ދިވެހިރާއްޖެއާއި ޗައިނާއާ ދެމެދު އޮތް ޒަމާންވީ ރަޙުމަތްތެރިކަމުގެ ގުޅުމަކީ، ދެ ޤައުމުގެ ރައްޔިތުންނަށް ފުރުޞަތުތައް ފަހިކޮށްދީ، ފާގަތި އަދި އުޖާލާ މުސްތަޤުބަލަކަށް ވާސިލުވުމަށް އެޅިފައިވާ ވަރުގަދަ ފާލަމެއް ކަމުގައި ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު ވިދާޅުވެއްޖެއެވެ.
ރައީސުލްޖުމްހޫރިއްޔާ މިހެން ވިދާޅުވީ، ޕީޕަލްސް ރިޕަބްލިކް އޮފް ޗައިނާގެ 77 ވަނަ ޤައުމީ ދުވަހާއި އެ ޤައުމުގެ ސަގާފީ "މިޑް-އޯޓަމް ފެސްޓިވަލް" ފާހަގަކުރުމުގެ ގޮތުން ބޭއްވި ރަސްމީ ޙަފުލާ ޝަރަފުވެރިކޮށްދެއްވައި ދެއްކެވި ވާހަކަފުޅުގައެވެ.
މި ޙަފުލާގައި ވާހަކަފުޅު ދައްކަވަމުން ރައީސް ފާހަގަކުރެއްވި ގޮތުގައި، ދެ ޤައުމުގެ ޒަމާންވީ ގުޅުން ބިނާވެފައިވަނީ ދެފަރާތުގެ އިޙުތިރާމާއި، ސިޔާދަތީ ހަމަހަމަކަމުގެ އިތުރުން ސުލްޙަވެރިކަމާއެކު އެކުގައި އުޅުމުގެ މަތިވެރި އަސާސްތަކުގެ މައްޗަށެވެ. އަދި ރާއްޖެއިން އަބަދުވެސް "ވަން ޗައިނާ ޕޮލިސީ" އަށް ފުރިހަމައަށް އިޙުތިރާމްކޮށް ތާއީދުކުރާނެކަމުގެ ޔަޤީންކަން އެމަނިކުފާނު ދެއްވިއެވެ. މީގެއިތުރުން، އެމަނިކުފާނު ޗައިނާއަށް ކުރެއްވި ފުރަމާނަ ދަތުރުފުޅަށްފަހު، ދެ ޤައުމުގެ ގުޅުން "ކޮމްޕްރިހެންސިވް ސްޓްރެޓީޖިކް ކޯޕަރޭޓިވް ޕާޓްނަރޝިޕް" ގެ އައު އުސްމިންތަކަކަށް ވާސިލުވެފައިވާކަން ވެސް ފާހަގަކުރެއްވިއެވެ.
ރާއްޖޭގެ ތަރައްޤީގެ ދަތުރުގައި ޗައިނާއިން އަދާކުރާ މުހިންމު ދައުރަށް އަލިއަޅުއްވާލައްވަމުން، ޒަމާނީ އުމްރާނީ ތަރައްޤީއާއި، ރަށްރަށުގެ ދެމެހެއްޓެނިވި މަޝްރޫޢުތަކާއި، ތަޢުލީމީ އަދި ފަންނީ ތަމްރީނުތަކުގެ ދާއިރާއިން ޗައިނާއިން ވެދެމުންދާ އެހީތެރިކަން ރައީސް ޝުކުރުވެރިކަމާއެކު ފާހަގަކުރެއްވިއެވެ. ޚާއްޞަކޮށް، ދެ ޤައުމުގެ ގުޅުން ރަމްޒުކޮށްދޭ ސިނަމާލެ ބްރިޖާއި، ބޯހިޔާވަހިކަމުގެ މަޝްރޫޢުތަކުގެ އިތުރުން، ދާދިފަހުން ޢަމަލުކުރަން ފެށި މިނިވަން ވިޔަފާރީގެ އެއްބަސްވުމުގެ (އެފް.ޓީ.އޭ) ސަބަބުން އިޤްތިޞާދީ ގޮތުން ހުޅުވިގެންދިޔަ ފުރުޞަތުތަކަށް އެމަނިކުފާނު އަލިއަޅުއްވާލެއްވިއެވެ.
ދުނިޔެއަށް ކުރިމަތިވެފައިވާ ގޮންޖެހުންތަކަށް އިޝާރާތްކުރައްވައި ރައީސް ވިދާޅުވީ، ބައިނަލްއަޤްވާމީ މައިދާނުގައި ހިނގަމުންދާ ހަމަނުޖެހުންތަކުގެ ސަބަބުން ދުނިޔޭގެ އިޤްތިޞާދަށާއި ވިޔަފާރިއަށް ބޮޑެތި ލޮޅުންތަކެއް އަރަމުންދާ ކަމަށެވެ. އަދި މިކަމުގެ ނޭދެވޭ އަސަރު ރާއްޖެ ފަދަ ނާޒުކު، ތަރައްޤީވަމުން އަންނަ ކުދި ޖަޒީރާ ޤައުމުތަކަށް އިންތިހާއަށް ކުރަމުންދާކަން ބަޔާންކުރެއްވިއެވެ. އެހެންކަމުން، މިފަދަ ގޮންޖެހުންތަކުން އަރައިގަތުމަށް ބައިނަލްއަޤްވާމީ އެއްބާރުލުމާއި، ޤައުމުތަކުގެ މެދުގައި އޮންނަ އިތުބާރާއި ސުލްޙަވެރި މަޝްވަރާތައް އިސްކުރުމުގެ މުހިންމުކަން އެމަނިކުފާނު ފާހަގަކުރެއްވިއެވެ.
ކުރިމަގަށް ބައްލަވާލައްވަމުން، ޗައިނާގެ "ގްލޯބަލް އިނީޝިއޭޓިވްސް" ގެ ތެރެއިންނާއި ރާއްޖޭގެ ޤައުމީ ތަރައްޤީގެ ލަނޑުދަނޑިތަކާ ގުޅުވައިގެން، ދެ ޤައުމުގެ ގުޅުން އިތުރަށް ބަދަހިކޮށް ފުޅާކުރުމަށް ރާއްޖެއިން އަބަދުވެސް ތައްޔާރަށް އޮތް ކަމުގައި ރައީސުލްޖުމްހޫރިއްޔާ ވިދާޅުވިއެވެ.
ވާހަކަފުޅު ނިންމަވާލައްވަމުން، ޗައިނާގެ ރައީސް ޝީ ޖިންޕިންގ އަށާއި، އެ ޤައުމުގެ ސަރުކާރަށާއި ރައްޔިތުންނަށް ޤައުމީ ދުވަހުގެ އިޚްލާޞްތެރި ހެޔޮއެދުންތަކާއި ތަހުނިޔާ އަރިސްކުރައްވައި، ޗައިނާއަށް އިތުރު ކުރިއެރުމާއި ފާގަތިކަމަށް ރައީސް އެދިވަޑައިގެންނެވިއެވެ.
މި ފުރިހަމަ ޙަފުލާގައި ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދާއި، ދަޢުލަތުގެ ވަޒީރުންނާއި، ޗައިނާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ހިސް އެކްސެލެންސީ ކޮންގ ޝިއަންހުއާގެ އިތުރުން ދެ ޤައުމުގެ އިސްވެރިން ބައިވެރިވެވަޑައިގެންނެވިއެވެ.
މި ޙަފުލާގައި ވާހަކަފުޅު ދައްކަވަމުން ރައީސް ފާހަގަކުރެއްވި ގޮތުގައި، ދެ ޤައުމުގެ ޒަމާންވީ ގުޅުން ބިނާވެފައިވަނީ ދެފަރާތުގެ އިޙުތިރާމާއި، ސިޔާދަތީ ހަމަހަމަކަމުގެ އިތުރުން ސުލްޙަވެރިކަމާއެކު އެކުގައި އުޅުމުގެ މަތިވެރި އަސާސްތަކުގެ މައްޗަށެވެ. އަދި ރާއްޖެއިން އަބަދުވެސް "ވަން ޗައިނާ ޕޮލިސީ" އަށް ފުރިހަމައަށް އިޙުތިރާމްކޮށް ތާއީދުކުރާނެކަމުގެ ޔަޤީންކަން އެމަނިކުފާނު ދެއްވިއެވެ. މީގެއިތުރުން، އެމަނިކުފާނު ޗައިނާއަށް ކުރެއްވި ފުރަމާނަ ދަތުރުފުޅަށްފަހު، ދެ ޤައުމުގެ ގުޅުން "ކޮމްޕްރިހެންސިވް ސްޓްރެޓީޖިކް ކޯޕަރޭޓިވް ޕާޓްނަރޝިޕް" ގެ އައު އުސްމިންތަކަކަށް ވާސިލުވެފައިވާކަން ވެސް ފާހަގަކުރެއްވިއެވެ.
ރާއްޖޭގެ ތަރައްޤީގެ ދަތުރުގައި ޗައިނާއިން އަދާކުރާ މުހިންމު ދައުރަށް އަލިއަޅުއްވާލައްވަމުން، ޒަމާނީ އުމްރާނީ ތަރައްޤީއާއި، ރަށްރަށުގެ ދެމެހެއްޓެނިވި މަޝްރޫޢުތަކާއި، ތަޢުލީމީ އަދި ފަންނީ ތަމްރީނުތަކުގެ ދާއިރާއިން ޗައިނާއިން ވެދެމުންދާ އެހީތެރިކަން ރައީސް ޝުކުރުވެރިކަމާއެކު ފާހަގަކުރެއްވިއެވެ. ޚާއްޞަކޮށް، ދެ ޤައުމުގެ ގުޅުން ރަމްޒުކޮށްދޭ ސިނަމާލެ ބްރިޖާއި، ބޯހިޔާވަހިކަމުގެ މަޝްރޫޢުތަކުގެ އިތުރުން، ދާދިފަހުން ޢަމަލުކުރަން ފެށި މިނިވަން ވިޔަފާރީގެ އެއްބަސްވުމުގެ (އެފް.ޓީ.އޭ) ސަބަބުން އިޤްތިޞާދީ ގޮތުން ހުޅުވިގެންދިޔަ ފުރުޞަތުތަކަށް އެމަނިކުފާނު އަލިއަޅުއްވާލެއްވިއެވެ.
ދުނިޔެއަށް ކުރިމަތިވެފައިވާ ގޮންޖެހުންތަކަށް އިޝާރާތްކުރައްވައި ރައީސް ވިދާޅުވީ، ބައިނަލްއަޤްވާމީ މައިދާނުގައި ހިނގަމުންދާ ހަމަނުޖެހުންތަކުގެ ސަބަބުން ދުނިޔޭގެ އިޤްތިޞާދަށާއި ވިޔަފާރިއަށް ބޮޑެތި ލޮޅުންތަކެއް އަރަމުންދާ ކަމަށެވެ. އަދި މިކަމުގެ ނޭދެވޭ އަސަރު ރާއްޖެ ފަދަ ނާޒުކު، ތަރައްޤީވަމުން އަންނަ ކުދި ޖަޒީރާ ޤައުމުތަކަށް އިންތިހާއަށް ކުރަމުންދާކަން ބަޔާންކުރެއްވިއެވެ. އެހެންކަމުން، މިފަދަ ގޮންޖެހުންތަކުން އަރައިގަތުމަށް ބައިނަލްއަޤްވާމީ އެއްބާރުލުމާއި، ޤައުމުތަކުގެ މެދުގައި އޮންނަ އިތުބާރާއި ސުލްޙަވެރި މަޝްވަރާތައް އިސްކުރުމުގެ މުހިންމުކަން އެމަނިކުފާނު ފާހަގަކުރެއްވިއެވެ.
ކުރިމަގަށް ބައްލަވާލައްވަމުން، ޗައިނާގެ "ގްލޯބަލް އިނީޝިއޭޓިވްސް" ގެ ތެރެއިންނާއި ރާއްޖޭގެ ޤައުމީ ތަރައްޤީގެ ލަނޑުދަނޑިތަކާ ގުޅުވައިގެން، ދެ ޤައުމުގެ ގުޅުން އިތުރަށް ބަދަހިކޮށް ފުޅާކުރުމަށް ރާއްޖެއިން އަބަދުވެސް ތައްޔާރަށް އޮތް ކަމުގައި ރައީސުލްޖުމްހޫރިއްޔާ ވިދާޅުވިއެވެ.
މި ފުރިހަމަ ޙަފުލާގައި ރައީސުލްޖުމްހޫރިއްޔާގެ އަނބިކަނބަލުން ސާޖިދާ މުޙައްމަދާއި، ދަޢުލަތުގެ ވަޒީރުންނާއި، ޗައިނާއިން ރާއްޖެއަށް ކަނޑައަޅުއްވާފައި ހުންނަވާ ސަފީރު ހިސް އެކްސެލެންސީ ކޮންގ ޝިއަންހުއާގެ އިތުރުން ދެ ޤައުމުގެ އިސްވެރިން ބައިވެރިވެވަޑައިގެންނެވިއެވެ.
ކިޔުންތެރިންގެ ހިޔާލު