ރައީސް ޑރ. މުހައްމަދު މުއިއްޒު އަތުންފަޔަށް ގޯސްތަކެއް ހައްދަވަމުންދާ ކަމަށާއި، ސަރުކާރުގެ ސިޔާސަތުތަކަށް ރައްޔިތުން ނޫނެކޭ ބުނުމުން ވާންޖެހެނީ އިސްލާހު ކަމަށް ވިދާޅުވެ ކުރީގެ ކޮމިއުނިކޭޝަން މިނިސްޓަރު މުހައްމަދު މަލީހް ޖަމާލް ސަރުކާރަށް ވަރަށް ބޮޑަށް ފާޑުވިދާޅުވެއްޖެއެވެ.
އެކްސްގައި ހިއްސާކުރެއްވި ޕޯސްޓެއްގައި މަލީހް ވިދާޅުވީ، ޕީޕީއެމްއަށް އެތައް ގުރުބާނީއެއްވި ބޭފުޅުން މަގާމުން ވަކިކުރަންވީ ނޫން ކަމަށާއި، ރައީސް މުއިއްޒު މުޅި ވަތަނީ ފިކުރު ހަލާކުކޮށްލައިފި ކަމަށެވެ. އަދި ރައީސް މުއިއްޒަކީ އަމިއްލަ ފަޔަށް ބަޑިޖަހާ ޒާތުގެ ބޭފުޅެއްގެ ގޮތުގައި އޭނާ ސިފަކުރެއްވިއެވެ.
މަލީހް މި މޭރުމުން ވާހަކަ ދައްކަވާފައި މިވަނީ، މިދިޔަ ހޮނިހިރު ދުވަހު ބޭއްވުނު އިންތިހާބުތަކުގައި ސަރުކާރަށް ބޮޑު ނާކާމިޔާބީއަކާ ކުރިމަތިލާން ޖެހުމާ ގުޅިގެން، ސަރުކާރުގެ މަތީ ފަންތީގެ ސިޔާސީ މަގާމުތަކުގައި ތިއްބެވި ބޭފުޅުން ކުއްލި ގޮތަކަށް ވަކިކުރަން ފަށާފައިވާ ދަނޑިވަޅެއްގައެވެ.
މީގެ ތެރޭގައި ރައްޔިތުންގެ މަޖިލީހުގެ މާފަންނު މެދު ދާއިރާގެ ޕީއެންސީ މެންބަރު އަސްމާ ރަޝީދުގެ ދަރިފުޅު، ޔޫއޭއީގައި ހުންނަވާ ދިވެހި ސަފީރު މުހައްމަދު ހުސައިން ޝަރީފު (މުންދު) އާއި، އަސްމާގެ ކޮއްކޮ، ޖެނީވާގައި ހުންނަވާ ދާއިމީ މަންދޫބު ޑރ. ސަލްމާ ރަޝީދު ހިމެނެއެވެ.
މުންދު މަގާމުން ވަކިކުރުމާ ގުޅިގެން މަލީހް ވިދާޅުވީ، މުންދު ވަކިކުރުމަކީ ރައީސް މުއިއްޒުގެ ގޮތް ކުޑަކަން ހާމަވާ ކަމެއް ކަމަށެވެ. އަދި މުންދުގެ ކޮންޓްރިބިއުޝަން ޕީއެންސީ އަށާއި ވަތަނީ ފިކުރަށް ރައީސް މުއިއްޒަށްވުރެ އެތައް ގުނައެއް ބޮޑުވާނެ ކަމަށްވެސް އޭނާ ވިދާޅުވިއެވެ.
މީގެ އިތުރުން މަލީހް ވަނީ ވަކިކުރާ ބޭފުޅުންނަށް ޕީއެންއެފްއާ ގުޅުމަށް ދައުވަތު ދެއްވާފައެވެ. އޭނާ ވިދާޅުވީ، "ޕީއެންއެފްގެ ދޮރު ހުރީ ބޮޑަށް ހުޅުވިފައި ކަމަށާއި، ވަތަނީ ލަޝްކަރު ޖަމާވާންވީ ވަގުތު ޖެހިއްޖެ ކަމަަށެވެ. "މިއީ އެއް އާއިލާއެއް" މަލީހް ވިދާޅުވިއެވެ.
ސަފީރުންގެ އިތުރުން، ސަރުކާރުގެ ބައެއް ކުންފުނިތަކުގެ އިސްވެރިން ވެސް ވަނީ ކުއްލި ގޮތަކަށް މަގާމުން ވަކިކޮށްފައެވެ. އޭގެ ތެރޭގައި ފެނަކަ ކޯޕަރޭޝަންގެ މެނޭޖިންގ ޑިރެކްޓަރާއި، އެގްރޯނެޓްގެ މެނޭޖިންގ ޑިރެކްޓަރުގެ އިތުރުން ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) ގެ ޑެޕިއުޓީ މެނޭޖިންގ ޑިރެކްޓަރު ވެސް ހިމެނެއެވެ.
މުއިއްޒު އަތުން ފައިން އެހައްދަވަނީ ގޯސް. ރައްޔިތުން ނޫނެކޭ ބުނީމަ ވާންޖެހެނީ އިސްލާހު. ޕީޕީއެމްއަށް އެތައް ގުރުބާނީއެއްވި ބޭފުޅުން މަޤާމުން ވަކިކުރަންވީކީ ނޫން. މުއިއްޒު މުޅި މިފިކުރު ހަލާކުކޮށްލައިފި. މީނާއަކީ އަމިއްލަ ފަޔަށް ބަޑިޖަހާ ޒާތުގެ މީހެއް.
— Mohamed Maleeh Jamal (@maleehjamal) April 6, 2026
މަލީހް މި މޭރުމުން ވާހަކަ ދައްކަވާފައި މިވަނީ، މިދިޔަ ހޮނިހިރު ދުވަހު ބޭއްވުނު އިންތިހާބުތަކުގައި ސަރުކާރަށް ބޮޑު ނާކާމިޔާބީއަކާ ކުރިމަތިލާން ޖެހުމާ ގުޅިގެން، ސަރުކާރުގެ މަތީ ފަންތީގެ ސިޔާސީ މަގާމުތަކުގައި ތިއްބެވި ބޭފުޅުން ކުއްލި ގޮތަކަށް ވަކިކުރަން ފަށާފައިވާ ދަނޑިވަޅެއްގައެވެ.
މީގެ ތެރޭގައި ރައްޔިތުންގެ މަޖިލީހުގެ މާފަންނު މެދު ދާއިރާގެ ޕީއެންސީ މެންބަރު އަސްމާ ރަޝީދުގެ ދަރިފުޅު، ޔޫއޭއީގައި ހުންނަވާ ދިވެހި ސަފީރު މުހައްމަދު ހުސައިން ޝަރީފު (މުންދު) އާއި، އަސްމާގެ ކޮއްކޮ، ޖެނީވާގައި ހުންނަވާ ދާއިމީ މަންދޫބު ޑރ. ސަލްމާ ރަޝީދު ހިމެނެއެވެ.
Minister Mundhu vakikurumakee Muizzuge goiy kuda kan. Minister Mundhuge contribution PPM ashaai whathanee fikurah Muizzu ah vure ethah guna eh boduvaane.
— Mohamed Maleeh Jamal (@maleehjamal) April 6, 2026
މުންދު މަގާމުން ވަކިކުރުމާ ގުޅިގެން މަލީހް ވިދާޅުވީ، މުންދު ވަކިކުރުމަކީ ރައީސް މުއިއްޒުގެ ގޮތް ކުޑަކަން ހާމަވާ ކަމެއް ކަމަށެވެ. އަދި މުންދުގެ ކޮންޓްރިބިއުޝަން ޕީއެންސީ އަށާއި ވަތަނީ ފިކުރަށް ރައީސް މުއިއްޒަށްވުރެ އެތައް ގުނައެއް ބޮޑުވާނެ ކަމަށްވެސް އޭނާ ވިދާޅުވިއެވެ.
PNF ge dhoru huree bodukoh hulhuvifa. Wathanee lashkaru jamaavaanvi vaguthu. Miee eh aailaa eh.
— Mohamed Maleeh Jamal (@maleehjamal) April 6, 2026
ސަފީރުންގެ އިތުރުން، ސަރުކާރުގެ ބައެއް ކުންފުނިތަކުގެ އިސްވެރިން ވެސް ވަނީ ކުއްލި ގޮތަކަށް މަގާމުން ވަކިކޮށްފައެވެ. އޭގެ ތެރޭގައި ފެނަކަ ކޯޕަރޭޝަންގެ މެނޭޖިންގ ޑިރެކްޓަރާއި، އެގްރޯނެޓްގެ މެނޭޖިންގ ޑިރެކްޓަރުގެ އިތުރުން ހައުސިންގ ޑިވެލޮޕްމަންޓް ކޯޕަރޭޝަން (އެޗްޑީސީ) ގެ ޑެޕިއުޓީ މެނޭޖިންގ ޑިރެކްޓަރު ވެސް ހިމެނެއެވެ.
ކިޔުންތެރިންގެ ހިޔާލު