ދުނިޔޭގެ އެންމެ ދުވަސްވީ ފުޓްބޯޅަ، ފުރަތަމަ ފަހަރަށް ސްކޮޓްލޭންޑުން ބޭރަށް، އެމެރިކާގައި ކުރިއަށްދާ ވޯލްޑް ކަޕް މުބާރާތަށް ގެންގޮސްފިއެވެ.

ގާތްގަނޑަކަށް 500 އަހަރުވީ މި ތާރީހީ ބޯޅަ، ޖޫން 24 ވަނަ ދުވަހު ބްރެޒިލްއާ ސްކޮޓްލޭންޑް ބައްދަލުކުރާ މެޗުގެ ތެރޭގައި ދައްކާލުމަށް ވަނީ ހަމަޖެހިފައެވެ. މިއީ މިހާ ދިގު މުއްދަތެއްގެ ތެރޭގައި މި ބޯޅަ ފީފާ ވޯލްޑް ކަޕް މެޗެއްގައި ބައިވެރިވާ ފުރަތަމަ ފަހަރެވެ.

ގިނިސް ވޯލްޑް ރިކޯޑުން ދުނިޔޭގެ އެންމެ ދުވަސްވީ ފުޓްބޯޅައިގެ ގޮތުގައި ފާހަގަކޮށްފައިވާ މި ބޯޅައަކީ، ސްކޮޓްލޭންޑްގެ ތާރީހު ދައްކުވައިދޭ 25 އޮބްޖެކްޓްގެ ތެރޭގައި ހިމެނޭ ވަރަށް ހާއްސަ އެއްޗެކެވެ.

1970ގެ އަހަރުތަކުގައި ސްޓާލިން ކާސަލްގެ ތެރޭގައި ހުރި ކޮޓަރިއެއްގެ ފުރާޅު މަތިން ފެނުނު މި ބޯޅައަކީ، ސައިންޓިފިކް ހޯދުންތަކުން ދައްކާ ގޮތުގައި 1540 އާއި 1570 އާ ދެމެދުގެ ދުވަސްވަރެއްގައި ބޭނުންކޮށްފައިވާ އެއްޗެކެވެ.

މެލަންއެއްގެ ސައިޒު ހުންނަ މި ބޯޅަ ތައްޔާރުކޮށްފައިވަނީ ހަރު ލެދަރު ފޮތިތަކެއް ޖަހައިގެންނެވެ.

މިއީ ސްޓާލިންގްގެ ފަހުރުވެރި ތަރިކައެއްގެ ގޮތުގައި ބަލަމުން އަންނަ، ބައިނަލްއަގުވާމީ ފެންވަރުގެ ހާއްސަ ތާރީހީ އެއްޗެކެވެ.