެވެ.
އުމުރުން 86 އަހަރުގެ އާޔަތުالله އަލީ ޚާމަނާއީ ޝަހީދުކޮށްލި ކަމަށް އިއުލާން ކުރީ، އެމެރިކާ އާއި އިސްރާއީލުން ތެހެރާނަށާއި އީރާނުގެ އެހެން ސިޓީތަކަށް ވަރުގަދަ ހަމަލާތަކެއް ދިންތާ އެއް ދުވަސް ފަހުންނެވެ. އީރާނުން ބުނާ ގޮތުގައި އެ ހަމަލާތަކުގައި ކުޑަކުދިން ހިމެނޭހެން 100 އަށް ވުރެ ގިނަ މީހުން ވަނީ މަރުވެފައެވެ.
މި ހާދިސާގެ ރައްދުގައި އީރާނުން ވަނީ މުޅި ސަރަހައްދުގައި ހުރި އެމެރިކާގެ ބާރުތަކަށާއި އެމެރިކާއަށް ތާއީދުކުރާ ޔޫއޭއީ، ބަހްރެއިން، ސައުދީ އަރަބިއްޔާ، އުރުދުން، ގަތަރު އަދި ކުވައިތުގެ ތަންތަނަށް މިސައިލާއި ޑްރޯން ހަމަލާތައް ދީފައެވެ. އީރާނުގެ އިސް އޮފިޝަލުން އިތުރު ބަދަލުހިފުމުގެ އިންޒާރު ދެމުންދާއިރު، ވޮޝިންޓަނުން ދަނީ ހާލަތު އިތުރަށް ގޯސްވިޔަނުދިނުމަށް މަސައްކަތް ކުރަމުންނެވެ. މިވަގުތު މުޅި ސަރަހައްދުގެ މަސްރަހު އޮތީ ހަނގުރާމައެއްގެ ތުންފަތްމަތީގައެވެ.
އެމެރިކާގެ ޙަމަލާތައް ޕާކިސްތާނުގައި ހުންނަ އިރާނުގެ އެމްބަސީން ވަނީ މި ހަމަލާ "ނުލަފާ، ނަފްރަތު ބޮޑު އަދި ޓެރަރިސްޓް އަމަލެއް" ގެ ގޮތުގައި ސިފަކޮށް ހަރުކަށިކޮށް ކުށްވެރިކޮށްފައެވެ. އެމްބަސީގެ ބަޔާނުގައި ޚާމަނާއީ ސިފަކޮށްފައިވަނީ މިނިވަންކަމާއި އިސްތިއުމާރާ ދެކޮޅުވުމުގެ އުސޫލުތަކަށްޓަކައި ޝަހީދުވި ބަތަލެއްގެ ގޮތުގައެވެ.
އިރާގުގެ ބަޣްދާދުގައި ވެސް ހާލަތު އޮތީ ނުތަނަވަސްކޮށެވެ. މުޒާހަރާގެ ބައިވެރިން ވަނީ އެމެރިކާ އެމްބަސީ ހުންނަ ގްރީން ޒޯނަށް ވަންނަން މަސައްކަތް ކޮށްފައެވެ. އީރާނަށް ތާއީދުކުރާ ޖަމާއަތްތަކުގެ ދިދަތައް އުފުލައިގެން ތިބި މި މީހުން ފަހަތަށް ޖެއްސުމަށް އިރާގުގެ ސަލާމަތީ ބާރުތަކުން ވަނީ ކަރުނަ ގޭސް ބޭނުންކޮށްފައެވެ. މީގެ އިތުރުން އިންޑިއާގެ ޖަމްމޫ ކަޝްމީރާއި ލަކްނޯގައި ވެސް ވަނީ މުޒާހަރާތައް ބާއްވާފައެވެ. ޝިޔައީ ދީނީ އިލްމުވެރިޔާ މައުލާނާ ޔާސުބް އައްބާސް ވަނީ މި މަރާ ގުޅިގެން ތިން ދުވަހުގެ ހިތާމަ ފާޅުކުރުން އިއުލާން ކުރައްވާފައެވެ.
މި ހާދިސާގެ ރައްދުގައި އީރާނުން ވަނީ މުޅި ސަރަހައްދުގައި ހުރި އެމެރިކާގެ ބާރުތަކަށާއި އެމެރިކާއަށް ތާއީދުކުރާ ޔޫއޭއީ، ބަހްރެއިން، ސައުދީ އަރަބިއްޔާ، އުރުދުން، ގަތަރު އަދި ކުވައިތުގެ ތަންތަނަށް މިސައިލާއި ޑްރޯން ހަމަލާތައް ދީފައެވެ. އީރާނުގެ އިސް އޮފިޝަލުން އިތުރު ބަދަލުހިފުމުގެ އިންޒާރު ދެމުންދާއިރު، ވޮޝިންޓަނުން ދަނީ ހާލަތު އިތުރަށް ގޯސްވިޔަނުދިނުމަށް މަސައްކަތް ކުރަމުންނެވެ. މިވަގުތު މުޅި ސަރަހައްދުގެ މަސްރަހު އޮތީ ހަނގުރާމައެއްގެ ތުންފަތްމަތީގައެވެ.
ކިޔުންތެރިންގެ ހިޔާލު