ރާއްޖޭގެ އިގްތިސާދީ ހާލަތު މިހާރު ހުރި ގޮތުން، ސަރުކާރުން ފޯރުކޮށްދޭ އަސާސީ ހިދުމަތްތަކަށް ކުރާ ހަރަދުތައް ފިޔަވައި، އިތުރު އެހެން އެއްވެސް ހަރަދެއް ކުރުމަކީ ރަނގަޅު ކަމެއް ނޫން ކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެ އެވެ.

ޑޮލަރުގެ އަގު އުފުލެމުންދާ މި ދަނޑިވަޅުގައި ގައުމުގެ މާލީ ހާލަތު ރަނގަޅު ކުރުމަށްޓަކައި، ހިންގަމުންދާ އުމްރާނީ ހުރިހާ މަޝްރޫއުތަކެއް ވަގުތީ ގޮތުން ހުއްޓާލަން ޖެހޭ ކަމަށް އެމަނިކުފާނު ވިދާޅުވި އެވެ.

Dollar ge agu thiri nuvanees Sarukaarun asaasee khidhumaiy thakah kuraa kharadhu fiyavaa ehves kharadheh kurun rangalheh noon. Umraanee hurihaa masahkatheh huhtaalan jehey. Rahrashugai nunimi huri project thah Rashu Council aa havaal kurun rangalhu vaane. Council in cross subsidy…

— Mohamed Nasheed (@MohamedNasheed) July 18, 2026

ރައީސް ނަޝީދު މިއަދު 'އެކްސް' ގައި ހިއްސާކުރެއްވި ހިޔާލުފުޅެއްގައި ވިދާޅުވީ، ރަށްރަށުގައި ނުނިމި ހުރި މަޝްރޫއުތައް އެ ރަށްރަށުގެ ކައުންސިލްތަކާ ހަވާލު ކުރުމަކީ މިވަގުތަށް އެންމެ ފައިދާހުރި ގޮތް ކަމަށެވެ.

އެގޮތުން، ކައުންސިލްތަކުން 'ކްރޮސް ސަބްސިޑީ'ގެ އުސޫލު ބޭނުންކޮށްގެން، ޑޮލަރުގެ އަގު ދަށްކުރުމަށް މަސައްކަތްކޮށް، އެ މަޝްރޫއުތައް ނިންމުމުގެ ގާބިލުކަން އެބަހުރި ކަމަށް ވެސް އެމަނިކުފާނު ފާހަގަކުރެއްވި އެވެ.