ކ. ހިންމަފުށީގައި ހުންނަ ޑްރަގް ޓްރީޓްމަންޓް އެންޑް ރިހިބިލިޓޭޝަން ސެންޓަރުގެ ހާލަތު އިންތިހާއަށް ގޯސްވެ، އެތަނުން ފަރުވާ ހޯދަމުންދާ ފަރާތްތަކާއި އެފަރާތްތަކުގެ އާއިލާތަކުގެ ބޮޑެތި ކަންބޮޑުވުންތަކެއް ހުރިކަން ހާމަކުރައްވައި، ރައްޔިތުންގެ މަޖިލީހުގެ ގަލޮޅު އުތުރު ދާއިރާގެ މެންބަރު މުހައްމަދު އިބްރާހީމް (ކުޑޫ) ހޯމް މިނިސްޓަރު އަލީ އިހުސާނަށް ސުވާލުތަކެއް ހުށަހަޅުއްވައިފިއެވެ.
މެންބަރު މުހައްމަދު އިބްރާހީމް މި ސުވާލުތައް ހޯމް މިނިސްޓަރަށް ފޮނުއްވާފައިވަނީ، އެ ސެންޓަރުގެ ހިންގުމާއި ބެލެހެއްޓުމުގައި ބޮޑެތި އިހުމާލުތަކެއް ހުރި ކަމަށް ބުނެ އާންމުންގެ ޝަކުވާތައް އިތުރުވެފައިވާ ދަނޑިވަޅެއްގައެވެ.
މެންބަރު ކުޑޫ ވަނީ ސެންޓަރުގެ ހާލަތާ ގުޅޭގޮތުން ޖުމްލަ 10 ސުވާލެއް މިނިސްޓަރު އިހުސާނަށް ފޮނުއްވާފައެވެ. މި ސުވާލުތަކުގެ ތެރޭގައި އެންމެ ބޮޑަށް ފާހަގަކޮށްފައިވަނީ ސެންޓަރުގެ އިމާރާތް ބޭނުންކުރަން ދަތިވާ މިންވަރަށް ބާވެފައިވާ ކަމަށް ބުނާ ވާހަކަތަކާއި، ބަލިމީހުން ބޭތިއްބުމަށް އެކަށީގެންވާ ސާފުތާހިރު މާހައުލެއް ނެތް ކަމަށް ކުރެވޭ ތުހުމަތުތަކެވެ. އަދި ފަރުވާ ހޯދާ ފަރާތްތަކަށް ދޭ ކާބޯތަކެތީގެ ފެންވަރާއި، ފާޚާނާ އަދި ނިދާ ކޮޓަރިތަކުގެ ހާލަތު ރަނގަޅު ކުރުމަށް ސަރުކާރުން ކުރަމުންދާ މަސައްކަތްތަކަކީ ކޮބައިތޯވެސް އޭނާ ވަނީ ސުވާލު ކުރައްވާފައެވެ.
މީގެ އިތުރުން، ސެންޓަރުގައި ދެވޭ ފަރުވާގެ ފެންވަރާ މެދު ސުވާލު އުފައްދަވަމުން، އެ ތަނުގައި ހިންގާ ޕްރޮގްރާމްތަކަކީ ޒަމާނީ ސައިންޓިފިކް ހެކިތަކުގެ މައްޗަށް ބިނާވެފައިވާ ފަރުވާތަކެއްތޯ މެންބަރު ސާފުކޮށްދެއްވުމަށް އެދިވަޑައިގަތެވެ. ޚާއްސަކޮށް، ޔޫއެންއޯޑީސީ އާއި ޑަބްލިއުއެޗްއޯ ފަދަ ބައިނަލްއަގުވާމީ ޖަމިއްޔާތަކުން ކަނޑައަޅާފައިވާ އިންސާނީ ހައްގުތަކުގެ މިންގަނޑުތަކަށް އެ ތަނުގެ ޚިދުމަތްތައް ފެތޭތޯ ބެއްލެވުމަށްވެސް ވަނީ އެދިވަޑައިގަތެވެ.
މުވައްޒަފުންގެ ދައުރާ ގުޅޭގޮތުން ވާހަކަ ދައްކަވަމުން، ފަރުވާ ދޭން ތިބޭ މުވައްޒަފުންގެ ގާބިލުކަން ބެލޭނެ ނިޒާމުތަކާއި، އެ ފަރާތްތަކަށް ބޭނުންވާ ތަމްރީނު ދިނުމުގެ އުސޫލުތައް ލިޔުމުން ފެންނަން ހުރިތޯ މެންބަރު ވަނީ ސުވާލު ކުރައްވާފައެވެ. އަދި މަސްތުވުމުގެ ބަލި ފަދަ ނަފުސާނީ ބަލިތަކަށް އެހީތެރިވާ މުވައްޒަފުންގެ އަމިއްލަ ނަފުސާނީ ދުޅަހެޔޮކަން ކަށަވަރުކުރުމަށް ހުރި މެކޭނިޒަމްތަކާ ބެހޭގޮތުން ވެސް މިނިސްޓަރާ ސުވާލު ކުރިމަތިކުރެއްވިއެވެ.
މެންބަރު ކުޑޫ ފާހަގަކުރެއްވި ގޮތުގައި، މަސްތުވާތަކެއްޗާބެހޭ ގާނޫނާއި ބައިނަލްއަގުވާމީ މިންގަނޑުތަކަށް ރިއާޔަތްކޮށް، ފަރުވާ ބޭނުންވާ ކޮންމެ މީހަކަށް ރައްކާތެރި އަދި އިންސާނީ ކަރާމާތް ހިމާޔަތްކުރެވިފައިވާ މާހައުލެއް ކަށަވަރުކޮށްދިނުމަކީ ކޮންމެހެން ބޭނުންތެރި ކަމެއް ކަމަށް އާއިލާތަކުން ދެކެއެވެ. އަދި މި މައްސަލަތަކަށް އަވަސް ހައްލެއް ނުލިބިއްޖެނަމަ، ފަރުވާގެ ނަތީޖާ ގެއްލި، ބަލިމީހުން އަލުން އެ ވަބާގެ ތެރެއަށް ދިއުމުގެ ބިރު އޮތްކަންވެސް އޭނާ ފާހަގަކުރެއްވިއެވެ.
މި މައުލޫމާތުތަކަކީ އާންމު މަސްލަހަތާ ގުޅިފައިވާ މުހިންމު ކަންކަމަށްވާތީ، ވީ އެންމެ އަވަސް މުއްދަތެއްގެ ތެރޭގައި މި ސުވާލުތަކަށް ޖަވާބު ދެއްވުމަށް މެންބަރު ކުޑޫ ވަނީ ހޯމް މިނިސްޓަރުގެ ކިބައިން އެދިވަޑައިގަންނަވާފައެވެ.
މެންބަރު ކުޑޫ ވަނީ ސެންޓަރުގެ ހާލަތާ ގުޅޭގޮތުން ޖުމްލަ 10 ސުވާލެއް މިނިސްޓަރު އިހުސާނަށް ފޮނުއްވާފައެވެ. މި ސުވާލުތަކުގެ ތެރޭގައި އެންމެ ބޮޑަށް ފާހަގަކޮށްފައިވަނީ ސެންޓަރުގެ އިމާރާތް ބޭނުންކުރަން ދަތިވާ މިންވަރަށް ބާވެފައިވާ ކަމަށް ބުނާ ވާހަކަތަކާއި، ބަލިމީހުން ބޭތިއްބުމަށް އެކަށީގެންވާ ސާފުތާހިރު މާހައުލެއް ނެތް ކަމަށް ކުރެވޭ ތުހުމަތުތަކެވެ. އަދި ފަރުވާ ހޯދާ ފަރާތްތަކަށް ދޭ ކާބޯތަކެތީގެ ފެންވަރާއި، ފާޚާނާ އަދި ނިދާ ކޮޓަރިތަކުގެ ހާލަތު ރަނގަޅު ކުރުމަށް ސަރުކާރުން ކުރަމުންދާ މަސައްކަތްތަކަކީ ކޮބައިތޯވެސް އޭނާ ވަނީ ސުވާލު ކުރައްވާފައެވެ.
މީގެ އިތުރުން، ސެންޓަރުގައި ދެވޭ ފަރުވާގެ ފެންވަރާ މެދު ސުވާލު އުފައްދަވަމުން، އެ ތަނުގައި ހިންގާ ޕްރޮގްރާމްތަކަކީ ޒަމާނީ ސައިންޓިފިކް ހެކިތަކުގެ މައްޗަށް ބިނާވެފައިވާ ފަރުވާތަކެއްތޯ މެންބަރު ސާފުކޮށްދެއްވުމަށް އެދިވަޑައިގަތެވެ. ޚާއްސަކޮށް، ޔޫއެންއޯޑީސީ އާއި ޑަބްލިއުއެޗްއޯ ފަދަ ބައިނަލްއަގުވާމީ ޖަމިއްޔާތަކުން ކަނޑައަޅާފައިވާ އިންސާނީ ހައްގުތަކުގެ މިންގަނޑުތަކަށް އެ ތަނުގެ ޚިދުމަތްތައް ފެތޭތޯ ބެއްލެވުމަށްވެސް ވަނީ އެދިވަޑައިގަތެވެ.
މުވައްޒަފުންގެ ދައުރާ ގުޅޭގޮތުން ވާހަކަ ދައްކަވަމުން، ފަރުވާ ދޭން ތިބޭ މުވައްޒަފުންގެ ގާބިލުކަން ބެލޭނެ ނިޒާމުތަކާއި، އެ ފަރާތްތަކަށް ބޭނުންވާ ތަމްރީނު ދިނުމުގެ އުސޫލުތައް ލިޔުމުން ފެންނަން ހުރިތޯ މެންބަރު ވަނީ ސުވާލު ކުރައްވާފައެވެ. އަދި މަސްތުވުމުގެ ބަލި ފަދަ ނަފުސާނީ ބަލިތަކަށް އެހީތެރިވާ މުވައްޒަފުންގެ އަމިއްލަ ނަފުސާނީ ދުޅަހެޔޮކަން ކަށަވަރުކުރުމަށް ހުރި މެކޭނިޒަމްތަކާ ބެހޭގޮތުން ވެސް މިނިސްޓަރާ ސުވާލު ކުރިމަތިކުރެއްވިއެވެ.
މި މައުލޫމާތުތަކަކީ އާންމު މަސްލަހަތާ ގުޅިފައިވާ މުހިންމު ކަންކަމަށްވާތީ، ވީ އެންމެ އަވަސް މުއްދަތެއްގެ ތެރޭގައި މި ސުވާލުތަކަށް ޖަވާބު ދެއްވުމަށް މެންބަރު ކުޑޫ ވަނީ ހޯމް މިނިސްޓަރުގެ ކިބައިން އެދިވަޑައިގަންނަވާފައެވެ.
ކިޔުންތެރިންގެ ހިޔާލު