ބޭންކް އޮފް މޯލްޑިވްސް (ބީއެމްއެލް)ގެ "ބޭންކް ފަންޑް" ގެ އެހީގައި، ދ. ކުޑަހުވަދޫގައި ހުންނަ ދ. އަތޮޅު ތައުލީމީ މަރުކަޒުގައި ޒަމާނީ މަލްޓިމީޑިއާ ސްޓޫޑިއޯއެއް ހުޅުވައިފިއެވެ.
މި ޕްރޮޖެކްޓަކީ 2025 ވަނަ އަހަރުގެ ބޭންކް ފަންޑު ކާމިޔާބުކުރި ކުޑަހުވަދޫގެ ޖަމިއްޔާއެއް ކަމަށްވާ ޔުނައިޓެޑް އިސްލާމިކް ސޮސައިޓީ (ޔޫއައިއެސް) އިން އިސްނަގައިގެން ކުރިއަށް ގެންދިޔަ މަޝްރޫއެކެވެ. 800 އަށްވުރެ ގިނަ ދަރިވަރުން ތައުލީމު ހާސިލުކުރަމުންދާ މި މަރުކަޒުގައި ގާއިމުކުރި މި ސްޓޫޑިއޯއަކީ އެ ސްކޫލުގެ މީޑިއާ ކްލަބުގެ ހަރަކާތްތައް އިތުރަށް ހަރުދަނާކޮށް، ދަރިވަރުންނަށް އަމަލީ ތަޖުރިބާ ހޯދައިދިނުމަށް ހުޅުވުނު މުހިންމު ފުރުސަތެކެވެ.
މި ސްޓޫޑިއޯ ފަރުމާކޮށްފައި ވަނީ މީޑިއާ ދާއިރާއަށް ބޭނުންވާ ޕްރޮފެޝަނަލް ވަސީލަތްތަކާ އެކުގައެވެ. އެގޮތުން ޕްރޮފެޝަނަލް ކެމެރާ، ލައިޓިންގ ކިޓް، އޯޑިއޯ ރެކޯޑު ކުރާނެ ސާމާނު، އެޑިޓިންގ ކޮމްޕިއުޓަރުގެ އިތުރުން ލައިވް ސްޓްރީމް ކުރެވޭނެ ހާޑްވެއާ ވަނީ ގާއިމުކޮށްފައެވެ.
ދ. އަތޮޅު ތައުލީމީ މަރުކަޒުގައި މީގެ ކުރިން ވެސް މީޑިއާ ކްލަބެއް ހިންގަމުން އައި ނަމަވެސް، އެކަށީގެންވާ ވަސީލަތްތައް ނެތުމުގެ ސަބަބުން ގިނަ ގޮންޖެހުންތަކެއް ދަރިވަރުންނަށް ކުރިމަތިވިއެވެ. ޔޫއައިއެސްގެ އަމާޒަކީ މި ސްޓޫޑިއޯ މެދުވެރިކޮށް ދަރިވަރުންނަށް ވީޑިއޯ އުފެއްދުމާއި، އިވެންޓްތައް ބްރޯޑްކާސްޓްކުރުމާއި، ވީޑިއޯ ރިޕޯޓް ތައްޔާރުކުރުމުގެ ހުނަރު ދަސްކޮށްދިނުމެވެ. އަދި ސްކޫލުގެ ރަސްމީ ޔޫޓިއުބް ޗެނަލަށް ބޭނުންވާ ތައުލީމީ ކޮންޓެންޓް އުފައްދާ މަރުކަޒެއްގެ ގޮތުގައި މިތަން ބޭނުންކުރެވޭނެއެވެ.
މީގެ އިތުރުން، މި ސްޓޫޑިއޯގެ ޚިދުމަތް ކުޑަހުވަދޫގެ އެހެން އޮފީސްތަކަށާއި ކައިރި ރަށްރަށުގެ މުއައްސަސާތަކަށް ވެސް ފޯރުކޮށްދީ، ގުޅިގެން މަސައްކަތް ކުރުމުގެ ފުރުސަތު ހުޅުވާލުމަށް ވަނީ ރޭވިފައެވެ.
މި ތަން ބަލަހައްޓާނީ ސްކޫލާއި ޔޫއައިއެސްގެ ހާއްސަ ޓީމަކުންނެވެ. އަދި ސްޓޫޑިއޯއަކީ ދެމެހެއްޓެނިވި ގޮތެއްގައި އާމްދަނީ ލިބޭނެ ތަނެއްގެ ގޮތުގައި ހިންގުމަށްޓަކައި ގަވާއިދުން ތަމްރީނު ޕްރޮގްރާމްތައް ކުރިއަށް ގެންދާނެއެވެ.
ބީއެމްއެލްގެ ބޭންކް ފަންޑަކީ ތައުލީމު، ތިމާވެށި، ކުޅިވަރު އަދި މުޖުތަމައު ކުރިއެރުވުމަށް މަސައްކަތްކުރާ ޖަމިއްޔާތަކަށް ހުޅުވާލާފައިވާ ފަންޑެކެވެ. މި ފަންޑުގެ ދަށުން ހޮވޭ ކޮންމެ މަޝްރޫއަކަށް 200,000 ރުފިޔާގެ ހިލޭ އެހީ ބޭންކުން ފޯރުކޮށްދެއެވެ. ބީއެމްއެލް އިން ބުނާ ގޮތުގައި ރާއްޖޭގެ އެކި ކަންކޮޅުތަކުގައި މުޖުތަމައަށް ފައިދާހުރި މިފަދަ މަޝްރޫއުތައް ހިންގުމަށް އެ ބޭންކުން އަބަދުވެސް ހާއްސަ އަހުމިއްޔަތުކަމެއް ދެއެވެ.
މި ސްޓޫޑިއޯ ފަރުމާކޮށްފައި ވަނީ މީޑިއާ ދާއިރާއަށް ބޭނުންވާ ޕްރޮފެޝަނަލް ވަސީލަތްތަކާ އެކުގައެވެ. އެގޮތުން ޕްރޮފެޝަނަލް ކެމެރާ، ލައިޓިންގ ކިޓް، އޯޑިއޯ ރެކޯޑު ކުރާނެ ސާމާނު، އެޑިޓިންގ ކޮމްޕިއުޓަރުގެ އިތުރުން ލައިވް ސްޓްރީމް ކުރެވޭނެ ހާޑްވެއާ ވަނީ ގާއިމުކޮށްފައެވެ.
ދ. އަތޮޅު ތައުލީމީ މަރުކަޒުގައި މީގެ ކުރިން ވެސް މީޑިއާ ކްލަބެއް ހިންގަމުން އައި ނަމަވެސް، އެކަށީގެންވާ ވަސީލަތްތައް ނެތުމުގެ ސަބަބުން ގިނަ ގޮންޖެހުންތަކެއް ދަރިވަރުންނަށް ކުރިމަތިވިއެވެ. ޔޫއައިއެސްގެ އަމާޒަކީ މި ސްޓޫޑިއޯ މެދުވެރިކޮށް ދަރިވަރުންނަށް ވީޑިއޯ އުފެއްދުމާއި، އިވެންޓްތައް ބްރޯޑްކާސްޓްކުރުމާއި، ވީޑިއޯ ރިޕޯޓް ތައްޔާރުކުރުމުގެ ހުނަރު ދަސްކޮށްދިނުމެވެ. އަދި ސްކޫލުގެ ރަސްމީ ޔޫޓިއުބް ޗެނަލަށް ބޭނުންވާ ތައުލީމީ ކޮންޓެންޓް އުފައްދާ މަރުކަޒެއްގެ ގޮތުގައި މިތަން ބޭނުންކުރެވޭނެއެވެ.
މީގެ އިތުރުން، މި ސްޓޫޑިއޯގެ ޚިދުމަތް ކުޑަހުވަދޫގެ އެހެން އޮފީސްތަކަށާއި ކައިރި ރަށްރަށުގެ މުއައްސަސާތަކަށް ވެސް ފޯރުކޮށްދީ، ގުޅިގެން މަސައްކަތް ކުރުމުގެ ފުރުސަތު ހުޅުވާލުމަށް ވަނީ ރޭވިފައެވެ.
ބީއެމްއެލްގެ ބޭންކް ފަންޑަކީ ތައުލީމު، ތިމާވެށި، ކުޅިވަރު އަދި މުޖުތަމައު ކުރިއެރުވުމަށް މަސައްކަތްކުރާ ޖަމިއްޔާތަކަށް ހުޅުވާލާފައިވާ ފަންޑެކެވެ. މި ފަންޑުގެ ދަށުން ހޮވޭ ކޮންމެ މަޝްރޫއަކަށް 200,000 ރުފިޔާގެ ހިލޭ އެހީ ބޭންކުން ފޯރުކޮށްދެއެވެ. ބީއެމްއެލް އިން ބުނާ ގޮތުގައި ރާއްޖޭގެ އެކި ކަންކޮޅުތަކުގައި މުޖުތަމައަށް ފައިދާހުރި މިފަދަ މަޝްރޫއުތައް ހިންގުމަށް އެ ބޭންކުން އަބަދުވެސް ހާއްސަ އަހުމިއްޔަތުކަމެއް ދެއެވެ.
ކިޔުންތެރިންގެ ހިޔާލު