ދިވެހިރާއްޖެއިން އިނގިރޭސިވިލާތަށް ކަނޑައަޅާފައި ހުންނަވާ ސަފީރު (ހައިކޮމިޝަނަރު) ކަމުގެ މަގާމަށް ހ. ވައިޓްޑައިމަންޑް، ޖަމީލާ ޢަލީ ޚާލިދު، ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު އައްޔަންކުރައްވައިފިއެވެ.
ރައީސުލްޖުމްހޫރިއްޔާގެ އޮފީހުން މައުލޫމާތު ދެއްވި ގޮތުގައި، ޖަމީލާ ޢަލީ ޚާލިދަށް މި މަގާމުގެ ފަތްކޮޅު އެރުވުމުގެ ރަސްމިއްޔާތު އޮތީ މިއަދު ހެނދުނު ރައީސް އޮފީހުގައެވެ. މަގާމުގެ ފަތްކޮޅު ޖަމީލާއާ ހަވާލުކޮށްދެއްވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒެވެ.
މި މަގާމަށް ޖަމީލާ އައްޔަންކުރެއްވުމަށްޓަކައި، ފޮރިން ސާވިސްގެ ގާނޫނުގެ ދަށުން ރައީސުލްޖުމްހޫރިއްޔާ އޭނާގެ ނަންފުޅު ރައްޔިތުންގެ މަޖިލީހަށް ފޮނުއްވީ މި ހިނގާ މަހުގެ 16 ވަނަ ދުވަހުއެވެ. މަޖިލީހަށް ނަން ފޮނުއްވުމާ ގުޅިގެން، މަޖިލީހުގެ ޚާރިޖީ ގުޅުންތަކުގެ ކޮމިޓީން ވަނީ އެ މައްސަލަ ދިރާސާކޮށް، ސަފީރުކަމުގެ ޒިންމާ އަދާކުރެއްވުމުގެ ގާބިލުކަން ޖަމީލާގެ ކިބައިގައި ހުރިކަމަށް ނިންމައި މަޖިލީހުގެ ތަޅުމުން އޭނާއަށް ރުހުން ދީފައެވެ.
އިނގިރޭސިވިލާތުގައި ހުންނަވާ ދިވެހި ސަފީރުގެ މަގާމު ހުސްވެފައިވަނީ، ކުރިން އެ މަގާމުގައި ހުންނެވި ޑރ. އިރުތިޝާމް އާދަމް، މިދިޔަ އޭޕްރީލް މަހުގެ ތެރޭގައި ޚާރިޖީ ވަޒީރުގެ މަގާމަށް އައްޔަންކުރެއްވުމާ ގުޅިގެންނެވެ. އިނގިރޭސިވިލާތަކީ ޒަމާނުއްސުރެ ރާއްޖެއާ ވަރަށް ގާތް އަދި ބަދަހި ޚާރިޖީ ގުޅުމެއް އޮންނަ ގައުމަކަށް ވާއިރު، އެ ގައުމަށް ކަނޑައަޅާ ސަފީރަކީ ދެ ގައުމުގެ މެދުގައި އޮންނަ ސިޔާސީ، އިގުތިސާދީ އަދި ތައުލީމީ ގުޅުންތައް އިތުރަށް ހަރުދަނާކުރުމުގައި މުހިންމު ދައުރެއް އަދާކުރައްވަންޖެހޭ ފަރާތެކެވެ.
މިއަދު ސަފީރުކަމުގެ މަގާމާ ހަވާލުވެވަޑައިގެންނެވި ޖަމީލާ ޢަލީ ޚާލިދަކީ ދައުލަތުގެ އިސް އެކި މަގާމުތަކުގައި ގިނަ އަހަރުތަކެއް ވަންދެން ޚިދުމަތް ކުރައްވައި، ތަޖުރިބާ ހޯއްދަވާފައިވާ ބޭފުޅެކެވެ. އެގޮތުން މި މަގާމަށް އައްޔަންކުރެއްވުމުގެ ކުރިން އޭނާ ހުންނެވީ މިނިސްޓްރީ އޮފް ފޮރިން އެފެއާޒްގެ އެމްބެސެޑަރ-އެޓް-ލާޖްގެ މަގާމުގައެވެ.
މީގެ އިތުރުން، 2017 ވަނަ އަހަރުން ފެށިގެން 2019 ވަނަ އަހަރާ ހަމައަށް ޖަރުމަނުވިލާތުގައި ހުންނެވި ފުރަތަމަ ދިވެހި ސަފީރުގެ ހައިސިއްޔަތުން އެ ގައުމާއި ރާއްޖެއާ ދެމެދު އޮތް ގުޅުން ފުޅާކުރުމަށް އޭނާ ވަނީ ފާހަގަކޮށްލެވޭ މަސައްކަތްތަކެއް ކުރައްވާފައެވެ. އަދި ޚާރިޖީ ދާއިރާގެ އިތުރުން، ސިވިލް ސާވިސް ކޮމިޝަނުގެ ނައިބު ރައީސްކަމުގެ މަގާމާއި، ތައުލީމީ ދާއިރާ އަދި މީޑިއާގެ ދާއިރާގައި ވެސް ޖަމީލާ ވަނީ ގިނަ ދުވަސްތަކެއް ވަންދެން އަގުހުރި ޚިދުމަތްތަކެއް ކޮށްދެއްވާފައެވެ.
މި މަގާމަށް ޖަމީލާ އައްޔަންކުރެއްވުމަށްޓަކައި، ފޮރިން ސާވިސްގެ ގާނޫނުގެ ދަށުން ރައީސުލްޖުމްހޫރިއްޔާ އޭނާގެ ނަންފުޅު ރައްޔިތުންގެ މަޖިލީހަށް ފޮނުއްވީ މި ހިނގާ މަހުގެ 16 ވަނަ ދުވަހުއެވެ. މަޖިލީހަށް ނަން ފޮނުއްވުމާ ގުޅިގެން، މަޖިލީހުގެ ޚާރިޖީ ގުޅުންތަކުގެ ކޮމިޓީން ވަނީ އެ މައްސަލަ ދިރާސާކޮށް، ސަފީރުކަމުގެ ޒިންމާ އަދާކުރެއްވުމުގެ ގާބިލުކަން ޖަމީލާގެ ކިބައިގައި ހުރިކަމަށް ނިންމައި މަޖިލީހުގެ ތަޅުމުން އޭނާއަށް ރުހުން ދީފައެވެ.
އިނގިރޭސިވިލާތުގައި ހުންނަވާ ދިވެހި ސަފީރުގެ މަގާމު ހުސްވެފައިވަނީ، ކުރިން އެ މަގާމުގައި ހުންނެވި ޑރ. އިރުތިޝާމް އާދަމް، މިދިޔަ އޭޕްރީލް މަހުގެ ތެރޭގައި ޚާރިޖީ ވަޒީރުގެ މަގާމަށް އައްޔަންކުރެއްވުމާ ގުޅިގެންނެވެ. އިނގިރޭސިވިލާތަކީ ޒަމާނުއްސުރެ ރާއްޖެއާ ވަރަށް ގާތް އަދި ބަދަހި ޚާރިޖީ ގުޅުމެއް އޮންނަ ގައުމަކަށް ވާއިރު، އެ ގައުމަށް ކަނޑައަޅާ ސަފީރަކީ ދެ ގައުމުގެ މެދުގައި އޮންނަ ސިޔާސީ، އިގުތިސާދީ އަދި ތައުލީމީ ގުޅުންތައް އިތުރަށް ހަރުދަނާކުރުމުގައި މުހިންމު ދައުރެއް އަދާކުރައްވަންޖެހޭ ފަރާތެކެވެ.
މީގެ އިތުރުން، 2017 ވަނަ އަހަރުން ފެށިގެން 2019 ވަނަ އަހަރާ ހަމައަށް ޖަރުމަނުވިލާތުގައި ހުންނެވި ފުރަތަމަ ދިވެހި ސަފީރުގެ ހައިސިއްޔަތުން އެ ގައުމާއި ރާއްޖެއާ ދެމެދު އޮތް ގުޅުން ފުޅާކުރުމަށް އޭނާ ވަނީ ފާހަގަކޮށްލެވޭ މަސައްކަތްތަކެއް ކުރައްވާފައެވެ. އަދި ޚާރިޖީ ދާއިރާގެ އިތުރުން، ސިވިލް ސާވިސް ކޮމިޝަނުގެ ނައިބު ރައީސްކަމުގެ މަގާމާއި، ތައުލީމީ ދާއިރާ އަދި މީޑިއާގެ ދާއިރާގައި ވެސް ޖަމީލާ ވަނީ ގިނަ ދުވަސްތަކެއް ވަންދެން އަގުހުރި ޚިދުމަތްތަކެއް ކޮށްދެއްވާފައެވެ.
ކިޔުންތެރިންގެ ހިޔާލު