އެމެރިކާގެ ރައީސް ޑޮނަލްޑް ޓްރަމްޕް، ވެރިކަމުގެ ތިންވަނަ ދައުރަކަށް ކުރިމަތިލައްވާނެ ކަމަށް ވިދާޅުވެ، ވައިޓް ހައުސް ކޮރެސްޕޮންޑެންޓްސް އެސޯސިއޭޝަންގެ އަހަރީ ޖާފަތުގައި މަޖާޒީ ރޫހެއްގައި ވާހަކަފުޅު ދައްކަވައިފިއެވެ.
ވޮޝިންގްޓަންގެ ވޯލްޑޯފް އެސްޓޯރިއާ ހޮޓަލުގައި ބޭއްވި މި ރަސްމިއްޔާތުގައި ވާހަކަފުޅު ނިންމަވާލައްވަމުން، "ޓްރަމްޕް 2028" ޖަހާފައިވާ ރަތް ކުލައިގެ ތޮއްޕެއް ބައިވެރިންގެ ތެރެއަށް އުއްކަވައި، އޭނާ ވަނީ މަޝްރަހު ފޯރިގައްދަވާފައެވެ. ޓްރަމްޕް ވިދާޅުވީ، އޭނާ މިހާތަނަށް ތިން އިންތިޚާބު ކާމިޔާބު ކުރެއްވި ކަމަށާއި، ކުރިއަށް އޮތް ތަނުގައި ވެސް އެކަން ތަކުރާރު ކުރައްވާނެ ކަމަށެވެ.
އިންތިޚާބުތަކުގައި ވާދަކުރުމުގެ ހުނަރު މިހާރު ވަރަށް ބޮޑަށް އަހުލުވެރިވެފައިވާކަން ފާހަގަކުރައްވަމުން ޓްރަމްޕް ވިދާޅުވީ، "އަހަރެންގެ ރައީސްކަމުގެ ދެވަނަ ދައުރު ފުރަތަމަ ދައުރަށްވުރެ ކާމިޔާބުވި ފަދައިން، ތިންވަނަ ދައުރު މާ ފުރިހަމަވާނެ. އެކަމަކު މިއީ ހަމައެކަނި ސަމާސާއެއް،" ކަމަށެވެ.
އެމެރިކާގެ ޤާނޫނުއަސާސީ ބުނާގޮތުން، އެއްވެސް ފަރާތަކަށް ރައީސްކަމުގެ މަޤާމު ދެ ދައުރަށްވުރެ އިތުރަށް އަދާނުކުރެވޭނެއެވެ. އެމެރިކާގެ ތާރީޚުގައި މި ޤާނޫނަށް އަމަލުކުރަން ފެށުމުގެ ކުރިން، ދެ ދައުރަށްވުރެ ގިނަ ދުވަހު ވެރިކަން ކުރެއްވި ހަމައެކަނި ރައީސަކީ 1933 އިން 1945 އަށް ހަތަރު ދައުރު ފުރިހަމަކުރެއްވި ފްރެންކްލިން ރޫޒްވެލްޓެވެ. އޭނާގެ ވެރިކަމަށްފަހު ގެނެވުނު އިސްލާހާއެކު، ރައީސްކަމުގެ މުއްދަތު ވަނީ ގިނަވެގެން ދެ ދައުރަށް ބަދަލުކޮށްފައެވެ.
މި ހަފްލާއަކީ މީގެ ތިން މަސް ކުރިން ބާއްވަން ތާވަލުކުރި ހަފްލާއެއް ނަމަވެސް، ޓްރަމްޕަށް އަމާޒުވި ހަމަލާއަކާ ގުޅިގެން ސަލާމަތީ ސަބަބުތަކަށްޓަކައި ފަސްކުރުމަށްފަހު، ވަރުގަދަ ސެކިއުރިޓީއަކާއެކު ބޭއްވި ހަފްލާއެކެވެ.
މި ރަސްމިއްޔާތުގައި ޓްރަމްޕް ވަނީ ނޫސްވެރިންނަށް ފާޑުވިދާޅުވެ، އަދި އޭނާއަށް ތާއީދުކުރާ މަޝްހޫރު ލަވަކިއުންތެރިޔާ ނިކީ މިނާޖާ ގުޅުވައިގެން ވެސް ސަމާސާ ކުރައްވާފައެވެ. މީގެއިތުރުން، ޖެފްރީ އެޕްސްޓީންގެ މައްސަލަ ރިޕޯޓްކޮށްގެން އިނާމު ހާސިލުކުރި ވޯލް ސްޓްރީޓް ޖާނަލްގެ ނޫސްވެރިންނަށް އިޝާރާތް ކުރައްވައި، މިއީ "މާ ފަސޭހަ ރޭގަނޑެއް ނޫން" ކަމަށް ވިދާޅުވެ ޓްރަމްޕް ވަނީ މަޖާ ރާގަކަށް ވާހަކަފުޅު ދައްކަވާފައެވެ.
އިންތިޚާބުތަކުގައި ވާދަކުރުމުގެ ހުނަރު މިހާރު ވަރަށް ބޮޑަށް އަހުލުވެރިވެފައިވާކަން ފާހަގަކުރައްވަމުން ޓްރަމްޕް ވިދާޅުވީ، "އަހަރެންގެ ރައީސްކަމުގެ ދެވަނަ ދައުރު ފުރަތަމަ ދައުރަށްވުރެ ކާމިޔާބުވި ފަދައިން، ތިންވަނަ ދައުރު މާ ފުރިހަމަވާނެ. އެކަމަކު މިއީ ހަމައެކަނި ސަމާސާއެއް،" ކަމަށެވެ.
އެމެރިކާގެ ޤާނޫނުއަސާސީ ބުނާގޮތުން، އެއްވެސް ފަރާތަކަށް ރައީސްކަމުގެ މަޤާމު ދެ ދައުރަށްވުރެ އިތުރަށް އަދާނުކުރެވޭނެއެވެ. އެމެރިކާގެ ތާރީޚުގައި މި ޤާނޫނަށް އަމަލުކުރަން ފެށުމުގެ ކުރިން، ދެ ދައުރަށްވުރެ ގިނަ ދުވަހު ވެރިކަން ކުރެއްވި ހަމައެކަނި ރައީސަކީ 1933 އިން 1945 އަށް ހަތަރު ދައުރު ފުރިހަމަކުރެއްވި ފްރެންކްލިން ރޫޒްވެލްޓެވެ. އޭނާގެ ވެރިކަމަށްފަހު ގެނެވުނު އިސްލާހާއެކު، ރައީސްކަމުގެ މުއްދަތު ވަނީ ގިނަވެގެން ދެ ދައުރަށް ބަދަލުކޮށްފައެވެ.
މި ރަސްމިއްޔާތުގައި ޓްރަމްޕް ވަނީ ނޫސްވެރިންނަށް ފާޑުވިދާޅުވެ، އަދި އޭނާއަށް ތާއީދުކުރާ މަޝްހޫރު ލަވަކިއުންތެރިޔާ ނިކީ މިނާޖާ ގުޅުވައިގެން ވެސް ސަމާސާ ކުރައްވާފައެވެ. މީގެއިތުރުން، ޖެފްރީ އެޕްސްޓީންގެ މައްސަލަ ރިޕޯޓްކޮށްގެން އިނާމު ހާސިލުކުރި ވޯލް ސްޓްރީޓް ޖާނަލްގެ ނޫސްވެރިންނަށް އިޝާރާތް ކުރައްވައި، މިއީ "މާ ފަސޭހަ ރޭގަނޑެއް ނޫން" ކަމަށް ވިދާޅުވެ ޓްރަމްޕް ވަނީ މަޖާ ރާގަކަށް ވާހަކަފުޅު ދައްކަވާފައެވެ.
ކިޔުންތެރިންގެ ހިޔާލު