ޢުމްރާއަށް ގެންގޮސްދޭނެ ކަމަށް ބުނެ ކޮންމެ އަހަރަކުވެސް ގިނަ ބަޔަކަށް އޮޅުވާލައި، މަކަރާއި ޙީލަތުން ފައިސާ ހޯދާ މައްސަލަ ހައްލުކުރުމަށްޓަކައި ޙައްޖާއި ޢުމްރާއަށް ޚާއްޞަ ޤާނޫނެއް އެކުލަވާލުމުގެ މަސައްކަތް ސަރުކާރުން ފަށައިފިއެވެ.
އިސްލާމިކް މިނިސްޓަރު ޑރ. މުޙައްމަދު ޝަހީމް ޢަލީ ސަޢީދު އާއި ޙަވާލާދީ އޮންލައިން ބައެއް މީޑިއާތަކުން ރިޕޯޓް ކޮށްފައިވަނީ، މިފަދަ ސްކޭމްތައް މަދުކުރުމަށްޓަކައި އެހެން އިސްލާމީ ޤައުމުތަކުގައިވެސް ޢަމަލުކުރަމުންދާ ފަދަ ހަރުދަނާ ޤާނޫނީ އޮނިގަނޑެއް ރާއްޖެއަށް ބޭނުންވާ ކަމަށެވެ. މި ޤާނޫނު ވުޖޫދުވުމާއެކު، ޙައްޖާއި ޢުމްރާގެ އަޅުކަމާ ގުޅުވައިގެން މަކަރާއި ޙީލަތް ހިންގާ ފަރާތްތަކަށް ޤާނޫނީ ގޮތުން ހަރުކަށި އަދަބުތައް ކަނޑައެޅިގެންދާނެ ކަމަށް މިނިސްޓަރު ފާހަގަކުރެއްވިއެވެ.
"ޙައްޖާއި ޢުމްރާގެ ކަންތައްތައް މެނޭޖްކުރުމާ ބެހޭ ޤާނޫނު ވަރަށް ގިނަ ޤައުމުތަކުގައި އޮވޭ. ރާއްޖޭގައިވެސް އަޅުގަނޑުމެން އެބަ މަސައްކަތް ކުރަން ޤާނޫނެއް ވުޖޫދު ކުރުމަށް. މިކަހަލަ މީހުންނަށް އަދަބު ދެވޭނެ ސީދާ ގޮތެއް ކަނޑައަޅަން އެބަޖެހޭ. އެއީ ވަރަށް މުހިންމު ކަމެއް ޤާނޫނެއް އޮތުން." ޑރ. ޝަހީމް ވިދާޅުވިއެވެ.
ވަޒީރު ވިދާޅުވީ، މިހާރު ޢަމަލުކުރަމުންދާ އުޞޫލުތަކަށް ބަލާއިރު، ޢުމްރާއަށް މީހުން ގެންދާ ކުންފުނިތަކުން އެއްވެސް ފައިނޭންޝަލް ގެރެންޓީއެއް ބަހައްޓާކަށް ނުޖެހޭ ކަމަށެވެ. ނަމަވެސް، އަލަށް އެކުލަވާލާ ޤާނޫނުގެ ދަށުން މިކަން ބަދަލުކޮށް، ކުންފުނިތަކުން މާލީ ރައްކާތެރިކަމުގެ ގެރެންޓީއެއް ބަހައްޓަންޖެހޭ ގޮތަށް ހަމަޖެއްސުމަށް ވިސްނަވާ ކަމަށް ވަޒީރު ވިދާޅުވިއެވެ.
އޭގެ އިތުރުން ވަޒީރު ވިދާޅުވީ، ރާއްޖޭގައި ވަރަށް އިޚްލާޞްތެރިކަމާއެކު މި ޚިދުމަތް ދޭ ގްރޫޕްތައް އެބަހުރި ކަމަށާއި، ނަމަވެސް މުޅި ނިޒާމަކީ ރައްޔިތުންގެ ފުރިހަމަ އިތުބާރު އޮންނަ ނިޒާމަކަށް ހަދަންޖެހޭ ކަމަށެވެ. މިގޮތުން، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުއާ މަޝްވަރާ ކުރައްވައިގެން، ވީހާވެސް އަވަހަކަށް މި ޤާނޫނު މަޖިލީހަށް ހުށަހަޅައި ވުޖޫދު ކުރުމަށް މަސައްކަތް ކުރައްވާނެ ކަމުގެ ޔަޤީންކަން ވަޒީރު ދެއްވާފައި ވެއެވެ.
ވަޒީރު މިހެން ވިދާޅުވެފައިވާއިރު، މިއަހަރުގެ ރަމަޟާން މަހުގެ ފަހު 15 ގައި ޢުމްރާއަށް ގެންގޮސްދޭނެ ކަމަށް ބުނެ، 'އަލް އަބްރާރު ޕްރައިވެޓް ލިމިޓެޑް' ކިޔާ ގްރޫޕަކުން 110 މީހެއްގެ އަތުން ފައިސާ ނެގުމަށްފަހު ޢުމްރާއަށް ގެންގޮސްފައިނުވާ މައްސަލައެއް ވަނީ ފެންމަތިވެފައެވެ.
"ޙައްޖާއި ޢުމްރާގެ ކަންތައްތައް މެނޭޖްކުރުމާ ބެހޭ ޤާނޫނު ވަރަށް ގިނަ ޤައުމުތަކުގައި އޮވޭ. ރާއްޖޭގައިވެސް އަޅުގަނޑުމެން އެބަ މަސައްކަތް ކުރަން ޤާނޫނެއް ވުޖޫދު ކުރުމަށް. މިކަހަލަ މީހުންނަށް އަދަބު ދެވޭނެ ސީދާ ގޮތެއް ކަނޑައަޅަން އެބަޖެހޭ. އެއީ ވަރަށް މުހިންމު ކަމެއް ޤާނޫނެއް އޮތުން." ޑރ. ޝަހީމް ވިދާޅުވިއެވެ.
ވަޒީރު ވިދާޅުވީ، މިހާރު ޢަމަލުކުރަމުންދާ އުޞޫލުތަކަށް ބަލާއިރު، ޢުމްރާއަށް މީހުން ގެންދާ ކުންފުނިތަކުން އެއްވެސް ފައިނޭންޝަލް ގެރެންޓީއެއް ބަހައްޓާކަށް ނުޖެހޭ ކަމަށެވެ. ނަމަވެސް، އަލަށް އެކުލަވާލާ ޤާނޫނުގެ ދަށުން މިކަން ބަދަލުކޮށް، ކުންފުނިތަކުން މާލީ ރައްކާތެރިކަމުގެ ގެރެންޓީއެއް ބަހައްޓަންޖެހޭ ގޮތަށް ހަމަޖެއްސުމަށް ވިސްނަވާ ކަމަށް ވަޒީރު ވިދާޅުވިއެވެ.
ވަޒީރު މިހެން ވިދާޅުވެފައިވާއިރު، މިއަހަރުގެ ރަމަޟާން މަހުގެ ފަހު 15 ގައި ޢުމްރާއަށް ގެންގޮސްދޭނެ ކަމަށް ބުނެ، 'އަލް އަބްރާރު ޕްރައިވެޓް ލިމިޓެޑް' ކިޔާ ގްރޫޕަކުން 110 މީހެއްގެ އަތުން ފައިސާ ނެގުމަށްފަހު ޢުމްރާއަށް ގެންގޮސްފައިނުވާ މައްސަލައެއް ވަނީ ފެންމަތިވެފައެވެ.
ކިޔުންތެރިންގެ ހިޔާލު