އެމްޑީޕީގެ "ކަންމަތީ ބައްދަލުވުމެއްގައި" ވާހަކަދައްކަވަމުން އެ ޕާޓީގެ ޗެއާޕާސަންގެ ނައިބު އިބްރާހީމް ވަހީދު (އިބުރޭ) ވަނީ، ކުރިއަށް އޮތް އިންތިޚާބު ވަގަށް ނެގުމަށް ސަރުކާރުންނާއި އިލެކްޝަންސް ކޮމިޝަނުން ރާވަމުންދާކަމަށް ތުހުމަތުކުރައްވާފައެވެ.
އިބުރޭ ވިދާޅުވީ ރައީސް މުއިއްޒު މިކަން ކުރައްވަނީ، މީގެ ކުރިން ނަޒާހަތްތެރިކަން ގެއްލިގެން ރައްޔިތުންގެ މަޖިލީހުން މަގާމުން ވަކިކޮށްފައިވާ ބޭފުޅަކު އިލެކްޝަންސް ކޮމިޝަނުގެ ރައީސްކަމަށް އައްޔަންކުރައްވައިގެން ކަމަށެވެ. މިއީ ރާއްޖޭގައި އިންތިޚާބުތަކުގެ ސައްހަކަން ގެއްލުވާލުމަށް ހިންގާ ވަރަށް ނުރައްކާތެރި އަމަލެއްގެ ގޮތުގައި އޭނާ ފާހަގަކުރެއްވިއެވެ.
އިބުރޭ އިތުރަށް ފާހަގަކުރެއްވި ގޮތުގައި، 2005 ވަނަ އަހަރުން ފެށިގެން ރާއްޖޭގައި ބޭއްވުނު ކޮންމެ އިންތިޚާބެއްގައިވެސް، ވޯޓާސް ލިސްޓާއި އެހެނިހެން މުހިންމު މަޢުލޫމާތުތައް ސިޔާސީ ޕާޓީތަކަށް އެކްސެލް ފޯމެޓުގައި ފޯރުކޮށްދެމުން އައިސްފައިވެއެވެ.
ނަމަވެސް، މިއީ އެފަދަ މަޢުލޫމާތުތައް ޕާޓީތަކާ ހިއްސާނުކޮށް ބާއްވާ ފުރަތަމަ އިންތިޚާބު ކަމަށާއި، މީގެ ސަބަބުން ލިސްޓުގައި ހުރި މައްސަލަތައް ދެނެގަތުމަށް ޕާޓީތަކަށް ހުރަސް އެޅިފައިވާ ކަމަށް އޭނާ ވިދާޅުވިއެވެ. ޚާއްޞަކޮށް، ނިޔާވެފައިވާ މީހުން ލިސްޓުގައި ތިބިތޯ ބެލުމާއި އެޑްރެސްތައް ކަށަވަރުކުރުމުގެ ފުރުސަތު މިފަހަރު ބަންދުކޮށްފައިވާކަން އޭނާ ފާހަގަކުރެއްވިއެވެ.
މީގެ އިތުރުން، ކެންޑިޑޭޓުން ސޮއިކުރި ވޯޓާސް ލިސްޓުތައްވެސް ޕާޓީތަކާ ހިއްސާކޮށްފައި ނުވާތީ، މިއީ މިނިވަން އަދި އިންސާފުވެރި އިންތިޚާބެއްގެ ގޮތުގައި ބަލައިނުގަނެވޭނެ ކަމަށް އިބުރޭ ވިދާޅުވިއެވެ.
ގިނަ އިންތިޚާބުތަކެއްގައި އަމަލީ ގޮތުން މަސައްކަތްކޮށްފައިވާ ތަޖުރިބާކާރެއްގެ ހައިސިއްޔަތުން، މިހާރު ކަންތައްތައް ރޭވިފައިވަނީ ވަރަށް ބޮޑު އޮޅުވާލުމެއްގެ ތެރެއިން ކަމަށާއި، މިއީ އިންތިޚާބުގެ ދެފުށް ފެންނަ މިންވަރު ގެއްލިފައިވާ ކަމުގެ ހެއްކެއް ކަމަށް ވިދާޅުވެ އޭނާ ވަނީ ކަންބޮޑުވުން ފާޅުކުރައްވާފައެވެ.
އިބުރޭގެ މި ވާހަކަތައް އަމާޒުކުރައްވާފައިވަނީ ރާއްޖޭގެ އިންތިޚާބީ ނިޒާމަށް އޮތް އިތުބާރު ކުޑަވަމުންދާ ދަނޑިވަޅެއްގައެވެ. ސިޔާސީ ޕާޓީތަކަށް ލިބެންޖެހޭ މައުލޫމާތު ހިފެހެއްޓުމަކީ އިންތިޚާބުގެ ނަތީޖާއަށް ނުފޫޒު ފޯރުވުމަށް ކުރެވޭ ކަމެއްގެ ގޮތުގައި އެމްޑީޕީން ތުހުމަތުކުރެއެވެ.
އިބުރޭ އިތުރަށް ފާހަގަކުރެއްވި ގޮތުގައި، 2005 ވަނަ އަހަރުން ފެށިގެން ރާއްޖޭގައި ބޭއްވުނު ކޮންމެ އިންތިޚާބެއްގައިވެސް، ވޯޓާސް ލިސްޓާއި އެހެނިހެން މުހިންމު މަޢުލޫމާތުތައް ސިޔާސީ ޕާޓީތަކަށް އެކްސެލް ފޯމެޓުގައި ފޯރުކޮށްދެމުން އައިސްފައިވެއެވެ.
ނަމަވެސް، މިއީ އެފަދަ މަޢުލޫމާތުތައް ޕާޓީތަކާ ހިއްސާނުކޮށް ބާއްވާ ފުރަތަމަ އިންތިޚާބު ކަމަށާއި، މީގެ ސަބަބުން ލިސްޓުގައި ހުރި މައްސަލަތައް ދެނެގަތުމަށް ޕާޓީތަކަށް ހުރަސް އެޅިފައިވާ ކަމަށް އޭނާ ވިދާޅުވިއެވެ. ޚާއްޞަކޮށް، ނިޔާވެފައިވާ މީހުން ލިސްޓުގައި ތިބިތޯ ބެލުމާއި އެޑްރެސްތައް ކަށަވަރުކުރުމުގެ ފުރުސަތު މިފަހަރު ބަންދުކޮށްފައިވާކަން އޭނާ ފާހަގަކުރެއްވިއެވެ.
މީގެ އިތުރުން، ކެންޑިޑޭޓުން ސޮއިކުރި ވޯޓާސް ލިސްޓުތައްވެސް ޕާޓީތަކާ ހިއްސާކޮށްފައި ނުވާތީ، މިއީ މިނިވަން އަދި އިންސާފުވެރި އިންތިޚާބެއްގެ ގޮތުގައި ބަލައިނުގަނެވޭނެ ކަމަށް އިބުރޭ ވިދާޅުވިއެވެ.
އިބުރޭގެ މި ވާހަކަތައް އަމާޒުކުރައްވާފައިވަނީ ރާއްޖޭގެ އިންތިޚާބީ ނިޒާމަށް އޮތް އިތުބާރު ކުޑަވަމުންދާ ދަނޑިވަޅެއްގައެވެ. ސިޔާސީ ޕާޓީތަކަށް ލިބެންޖެހޭ މައުލޫމާތު ހިފެހެއްޓުމަކީ އިންތިޚާބުގެ ނަތީޖާއަށް ނުފޫޒު ފޯރުވުމަށް ކުރެވޭ ކަމެއްގެ ގޮތުގައި އެމްޑީޕީން ތުހުމަތުކުރެއެވެ.
ކިޔުންތެރިންގެ ހިޔާލު