އެމެރިކާގެ ރައީސް ޑޮނަލްޑް ޓްރަމްޕްގެ ސިއްހީ ހާލަތާ ގުޅޭ ފުރިހަމަ ރިޕޯޓެއް ވައިޓް ހައުސްއިން ހުކުރު ދުވަހު އާންމުކޮށްފިއެވެ.
ވޮލްޓާ ރީޑް ނޭޝަނަލް މިލިޓަރީ މެޑިކަލް ސެންޓަރުގައި މިދިޔަ އަންގާރަ ދުވަހު ކުރިއަށްދިޔަ މެޑިކަލް ޗެކަޕްތަކަށްފަހު، ރައީސްގެ އިސް ފިޒިޝަން ޑރ. ޝޯން ބާބަބެލާ ވިދާޅުވީ ޓްރަމްޕް ހުންނެވީ "ވަރަށް ފުރިހަމަ ސިއްހަތެއްގައި" ކަމަށާއި، ގައުމުގެ ކޮމާންޑަރ އިން ޗީފްގެ މަސްއޫލިއްޔަތު އަދާކުރުމަށް އޭނާ "ފުރިހަމައަށް ފިޓް" ކަމަށެވެ.
މި މެޑިކަލް އެގްޒަމިނޭޝަނުގައި 22 ތަޖުރިބާކާރުން ބައިވެރިވެފައިވާއިރު، ޓްރަމްޕް ވަނީ ސީޓީ ސްކޭންތަކާއި، ހިތުގެ އިމޭޖިންގްއާއި، ކެންސަރަށް ސްކްރީން ކުރުމުގެ އިތުރުން ރައްކާތެރިކަމުގެ ގޮތުން ހަދަންޖެހޭ ތަފާތު ޓެސްޓުތައް ހައްދަވާފައެވެ. މި ޓެސްޓުތަކަށްފަހު ޓްރަމްޕް އޭނާގެ 'ޓްރޫތު ސޯޝަލް' އެކައުންޓުގައި ވިދާޅުވީ، 6 މަސްދުވަހުގެ ފިސިކަލް ޗެކަޕް ނިމިއްޖެ ކަމަށާއި ހުރިހާ ކަމެއްވެސް ދިޔައީ "ވަރަށް ފުރިހަމައަށް" ކަމަށެވެ. އަދި މެޑިކަލް ސެންޓަރުގެ ޑޮކްޓަރުންނާއި މުވައްޒަފުން ދިން އަޅާލުމަށް އޭނާ ވަނީ ޝުކުރު އަދާކުރައްވާފައެވެ.
ރިޕޯޓުގައިވާ ގޮތުން ޓްރަމްޕްގެ ބަރުދަނަކީ 238 ޕައުންޑް (108 ކިލޯގްރާމް) އެވެ. މިއީ 2025 ވަނަ އަހަރުގެ އޭޕްރިލް މަހު ހެދި ޓެސްޓާ އަޅާބަލާއިރު 14 ޕައުންޑް (6 ކިލޯގްރާމް) އިތުރު އަދަދެކެވެ. އޭނާގެ އިސްކޮޅުގައި 6 ފޫޓް 3 އިންޗި ހުރިއިރު، ބޮޑީ މާސް އިންޑެކްސް (BMI) ހުރީ 29.7 ގައެވެ. ޑޮކްޓަރުން ވަނީ ބަރުދަން ލުއިކުރުމަށާއި، ކެއުމާއި ކަސްރަތަށް ސަމާލުކަން ދިނުމަށް އިރުޝާދު ދެއްވާފައެވެ. ނަމަވެސް، އޭނާގެ ސިކުނޑީގެ ހަކަތައާއި ފިސިކަލް ފެންވަރު ވަރަށް ރަނގަޅު ކަމަށް ރިޕޯޓުގައި ފާހަގަކޮށްފައިވެއެވެ.
ޓްރަމްޕްގެ އަތްތިލައިގައި ނޫފައިގަނެފައި ހުރި ކަމަށް ފާހަގަކުރެވިފައިވީ ނަމަވެސް، ޑޮކްޓަރުން ބުނީ އެއީ ގިނައިން ސަލާމްކުރުމުގެ ސަބަބުންނާއި އަދި ބޭނުންކުރާ އެސްޕިރިން ބޭހުގެ ސަބަބުން ދިމާވާ އާންމު ކަމެއް ކަމަށެވެ. އަދި މިދިޔަ އަހަރު ފާހަގަވި 'ކްރޯނިކް ވީނަސް އިންސަފިޝަންސީ' (ފައިގެ ނާރުތަކަށް ލޭ ޖަމާވުން) ހާލަތަށް މިހާރު ކުރިއެރުން ލިބިފައިވާ ކަމަށްވެސް ރިޕޯޓުގައިވެއެވެ.
ސިކުނޑީގެ ދުޅަހެޔޮކަން ބެލުމަށް ހަދާ 'މޮންޓްރިއަލް ކޮގްނިޓިވް އެސެސްމަންޓް' އިން ޓްރަމްޕް ވަނީ 30 އިން 30 ގެ ފުރިހަމަ މާކްސްއެއް ހޯއްދަވާފައެވެ. މީގެ އިތުރުން، ބޭސް ބޭނުންކުރުމުގެ ސަބަބުން އޭނާގެ ކޮލެސްޓްރޯލް ލެވެލްވެސް ވަނީ 2018 ވަނަ އަހަރާ އަޅާބަލާއިރު ވަރަށް ބޮޑަށް ދަށްވެފައެވެ.
މިއީ ޓްރަމްޕް ދެވަނަ ދައުރަކަށް ވެރިކަމަށް ވަޑައިގެންނެވި ފަހުން އާންމުކުރި ހަތަރުވަނަ މެޑިކަލް ރިޕޯޓެވެ. އަންނަ މަހު 80 އަހަރު ފުރޭ ޓްރަމްޕަކީ އެމެރިކާގެ ރައީސްކަމަށް އިންތިޚާބުވި އެންމެ ދުވަސްވީ ބޭފުޅާއެވެ. އޭނާގެ ކުރިން ރައީސްކަން ކުރެއްވި ޖޯ ބައިޑަން މަގާމުން ވަކިވެވަޑައިގެންނެވީ އުމުރުގެ ސަބަބުން ސިއްހީ ގޮތުން ގާބިލުތޯ އުފެދުނު ސުވާލުތަކާ ގުޅިގެންނެވެ. ނަމަވެސް މި ރިޕޯޓާއެކު ޓްރަމްޕް ދައްކަވަން ބޭނުންފުޅުވަނީ ކުރިއަށް އޮތް މިޑްޓާމް އިންތިޚާބުގެ ކުރިން އޭނާގެ ވަރުގަދަކަމެވެ.
މި މެޑިކަލް އެގްޒަމިނޭޝަނުގައި 22 ތަޖުރިބާކާރުން ބައިވެރިވެފައިވާއިރު، ޓްރަމްޕް ވަނީ ސީޓީ ސްކޭންތަކާއި، ހިތުގެ އިމޭޖިންގްއާއި، ކެންސަރަށް ސްކްރީން ކުރުމުގެ އިތުރުން ރައްކާތެރިކަމުގެ ގޮތުން ހަދަންޖެހޭ ތަފާތު ޓެސްޓުތައް ހައްދަވާފައެވެ. މި ޓެސްޓުތަކަށްފަހު ޓްރަމްޕް އޭނާގެ 'ޓްރޫތު ސޯޝަލް' އެކައުންޓުގައި ވިދާޅުވީ، 6 މަސްދުވަހުގެ ފިސިކަލް ޗެކަޕް ނިމިއްޖެ ކަމަށާއި ހުރިހާ ކަމެއްވެސް ދިޔައީ "ވަރަށް ފުރިހަމައަށް" ކަމަށެވެ. އަދި މެޑިކަލް ސެންޓަރުގެ ޑޮކްޓަރުންނާއި މުވައްޒަފުން ދިން އަޅާލުމަށް އޭނާ ވަނީ ޝުކުރު އަދާކުރައްވާފައެވެ.
ރިޕޯޓުގައިވާ ގޮތުން ޓްރަމްޕްގެ ބަރުދަނަކީ 238 ޕައުންޑް (108 ކިލޯގްރާމް) އެވެ. މިއީ 2025 ވަނަ އަހަރުގެ އޭޕްރިލް މަހު ހެދި ޓެސްޓާ އަޅާބަލާއިރު 14 ޕައުންޑް (6 ކިލޯގްރާމް) އިތުރު އަދަދެކެވެ. އޭނާގެ އިސްކޮޅުގައި 6 ފޫޓް 3 އިންޗި ހުރިއިރު، ބޮޑީ މާސް އިންޑެކްސް (BMI) ހުރީ 29.7 ގައެވެ. ޑޮކްޓަރުން ވަނީ ބަރުދަން ލުއިކުރުމަށާއި، ކެއުމާއި ކަސްރަތަށް ސަމާލުކަން ދިނުމަށް އިރުޝާދު ދެއްވާފައެވެ. ނަމަވެސް، އޭނާގެ ސިކުނޑީގެ ހަކަތައާއި ފިސިކަލް ފެންވަރު ވަރަށް ރަނގަޅު ކަމަށް ރިޕޯޓުގައި ފާހަގަކޮށްފައިވެއެވެ.
ޓްރަމްޕްގެ އަތްތިލައިގައި ނޫފައިގަނެފައި ހުރި ކަމަށް ފާހަގަކުރެވިފައިވީ ނަމަވެސް، ޑޮކްޓަރުން ބުނީ އެއީ ގިނައިން ސަލާމްކުރުމުގެ ސަބަބުންނާއި އަދި ބޭނުންކުރާ އެސްޕިރިން ބޭހުގެ ސަބަބުން ދިމާވާ އާންމު ކަމެއް ކަމަށެވެ. އަދި މިދިޔަ އަހަރު ފާހަގަވި 'ކްރޯނިކް ވީނަސް އިންސަފިޝަންސީ' (ފައިގެ ނާރުތަކަށް ލޭ ޖަމާވުން) ހާލަތަށް މިހާރު ކުރިއެރުން ލިބިފައިވާ ކަމަށްވެސް ރިޕޯޓުގައިވެއެވެ.
މިއީ ޓްރަމްޕް ދެވަނަ ދައުރަކަށް ވެރިކަމަށް ވަޑައިގެންނެވި ފަހުން އާންމުކުރި ހަތަރުވަނަ މެޑިކަލް ރިޕޯޓެވެ. އަންނަ މަހު 80 އަހަރު ފުރޭ ޓްރަމްޕަކީ އެމެރިކާގެ ރައީސްކަމަށް އިންތިޚާބުވި އެންމެ ދުވަސްވީ ބޭފުޅާއެވެ. އޭނާގެ ކުރިން ރައީސްކަން ކުރެއްވި ޖޯ ބައިޑަން މަގާމުން ވަކިވެވަޑައިގެންނެވީ އުމުރުގެ ސަބަބުން ސިއްހީ ގޮތުން ގާބިލުތޯ އުފެދުނު ސުވާލުތަކާ ގުޅިގެންނެވެ. ނަމަވެސް މި ރިޕޯޓާއެކު ޓްރަމްޕް ދައްކަވަން ބޭނުންފުޅުވަނީ ކުރިއަށް އޮތް މިޑްޓާމް އިންތިޚާބުގެ ކުރިން އޭނާގެ ވަރުގަދަކަމެވެ.
ކިޔުންތެރިންގެ ހިޔާލު